Jeremia 27:15 - Baiboly Katolika

¹⁵ Tsy naniraka azy ireo Aho, - teny marin’i Iaveh, - fa maminany lainga amin’ny Anarako izy, mba handroahako anareo, sy haharingana anareo, dia ianareo mbamin’ireo mpaminany maminany aminareo.

Baiboly Protestanta Malagasy 2011

¹⁵ Fa tsy naniraka azy Aho, hoy NY TOMPO, nefa misandoka ho mpaminany amin’ny anarako ihany izy, mba handroahako anareo sy hahalany ringana anareo, dia ianareo sy ny mpaminany izay maminany aminareo.

DIEM PROTESTANTA

¹⁵ Hentitra kosa ny tenin’ny TOMPO hoe: ‹Tsy naniraka ireny Aho. Mihambo miteny amin’ny anarako izy, nefa mandainga. Koa raha mihaino azy ianareo, dia horoahiko hiala eto, ka ho lany ringana ianareo sy ireto mpaminany izay maminany aminareo.› »

Dikateny Iombonana Eto Madagasikara

¹⁵ Hentitra kosa ny tenin’ny TOMPO hoe: ‹Tsy naniraka ireny Aho. Mihambo miteny amin’ny anarako izy, nefa mandainga. Koa raha mihaino azy ianareo, dia horoahiko hiala eto, ka ho lany ringana ianareo sy ireto mpaminany izay maminany aminareo.› »

Baiboly Protestanta Malagasy

¹⁵ Fa tsy naniraka azy Aho, hoy Jehovah, nefa manandoka ho mpaminany amin’ny anarako ihany izy, mba handroahako anareo, ka ho lany ringana hianareo, dia hianareo sy ny mpaminany izay maminany aminareo.

Malagasy Bible

¹⁵ Fa tsy naniraka azy Aho, hoy Jehovah, nefa manandoka ho mpaminany amin'ny anarako ihany izy, mba handroahako anareo, ka ho lany ringana ianareo, dia ianareo sy ny mpaminany izay maminany aminareo.

La Bible en Malgache

¹⁵ Fa tsy naniraka azy Aho, hoy NY TOMPO, nefa misandoka ho mpaminany amin’ny anarako ihany izy, mba handroahako anareo sy hahalany ringana anareo, dia ianareo sy ny mpaminany izay maminany aminareo.

Jeremia 27:15 Rohy Ifampitohizana

2Tantara 25:16

Mbola niteny anefa io, dia hoy i Amasiasa taminy: «Moa nanendry anao ho mpanolo-tsaina ny mpanjaka va izahay? Mialà ianao, fandrao asian’ny olona eo!» Dia niala ilay mpaminany, ary nanao hoe: «Fantatro fa efa naraikitr’Andriamanitra ny handringana anao, noho ianao nanao izany, sy tsy nihaino ny torohevitro.»

Jeremia 14:14

Dia hoy i Iaveh tamiko: «Lainga vinanin’ny mpaminany amin’ny Anarako izany; fa Izaho tsy naniraka azy, na nanome didy azy; na niteny taminy. Fahitana mandainga, vinany foana, ary fitaky ny fony, izany no faminaniany aminareo.»

Jeremia 20:6

Ary ianao, ry Fasora, mbamin’izay rehetra mitoetra ao an-tranonao, ho lasan-ko babo ianareo; ho any Babilôna ianao; ka any no hahafatesanao; any no handevenana anao, dia ianao mbamin’ny sakaizanao rehetra, izay naminanianao lainga.»

Jeremia 23:15

Noho izany, izao no lazain’i Iavehn’ny tafika, ny amin’ny mpaminany: Dia efa hampihinana zava-mangidy azy ireo Aho, sy hampisotro rano voaisy poizina azy! Satria avy amin’ny mpaminanin’i Jerosalema no nivoahan’ny faharatsiana ho any amin’ny tany rehetra.

Jeremia 23:21

Izaho tsy naniraka ireo mpaminany; nefa nihazakazaka izy! Izaho tsy niteny taminy, nefa naminany izy!

Jeremia 23:25

Reko ny lazain’ireo mpaminany ireo, izay maminany lainga amin’ny Anarako, manao hoe: «Nanonofy aho; nanonofy aho!»

Jeremia 27:10

Fa lainga no vinanìn’ireo aminareo, sy handroahako anareo ka haharingana anareo.

Jeremia 29:8

Fa izao no lazain’i Iavehn’ny tafika, Andriamanitr’i Israely: Aza mety hofitahin’ny mpaminaninareo, izay eo aminareo, na ny mpanao fankatoavanareo; ary aza mihaino ny nofy alainareo ho nofy.

Jeremia 29:9

Satria tsy marina no aminaniany aminareo, amin’ny Anarako; tsy naniraka azy ireo Aho, - teny marin’i Iaveh. -

Jeremia 38:22

Indro fa ny vehivavy sisa rehetra amin’ny ankohonan’ny mpanjakan’i Jodà, hoentina ao amin’ny mpanapaky ny mpanjakan’i Babilôna, ka hanao aminao hoe: Sodòkan’ny sakaizanao ianao, ka resiny; nihitsoka anaty fotaka ny tongotrao dia nidify kosa izy ireo.

Matio 15:14

Avelao izy, fa jamba mitari-dalana ny jamba, dia hianjera any an-kady izy roroa.»

Matio 24:24

Fa hisy Kristy sandoka sy mpaminany sandoka hiseho, ary hanao famantarana lehibe sy zava-mahatalanjona, ka raha azo atao, na dia ny olom-pinidy aza dia ho voafitany.

Apokalipsy 19:20

Voasambotra ilay Biby sy ny mpaminany sandoka, izay nanao fahagagana teo anatrehany mba hoentiny mamitaka ireo nandray ny mariky ny Biby sy nivavaka tamin’ny sariny, ka indray natsipy velona tany amin’ny farihy mirehitra afon-tsolifara;