Jeremia 51:31 - Baiboly Katolika

³¹ Mihorakoraka ny tsimandoa hifanena amin’ny tsimandoa, ary ny iraka hifanena amin’ny iraka; hilaza amin’ny mpanjakan’i Babilôna, fa afaky ny fahavalo ny tanànany avy hatraiza hatraiza.

Baiboly Protestanta Malagasy 2011

³¹ Mifamoivoy be ihany ny iraka mpihazakazaka ary mifamoivoy be ihany ny mpitondra teny mba hanambara amin’ny mpanjakan’i Babilona fa azo ny tanànany manontolo.

DIEM PROTESTANTA

³¹ Mifampita vaovao ny iraka mpihazakazaka mba hampandre ny mpanjakan’i Babilôna, fa azom-pahavalo ny tanànany manontolo.

Dikateny Iombonana Eto Madagasikara

³¹ Mifampita vaovao ny iraka mpihazakazaka mba hampandre ny mpanjakan’i Babilôna, fa azom-pahavalo ny tanànany manontolo.

Baiboly Protestanta Malagasy

³¹ Mifamoivoy be ihany ny iraka mpihazakazaka, ary mifamoivoy be ihany ny mpitondra teny, Mba hanambara amin’ny mpanjakan’i Babylona Fa afaka ny tanànany manontolo.

Malagasy Bible

³¹ Mifamoivoy be ihany ny iraka mpihazakazaka, ary mifamoivoy be ihany ny mpitondra teny, mba hanambara amin'ny mpanjakan'i Babylona Fa afaka ny tanànany manontolo.

La Bible en Malgache

³¹ Mifamoivoy be ihany ny iraka mpihazakazaka ary mifamoivoy be ihany ny mpitondra teny mba hanambara amin’ny mpanjakan’i Babilona fa azo ny tanànany manontolo.

Jeremia 51:31 Rohy Ifampitohizana

2Tantara 30:6

Dia nandeha ny mpihazakazaka nitondra ny taratasin’ny mpanjaka sy ny lehibe any amin’i Israely sy i Jodà rehetra, ka nilaza, araka ny didin’ny mpanjaka nanao hoe: «Ry zanak’i Israely ô, miverena amin’i Iaveh Andriamanitr’i Abrahama sy i Isaaka ary i Israely, dia hiverina amin’izay sisa Izy, dia aminareo izay afaka tsy latsaka eo an-tanan’ny mpanjakan’i Asiria.

Joba 9:25

Faingana noho ny tsimandoa ny androko, lasa tsy mbola nahita ny fiadanana izy,

Jeremia 4:20

Fandravana mitongoa fandravana no ambara; fa rava ny tany rehetra. Rava tampoka ny laiko, raha indray mihelina monja ny trano laiko.

Jeremia 50:2

Ambarao any amin’ny firenena, torio izao, manangàna saina, ka torionareo izao; aza afeninareo fa lazao hoe: Azo i Babilôna. Mangaihay i Bela! Voazera i Merodàka! mangaihay ny sampiny, voazera ny andriamanitra tsy izy ao.

Jeremia 50:24

Nofandrihako tamin’ny tady vavarana ianao, ka voa, ry Babela, nefa tsy nampoizinao velively izany; hita ianao ka voasambotra, satria nila ady tamin’i Iaveh.

Jeremia 50:43

Nandre izany ny mpanjakan’i Babela dia niraviravy tanana, nandry andriran’antsy, tra-panaintainana toy ny vehivavy eo am-piterahana.

Jeremia 51:32

Ny fitàna efa voatana; ny heniheny doroana amin’ny afo, ary ny lehilahy mpiady efa kivy erỳ!