Jeremia 42:21 - Baiboly Katolika

²¹ Nanambara izany taminareo aho androany, fa tsy nihaino ny feon’i Iaveh Andriamanitrareo kosa ianareo, na ny zavatra inona na ny zavatra inona nanirahany ahy ho aminareo.

Baiboly Protestanta Malagasy 2011

²¹ Ary efa nambarako taminareo androany; nefa tsy nihaino ny feon’NY TOMPO Andriamanitrareo ianareo ny amin’izay zavatra nanirahany ahy ho aminareo.

DIEM PROTESTANTA

²¹ Nefa androany raha nitondra ny valin-teny avy amin’ny TOMPO Andriamanitsika aho, dia tsy mihaino Azy ianareo ny amin’izay zavatra nanirahany ahy ho aminareo.

Dikateny Iombonana Eto Madagasikara

²¹ Nefa androany raha nitondra ny valin-teny avy amin’ny TOMPO Andriamanitsika aho, dia tsy mihaino Azy ianareo ny amin’izay zavatra nanirahany ahy ho aminareo.

Baiboly Protestanta Malagasy

²¹ Ary efa nambarako taminareo andro-any; nefa tsy nihaino ny feon’i Jehovah Andriamanitrareo hianareo ny amin’izay zavatra nanirahany ahy ho aminareo.

Malagasy Bible

²¹ Ary efa nambarako taminareo androany; nefa tsy nihaino ny feon'i Jehovah Andriamanitrareo ianareo ny amin'izay zavatra nanirahany ahy ho aminareo.

La Bible en Malgache

²¹ Ary efa nambarako taminareo androany; nefa tsy nihaino ny feon’NY TOMPO Andriamanitrareo ianareo ny amin’izay zavatra nanirahany ahy ho aminareo.

Jeremia 42:21 Rohy Ifampitohizana

Salamo 81:12

Kanjo tsy nihaino ny feoko ny vahoakako, tsy nakatò Ahy i Israely.

Jeremia 43:1

Nony tapitra voalazan’i Jeremia tamin’ny vahoaka rehetra avokoa ny tenin’i Iaveh Andriamaniny, ireo teny rehetra nanirahan’i Iaveh Andriamaniny azy ho aminy,

Jeremia 43:4

Ka dia tsy nihaino ny feon’i Iaveh nandidy azy hitoetra amin’ny tanin’i Jodà i Johanàna zanak’i Karea, sy ny mpifehy miaramila rehetra mbamin’ny vahoaka rehetra.

Jeremia 43:7

Niditra tany amin’ny tany Ejipta izy ireo, dia tonga hatrany Tafnesa, fa tsy nihaino ny feon’i Iaveh.

Ezekiela 2:7

Lazao aminy ihany ny teniko, na hihaino izy na tsy hihaino; fa mpiodina izy ireo.

Ezekiela 3:17

«Ry zanak’olona, tendreko ho mpitily eo amin’ny taranak’i Israely ianao, hihaino ny teny haloaky ny vavako ianao; ary hananatra azy ireo amin’ny Anarako.

Ezekiela 33:31

Ary dia mankao aminao izy ireo toy ny fiavin’ny vahoaka be; mipetraka eo anatrehanao ny vahoakanao; mihaino ny teninao, nefa tsy manatanteraka izany, fa izay ankasitrahin’ny vavany no ataony, ny filan-karena no arahin’ny fony.

Ezekiela 33:32

Ianao izany dia mpihira mahafinaritra ho azy ireo, tsara feo sy mahay mitendry ny zava-maneno eo an-tanany; izy ireo kosa, mandre ny teninao, nefa tsy manatanteraka izany akory.

Asan’ny Apostoly 20:20

Tsy nisy nafeniko izay nahasoa anareo, fa notoriko taminareo sy nampianariko anareo ampahibemaso sy isan-trano.

Deoteronomia 29:19

Tsy hanaiky hamela heloka izany olona izany i Iaveh, fa hirehitra amin’izany olona izany ny fahatezeran’i Iaveh sy ny fahasarotam-piarony ka hianjera aminy avokoa ny ozona rehetra voasoratra amin’ity boky ity, ary hovonoin’i Iaveh tsy ho eto ambanin’ny lanitra ny anarany.

Deoteronomia 30:15

Indro, nataoko eo anoloanao androany ny fiainana sy ny tsara, ny fahafatesana sy ny ratsy,

Deoteronomia 30:19

Miantso ny tany aman-danitra ho vavolombelona aminareo anio aho, fa nataoko eo anoloanao ny fiainana sy ny fahafatesana, ny tso-drano sy ny ozona; koa fidio àry ny fiainana, mba ho velona ianao sy ny taranakao,