Jeremia 31:14 - Baiboly Katolika

¹⁴ Hovokisako ny matavy ny fanahin’ny mpisorona; ary hivoky ny zava-tsoako ny oloko; - teny marin’i Iaveh. -

Baiboly Protestanta Malagasy 2011

¹⁴ Dia hovokisako zava-matavy ny mpisorona ary ho voky ny zava-tsoako ny oloko, hoy NY TOMPO.

DIEM PROTESTANTA

¹⁴ Hovokisako zava-matavy ny mpisorona ary hofenoiko zava-tsoa ny vahoakako.

Dikateny Iombonana Eto Madagasikara

¹⁴ Hovokisako zava-matavy ny mpisorona ary hofenoiko zava-tsoa ny vahoakako.

Baiboly Protestanta Malagasy

¹⁴ Dia hovokisako zava-matavy ny fanahin’ny mpisorona, Ary ny oloko ho voky ny zava-tsoako, hoy Jehovah.

Malagasy Bible

¹⁴ Dia hovokisako zava-matavy ny fanahin'ny mpisorona, ary ny oloko ho voky ny zava-tsoako, hoy Jehovah.

La Bible en Malgache

¹⁴ Dia hovokisako zava-matavy ny mpisorona ary ho voky ny zava-tsoako ny oloko, hoy NY TOMPO.

Jeremia 31:14 Rohy Ifampitohizana

2Tantara 6:41

«Ankehitriny, ry Iaveh Andriamanitra, aoka hitsangana Ianao ho any amin’ny fitoerana fitsaharanao, dia Ianao sy ny fiaran’ny herinao! Aoka hitafy famonjena ny mpisoronao, ry Iaveh Andriamanitra, ary aoka hiarana amin’ny hasambarana ny olonao masina.

Nehemia 10:39

Ny mpisorona taranak’i Aarôna, hiaraka amin’ny Levita, rehefa mandray ny fahafolony ny Levita, ary ny ampahafolon’ny fahafolony dia haterin’ny Levita ao an-tranon’Andriamanitra ao amin’ny efitrano fitahirizan-drakitra.

Salamo 107:9

Fa ny fanahy mangetaheta, nataony afa-ketaheta, ary ny fanahy noana novokisany soa.

Salamo 132:16

Hotafîko famonjena ny mpisorony; ary hihoby amim-piravoravoana ny mpino ao.

Salamo 132:9

Hitafy fahamarinana anie ny mpisoronao, ary hihoby amim-piravoravoana anie ny mpino Anao.

Salamo 17:15

Fa izaho kosa dia hibanjina ny Tavanao amin’ny tsy fananako tsiny; sy hiala liana mijery ny sarinao amin’ny fifohazako.

Salamo 36:8

Akory ity hasarobidin’ny hatsaram-ponao, Andriamanitra ô. Ny aloky ny elatrao no itadiavan’ny zanak’olombelona fialofana.

Salamo 63:2

Andriamanitra ô, Andriamanitro Ianao, mitady Anao aho hatramin’ny vao maraina; mangetaheta Anao ny fanahiko, manina Anao ny nofoko, ao amin’ny tany maina mangentana tsy misy rano.

Salamo 63:5

Dia hidera Anao amin’ny andro rehetra iainako aho, hanandra-tanana amin’ny Anaranao.

Salamo 63:6

Toy ny voky tsoka sy ny matavy no ahavokisan’ny fanahiko, ka midera Anao ny vavako, amin’ny molotro falifaly.

Salamo 65:4

Tsindrian-keloka miavosa aho ity; Ianao no mamela ny hadisoanay.

Salamo 85:13

Tenan’i Iaveh no hanome ny soa rehetra ka hahavokatra ny vokany ny tanintsika.

Salamo 90:14

Vokiso ny hatsaram-ponao izahay, ny maraina, dia hifaly sy hiravoravo, amin’ny andronay rehetra.

Tononkiran’i Solomona 5:1

Efa tafiditra ny tanimboliko aho, ry anabaviko voafofo, efa nioty ny mirako aman-java-manitra aho; efa nihinana ny toho-tantely aman-tanteliko aho...! efa nisotro ny divay aman-drononoko aho...! Mihinàna, ry sakaiza, misotroa, mimamoa, ianareo olon-tiako!

Isaia 25:6

Hanomanan’i Iavehn’ny tafika amin’ity tendrombohitra ity ho an’ny firenena rehetra, fanasana amin’ny hena matavy, fanasana amin’ny divay ela niotrehana, hena matavy sy be tsoka, divay ela niotrehana sy voatantavana.

Isaia 61:6

Fa ianareo kosa hataon’ny olona hoe: «mpisoron’i Iaveh.» sy hantsoin’ny olona hoe: «Mpandraharahan’ny Andriamanitsika.» Hihinana ny haren’ny firenena ianareo; hihaingo amin’ny zavatra kanto avy aminy, ary hitafy ny fiamboniana nananany.

Jeremia 31:25

Fa ny fanahy mangetaheta, hampisotroiko, ary ny fanahy reraka, hovokisako.

Jeremia 33:9

Ary ny anaran’ity tanàna ity ho Ahy dia ho anaram-pifaliana sy fiderana amam-boninahitra, any amin’ny firenen-drehetra ambonin’ny tany, izay handre ny soa rehetra hataoko aminy; ho raiki-tahotra sy hangovitra ireny, mahita ny fiadanana amam-panambinana rehetra homeko azy ireo.

Jeremia 50:19

Dia hampodiko ho any amin’ny fonenany indray i Israely ka hiraotra eny Karmela sy eny Basàna izy; ary eny an-tendrombohitr’i Efraima sy i Galaada, izy no handeha hivoky.

Ezekiela 34:14

Amin’ny tany tsara ho fiandrasana no hiandrasako azy; ary any an-tendrombohitra avon’i Israely no ho valany; any izy no handry amin’ny valan’ondry tsara, sy hihinana amin’ny tany be vilona, eny an-tendrombohitr’i Israely

Hagay 2:19

Mbola nisy voa famafy va tao an-tsompitra? Na ny voaloboka aza, na ny aviavy, na ny ampongabendanitra, na ny ôliva, tsy misy nahavokatra kely akory; fa hatramin’izao andro izao kosa, dia hotahìko ianareo.

Matio 5:6

Sambatra izay noana sy mangetaheta ny fahamarinana, fa ho voky izy.

Efesiana 1:3

Hisaorana anie Andriamanitra, Rain’i Jesoa Kristy Tompontsika, Izay nitso-drano antsika tao amin’i Kristy, amin’ny tso-drano rehetra ara-panahy any an-danitra,

Efesiana 3:19

sady hahalala ny fitiavan’i Kristy izay mihoatra ny fahalalana rehetra, ka dia ho fenon’ny hafenoan’Andriamanitra rehetra ianareo.

Deoteronomia 33:23

Ny amin’i Neftalì dia hoy izy: «Vokin’ny tombon-tsoa ianao, ry Neftalì, ary feno ny fitiavan’i Iaveh; ka raiso ho fanananao ny ranomasina sy ny any atsimo».

1Petera 2:9

Fa ianareo kosa dia taranaka voafidy, mpisorona manjaka, firenena masina, vahoaka navotana, mba hitorianareo ny hatsaran’Ilay niantso anareo hiala tamin’ny haizina, ho amin’ny fahazavany mahagaga:

Apokalipsy 5:10

Nataonao fanjakana sy mpisorona ho an’Andriamanitra izy ireo, ka manjaka etỳ ambonin’ny tany.»