Jeremia 42:20 - Baiboly Katolika

²⁰ Fa efa naningo-tena ianareo, tamin’ny nanirahanareo ahy ho any amin’i Iaveh Andriamanitsika, nanao hoe: Mivavaha amin’i Iaveh Andriamanitsika ho anay, fa izay rehetra holazain’Iaveh Andriamanitsika, dia ambarao anay fa hotanterahinay avokoa.

Baiboly Protestanta Malagasy 2011

²⁰ Kanjo namita-tena ihany ianareo tamin’ny nanirahanareo ahy ho any amin’NY TOMPO Andriamanitrareo hiteny hoe: Mba mivavaha re ho anay amin’NY TOMPO Andriamanitsika, ary izay rehetra holazain’NY TOMPO Andriamanitsika dia ambarao aminay fa hataonay.

DIEM PROTESTANTA

²⁰ Nanao hevitra kinangananga ianareo, raha naniraka ahy hanontany ny TOMPO Andriamanitrareo, ary nangataka ahy hivavaka ho anareo, ka nanao tamiko hoe: «Ampahafantaro anay avokoa izay rehetra nandidian’ny TOMPO anao, dia hataonay izany».

Dikateny Iombonana Eto Madagasikara

²⁰ Nanao hevitra kinangananga ianareo, raha naniraka ahy hanontany ny TOMPO Andriamanitrareo, ary nangataka ahy hivavaka ho anareo, ka nanao tamiko hoe: «Ampahafantaro anay avokoa izay rehetra nandidian’ny TOMPO anao, dia hataonay izany».

Baiboly Protestanta Malagasy

²⁰ Kanjo efa nivily hianareo ka nahavoa ny ainareo tamin’ny nanirahanareo ahy ho amin’i Jehovah Andriamanitrareo hanao hoe: Mba ivavaho amin’i Jehovah Andriamanitsika re izahay, ary izay rehetra holazain’i Jehovah Andriamanitsika dia ambarao aminay, fa hataonay.

Malagasy Bible

²⁰ Kanjo efa nivily ianareo ka nahavoa ny ainareo tamin'ny nanirahanareo ahy ho amin'i Jehovah Andriamanitrareo hanao hoe: Mba ivavaho amin'i Jehovah Andriamanitsika re izahay, ary izay rehetra holazain'i Jehovah Andriamanitsika dia ambarao aminay, fa hataonay.

La Bible en Malgache

²⁰ Kanjo namita-tena ihany ianareo tamin’ny nanirahanareo ahy ho any amin’NY TOMPO Andriamanitrareo hiteny hoe: Mba mivavaha re ho anay amin’NY TOMPO Andriamanitsika, ary izay rehetra holazain’NY TOMPO Andriamanitsika dia ambarao aminay fa hataonay.

Jeremia 42:20 Rohy Ifampitohizana

Salamo 18:44

Manafaka ahy amin’ny fikomian’ny vahoaka Ianao, sady manandratra ahy ho lohan’ny firenen-tsamihafa; vahoaka tsy fantatro avy no manompo ahy koa.

Salamo 65:3

Ianao, izay mihaino ny fivavahana, dia mankaminao ny olona rehetra.

Jeremia 17:10

Izaho Iaveh izay mandinika ny fo, sy mamantatra ny voa; ary ny hanaovako izany, dia mba hamaly ny olona araka ny lalany, sy araka ny vokatry ny asany.

Jeremia 3:10

Ary na izany rehetra izany koa aza i Jodà mpivadika, rahavaviny, tsy niverina tamiko, tamin’ny fony rehetra, fa tamim-pitaka fotsiny, - teny marin’i Iaveh.-

Jeremia 37:3

Nirahin’i Sedesiasa, mpanjaka, i Jokaly zanak’i Selemiasa, sy i Sôfôniasa zanak’i Maasiasa mpisorona, ho any amin’i Jeremia, mpaminany, hilaza aminy hoe: «Mba mifonà ho anay amin’i Iaveh Andriamanitsika.»

Jeremia 38:14

Tamin’izay dia naniraka haka an’i Jeremia i Sedesiasa mpanjaka mba ho ao aminy, ao amin’ny fidirana fahatelo, amin’ny tranon’i Iaveh. Dia hoy ny mpanjaka tamin’i Jeremia: «Misy zavatra hanontaniako anao, ka aza anafenana aho.»

Jeremia 42:2

ka nanao taminy hoe: «Aoka ho tonga eo anatrehanao anie izao fihantanay izao: mivavaha amin’i Iaveh Andriamanitrao, ho an’izao sisa rehetra izao, fa maro izahay taloha, nefa efa tonga vitsy sisa araka izao hitan’ny masonao izao.

Jeremia 42:5

Dia hoy izy ireo tamin’i Jeremia: «Aoka i Iaveh ho vavolombelona marina sy mahatoky miampanga anay, raha tsy manatanteraka ny zavatra rehetra araka ny tenin’i Iaveh Andriamanitrao izay hampitondrainy anao ho anay izahay. Hanaiky ny feon’i Iaveh Andriamanitray, izay nanirahanay anao izahay,

Jeremia 43:2

dia niteny i Azariasa zanak’i Osaiasa, sy i Johanàna zanak’i Karea, mbamin’ireo lehilahy mpiavonavona rehetra, ka nanao tamin’i Jeremia hoe: «Milaza lainga ianao; i Iaveh Andriamanitsika tsy naniraka anao hilaza aminay hoe: ‹Aza miditra any Ejipta mba hitoetra ao›.

Ezekiela 33:31

Ary dia mankao aminao izy ireo toy ny fiavin’ny vahoaka be; mipetraka eo anatrehanao ny vahoakanao; mihaino ny teninao, nefa tsy manatanteraka izany, fa izay ankasitrahin’ny vavany no ataony, ny filan-karena no arahin’ny fony.

Nomery 17:3

Aoka ny fanembohan’ireo olona nanota nihatra amin’ny ainy ireo, hofisahina ho takelaka manify mba handrakofana ny ôtely, fa efa naterina eo anatrehan’i Iaveh ireny, ka tonga zava-masina; dia ho famantarana ho an’ny zanak’i Israely izany.»

Matio 22:35

ary ny anankiray izay mpahay Lalàna tamin’izy ireo nanontany Azy mba haka fanahy Azy hoe:

Galatiana 6:7

Aza diso hevitra ianareo, Andriamanitra tsy azo vazivazina,

Jakoba 1:22

Aza mamita-tena amin’ny hevi-poana anefa, fa miezaha ho mpanatanteraka ny teny, fa tsy ho mpihaino fotsiny,