Jeremia 51:16 - Baiboly Katolika

¹⁶ Amin’ny feony, dia miangona ny rano eny an-danitra; mampiakatra ny rahona avy amin’ny faran’ny tany Izy, mampamirapiratra hela-baratra izay iavian’ny ranonorana mivatravatra, ary mamoaka ny rivotra avy ao amin’ny fanangonany azy.

Baiboly Protestanta Malagasy 2011

¹⁶ Raha mampirohondrohona ny rano any an-danitra Izy dia mampiakatra rahona avy tany amin’ny faran’ny tany; manao ny tselatra ho an’ny ranonorana Izy sady mamoaka ny rivotra avy amin’ny trano fitahirizany.

DIEM PROTESTANTA

¹⁶ Baikony no mampitoby ny ranobe any an-danitra any sy mampiakatra ny rahona matevina avy eny am-paravodilanitra, ary andatsahan’ny tselatra ny ranonorana sy ivoahan’ny rivotra avy amin’ny fitoerany.

Dikateny Iombonana Eto Madagasikara

¹⁶ Baikony no mampitoby ny ranobe any an-danitra any sy mampiakatra ny rahona matevina avy eny am-paravodilanitra, ary andatsahan’ny tselatra ny ranonorana sy ivoahan’ny rivotra avy amin’ny fitoerany.

Baiboly Protestanta Malagasy

¹⁶ Raha nampirohondrohona ny rano any an-danitra Izy, Dia nampiakatra zavona avy tany amin’ny faran’ny tany; Manao ny helatra ho an’ny ranonorana Izy Sady mamoaka ny rivotra avy amin’ny firaketany.

Malagasy Bible

¹⁶ Raha nampirohondrohona ny rano any an-danitra Izy, dia nampiakatra zavona avy tany amin'ny faran'ny tany; Manao ny helatra ho an'ny ranonorana Izy sady mamoaka ny rivotra avy amin'ny firaketany.

La Bible en Malgache

¹⁶ Raha mampirohondrohona ny rano any an-danitra Izy dia mampiakatra rahona avy tany amin’ny faran’ny tany; manao ny tselatra ho an’ny ranonorana Izy sady mamoaka ny rivotra avy amin’ny trano fitahirizany.

Jeremia 51:16 Rohy Ifampitohizana

Genesisy 8:1

Ary Andriamanitra nahatsiaro an’i Nôe sy ny biby ary ny biby fiompy rehetra izay niaraka taminy tao an-tsambo fiara; ary Andriamanitra nandefa rivotra tamin’ny tany ary nihena ny rano;

Joba 37:13

Ka mbetika ny mba hanasazy ny taniny, mbetika ho mariky ny fanambinany no anirahany azy ireny.

Joba 38:22

Efa nidiranao va ny firaketana ny oram-panala? Efa hitanao va ny fitahirizana ny havandra?

Joba 40:9

Manan-tsandry toy ny an’Andriamanitra va ianao, ary mikotrokotroka tahaka ny Azy va ny feonao?

Salamo 104:7

Saingy nandositra teo anoloan’ny fanandrinanao ireny, lasa nirifatra aman-tahotra noho ny feon’ny kotrok’oranao izy.

Salamo 135:7

Mampiakatra ny zavona avy amin’ny faran’ny tany izy; mandefa ny tselatra aman-dranon’orana, mamoaka ny rivotra avy amin’ny firaketany.

Salamo 147:18

Mandefa ny teniny Izy, dia mampiempo an’ireny, mampifofofofo ny rivony Izy, dia mandriaka ny rano.

Salamo 18:13

Niantoraka avy amin’ny fahazavana nialoha Azy ny rahona izay nitondra havandra mbamin’ny vainafo mivaivay.

Salamo 46:6

Andriamanitra no ao afovoany, ka tsy azo hozongozonina Izy; vao mazava atsinanana ny andro dia tonga hamonjy azy Andriamanitra.

Salamo 68:33

Mihirà ho an’Andriamanitra ianareo, fanjakana eto an-tany, mankalazà ny Tompo ianareo! - Selà

Salamo 78:26

Nampifofofofo ny rivotra avy atsinanana teny an-danitra Izy, nitarika ny rivotra avy atsimo tamin’ny heriny Izy;

Eksodosy 10:13

Dia nahinjitr’i Môizy teo ambonin’ny tany Ejipta ny tehiny, ka nandefa rivotra avy any atsinanana i Iaveh hifofofofo amin’ny tany iny tontolo andro iny, sy iny tontolo alina iny. Nony maraina, indro, tongan’ny rivotra avy any atsinanana ny valala.

Eksodosy 10:19

ka rivotra avy any andrefana kosa indray no nampifofofofoin’i Iaveh mafy ka nipaoka ny valala, sy namarina azy amin’ny ranomasina Mena; ary tsy nisy tafajanona ny valala, na dia tapikany iray aza, tany Ejipta tontolo.

Eksodosy 14:21

Nony nahinjitr’i Môizy teo ambonin’ny ranomasina ny tanany dia nohemorin’i Iaveh ny ranomasina tamin’ny rivotra nifofofofo mafy avy any atsinanana nandritra ny alina, ka nataony tonga maina ny ranomasina fa nisaraka roa ny rano.

Ezekiela 10:5

Re hatrany amin’ny kianja ivelany, ny fikopakopaky ny elatry ny Kerobima hoatra ny feon’Andriamanitra Tsitoha, raha miteny izy.

Amosa 9:7

Moa tsy toy ny taranaky ny Kosita va ianareo, raha amiko, ry zanak’i Israely? - teny marin’i Iaveh. - Moa i Israely va, tsy nentiko niakatra avy any amin’ny tany Ejipta, sy ny Filistinina avy tany Kafitôra, ary ny Sirianina avy tany Kira?

Jona 1:4

Fa i Iaveh kosa nampifofofofo ny rivo-mahery teny amin’ny ranomasina, ka nisy tafio-drivotra teny amin’ny ranomasina; ny sambo efa nila ho vaky.

Jona 4:8

Nony niposaka indray ny masoandro, nandefa rivotra mahamay avy any atsinanana i Iaveh sady nasiany masoandro ny lohan’i Jônasy, ka efa ana mihitsy izy. Nangataka ny ho faty izy ka nanao hoe: «Aleoko maty toy izay ho velona».