Josoa 13:27 - Baiboly Katolika

²⁷ ary eo amin’ny lohasaha, Bety-Harama, Bety-Nemrà, Sokôta sy Safôna, sisa tamin’ny fanjakan’i Sehôna mpanjakan’i Hesebona; ary Jordany sy ny tany momba azy, hatramin’ny tendron’ny ranomasina Kenerata an-dafin’i Jordany any atsinanana.

Baiboly Protestanta Malagasy 2011

²⁷ ary tao amin’ny lohasaha, i Bety-Harama, i Bety-Nimra, i Sokota, i Zafona sy ny sisa tamin’ny fanjakan’i Sihona, mpanjakan’i Hesbona, ary ny moron’i Jordana hatramin’ny moron’ny ranomasina Kinereta, any andafy atsinanan’i Jordana.

DIEM PROTESTANTA

²⁷ Tany amin’ny lohasahan’i Jôrdàna kosa dia nisy an’i Bety-Harama sy i Bety-Nimrà ary i Sokôta sy i Tsafôna, izany hoe ny sisa amin’ny fanjakan’i Sihôna izay nanjaka tao Hesbôna: tao andafy atsinanan’i Jôrdàna no misy izany faritany izany, ka mipaka hatrany amin’ny farihin’i Genesareta any avaratra.

Dikateny Iombonana Eto Madagasikara

²⁷ Tany amin’ny lohasahan’i Jôrdàna kosa dia nisy an’i Bety-Harama sy i Bety-Nimrà ary i Sokôta sy i Tsafôna, izany hoe ny sisa amin’ny fanjakan’i Sihôna izay nanjaka tao Hesbôna: tao andafy atsinanan’i Jôrdàna no misy izany faritany izany, ka mipaka hatrany amin’ny farihin’i Genesareta any avaratra.

Baiboly Protestanta Malagasy

²⁷ ary teo amin’ny lohasaha Bety-harama sy Bety-nimra sy Sokota sy Zafona ary ny sisa tamin’ny fanjakan’i Sihona, mpanjakan’i Hesbona, sy ny amoron’i Jordana hatramin’ny amoron’ny Ranomasina Kinereta an-dafy atsinanan’i Jordana.

Malagasy Bible

²⁷ ary teo amin'ny lohasaha Beti-harama sy Beti-nimra sy Sokota sy Zafona ary ny sisa tamin'ny fanjakan'i Sihona, mpanjakan'i Hesbona, sy ny amoron'i Jordana hatramin'ny amoron'ny Ranomasina Kinereta an-dafy atsinanan'i Jordana.

La Bible en Malgache

²⁷ ary tao amin’ny lohasaha, i Bety-Harama, i Bety-Nimra, i Sokota, i Zafona sy ny sisa tamin’ny fanjakan’i Sihona, mpanjakan’i Hesbona, ary ny moron’i Jordana hatramin’ny moron’ny ranomasina Kinereta, any andafy atsinanan’i Jordana.

Josoa 13:27 Rohy Ifampitohizana

Genesisy 33:17

I Jakôba kosa nankao Sokôta, dia nanao trano ho azy sy nanao trano tomboka ho an’ny biby fiompiny koa. Izany no nanaovana ny anaran’io tany io hoe Sokôta.

1Mpanjaka 7:46

Tao amin’ny tany lemak’i Jordany, amin’ny tany be tany manga anelanelan’i Sokôta sy i Sartàna no nasain’ny mpanjaka nanaovana anidina azy.

Salamo 60:6

Kanefa nomenao faneva ireo matahotra Anao, hitsanganan’io noho ny fahamarinanao. - - Selà

Nomery 32:3

«I Atarôta, i Dibôna, i Jazera, i Nemrà, i Hesebona, i Eleale, i Nebô ary i Beôna,

Nomery 32:36

i Betnemrà ary i Betaràna, tanàna mimanda, ary nanao vala ho an’ny biby fiompy.

Nomery 34:11

ary ny faritra dia midina avy eo Sefama mankany Reblà, atsinanan’i Aïna; dia mbola midina mitohy manaraka ny havoana eo an-tsisin’ny ranomasina Kenereta any atsinanana,

Lioka 5:1

Ary indray andro raha nijoro teo amoron’ny farihin’i Genezareta Izy, dia nifanesika taminy ny vahoaka mba hihaino ny tenin’Andriamanitra.

Deoteronomia 3:17

mbamin’i Arabaha, ka i Jordany no faritra ao, hatrany Kenereta ka hatrany amin’ny ranomasin’i Arabaha sy ny Ranomasin-tSira eo ambodin’ny kisolosolon’i Fasgà any atsinanana.

Josoa 11:2

amin’ireo mpanjaka amin’ny tendrombohitra any avaratra sy any amin’ny Arabaha any atsimon’i Kenereta, any amin’ny tany lemaka sy ny havoan’i Dôra any andrefana,

Josoa 12:3

amin’ny Arabaha, hatrany amin’ny ranomasina Kenereta any atsinanana, sy amin’ny ranomasin’ny Arabaha dia ny Ranomasin-tSira any atsinanana, amin’ny lalana mankany Betisimota; ary amin’ny ilany atsimo dia hatrany am-pototry ny kisolosolon’i Fasgà.

Josoa 13:26

hatrany Hesebona ka hatrany Rabôta-Masfe sy Betônima, ary hatrany Manaima ka hatrany amin’ny faritr’i Dabira,

Josoa 13:28

Izany no lovan’ny taranak’i Gada, araka ny fianakaviany, dia ny tanàna aman-jana-bohiny.