Jeremia 48:33 - Baiboly Katolika

³³ Foana ny fifaliana amam-piravoravoana, eo amin’ny saha voavoly hazo mamoa sy ny tanin’i Moaba; nataoko tankina ny divay eo amin’ny barìka fandomam-boaloboka; tsy hosihosena intsony amam-pihobiana maresaka izy; ny hoby efa tsy hoby intsony.

Baiboly Protestanta Malagasy 2011

³³ Ary ny hafaliana sy ny faharavoravoana dia nesorina tamin’ny saha nahavokatra sy tamin’ny tany Moaba; ary nataoko tankina ny divay tamin’ny vata fanantazana ranom-boaloboka, tsy hisy intsony fihobiana rehefa manao fanitsakitsahana voaloboka, raha misy aza dia fihobiana tsy izy akory.

DIEM PROTESTANTA

³³ Nitsahatra ny koranam-pifaliana avy eny an-tanimboaloboka sy teny an-tsahan’i Môaba. Tsy misy mpanosihosy voaloboka intsony ary noritiko ny divay tao anaty barîka; foana hatreo ny akoram-pifaliana.

Dikateny Iombonana Eto Madagasikara

³³ Nitsahatra ny koranam-pifaliana avy eny an-tanimboaloboka sy teny an-tsahan’i Môaba. Tsy misy mpanosihosy voaloboka intsony ary noritiko ny divay tao anaty barîka; foana hatreo ny akoram-pifaliana.

Baiboly Protestanta Malagasy

³³ Ary ny hafaliana sy ny faharavoravoana nesorina tamin’ny saha nahavokatra Sy tamin’ny tany Moaba; Ary nataoko tankina ny divay tamin’ny vata fanantazana ranom-boaloboka, Tsy hisy hihoby amin’ny fanitsakitsahana; Ny fihobiana dia tsy fihobiana akory.

Malagasy Bible

³³ Ary ny hafaliana sy ny faharavoravoana nesorina tamin'ny saha nahavokatra sy tamin'ny tany Moaba, ary nataoko tankina ny divay tamin'ny vata fanantazana ranom-boaloboka, tsy hisy hihoby amin'ny fanitsakitsahana; Ny fihobiana dia tsy fihobiana akory.

La Bible en Malgache

³³ Ary ny hafaliana sy ny faharavoravoana dia nesorina tamin’ny saha nahavokatra sy tamin’ny tany Moaba; ary nataoko tankina ny divay tamin’ny vata fanantazana ranom-boaloboka, tsy hisy intsony fihobiana rehefa manao fanitsakitsahana voaloboka, raha misy aza dia fihobiana tsy izy akory.

Jeremia 48:33 Rohy Ifampitohizana

Isaia 5:10

Fa ny tanimboaloboka telon-jato aza tsy hahavokatra afa-tsy iray bata, ny voan-javatra iray homera tsy hahavokatra afa-tsy iray efah.

Isaia 7:23

Amin’izany andro izany ny tany rehetra misy foto-boaloboka arivo izay lafo lela volafotsy arivo, dia ho rakotra hery sy tsilo.

Isaia 9:3

Satria ny jioga nanavesatra azy, ny tsora-kazo nikapohana ny lamosiny, ny tehin’ny mpitoroka azy, dia samy notapahinao, toy ny tamin’ny andron’i Madiàna.

Joela 1:16

Tsy efa noesorina teo imasontsika va ny hanina mbamin’ny fifaliana amam-piravoravoana izay voaesotra tao an-tranon’ny Andriamanitsika?

Joela 1:5

Mifohaza ianareo mpimamo, ka mitomania; ianareo rehetra mpisotro divay dia midradradradrà, noho ny amin’ny divay vaovao; izay notapahina tsy ho amin’ny vavanareo intsony.

Amosa 5:17

Hitomany ny olona eo amin’ny tanimboaloboka rehetra: fa handalo eo afovoanao Aho, hoy i Iaveh.

Hagay 2:16

Tamin’izany, ny nankamin’ny antontam-bary roapolo mifatra, tsy nahazo afa-tsy folo; ny nankamin’ny famiazam-boaloboka hanovo dimampolon’ny famarana, tsy nahazo afa-tsy roapolo.