Jeremia 22:28 - Baiboly Katolika

²⁸ Moa vilany famingavinga sy torotoro ve ity lehilahy ity, Jekôniasa, sa fanaka efa tsy misy tia intsony?... Nahoana no noroahina izy sy ny taranany, sy natsipy any an-tany tsy fantany?

Baiboly Protestanta Malagasy 2011

²⁸ Moa va ity lehilahy Jekonia ity dia vilany efa fanary sy efa torotoro, na fanaka tsy misy ilàna azy intsony no dia nariana izy sy ny taranany ka natsipy any amin’ny tany tsy fantany?

DIEM PROTESTANTA

²⁸ Ao ny manontany hoe: «Moa vilany vaky tsy ilaina ve na fanaka tsy misy vidiny intsony ity lehilahy atao hoe Kônià ity? Nahoana no nakifika izy sy ny taranany ka noroahina ho any amin’ny tany tsy fantany akory?»

Dikateny Iombonana Eto Madagasikara

²⁸ Ao ny manontany hoe: «Moa vilany vaky tsy ilaina ve na fanaka tsy misy vidiny intsony ity lehilahy atao hoe Kônià ity? Nahoana no nakifika izy sy ny taranany ka noroahina ho any amin’ny tany tsy fantany akory?»

Baiboly Protestanta Malagasy

²⁸ Moa ity lehilahy Jekonia ity dia vilany vingavingaina sy efa hotorotoroina Ary fanaka tsy mahafinaritra va? Koa nahoana no nariana izy sy ny taranany Ka natsipy any amin’ny tany tsy fantany?

Malagasy Bible

²⁸ Moa ity lehilahy Jekonia ity dia vilany vingavingaina sy efa hotorotoroina ary fanaka tsy mahafinaritra va? Koa nahoana no nariana izy sy ny taranany ka natsipy any amin'ny tany tsy fantany?

La Bible en Malgache

²⁸ Moa va ity lehilahy Jekonia ity dia vilany efa fanary sy efa torotoro, na fanaka tsy misy ilàna azy intsony no dia nariana izy sy ny taranany ka natsipy any amin’ny tany tsy fantany?

Jeremia 22:28 Rohy Ifampitohizana

2Samoela 5:21

Navelan’izy ireo tao ny sampiny, ka nentin’i Davida sy ny olony.

2Tantara 21:20

Efa 32 taona i Jôrama fony vao nanjaka, ary valo taona no nanjakany tao Jerosalema. Lasa tsy nisy mpalahelo izy, ary nalevina tao an-tanànan’i Davida fa tsy mba tao amin’ny fasan’ny mpanjaka.

Salamo 31:12

Nataon’ny fahavaloko rehetra izay hahatonga ahy ho fanalam-baràka, ho enta-mavesatra ho an’ny mifanolo-bodirindrina amiko, ary ho tahotra ho an’ny sakaizako. Izay mahita ahy any ivelany mandositra ahy,

Jeremia 14:18

Raha mankany an-tsaha aho, dia indreto olona voagorobaky ny sabatra; raha miditra ao an-tanàna, dia inty ny fahoriana avy amin’ny mosary. Ny mpaminany ama-mpisorona avy no mirenireny any amin’ny tany tsy fantany.

Jeremia 15:1

Fa izao no navalin’i Iaveh ahy: «Na i Môizy sy i Samoela aza no hitsangana eto anatrehako, dia tsy hitodika ity firenena ity ny Fanahiko; roahy hiala eo anatrehan’ny Tavako izy, ka aoka handeha!

Jeremia 16:12

Ianareo indray nanao ratsy mihoatra noho ny razanareo aza; ka indro fa samy manaraka ny haratsian’ny fo ratsinareo ianareo, mba tsy hihaino Ahy.

Jeremia 17:4

Havelanao ho faty foana sady vokatry ny hadisoanao izany, ny lovako nomeko anao; hampanompoiko ny fahavalonao any amin’ny tany tsy fantatrao ianao, satria narehitrareo ny afon’ny fahatezerako, ka mirehitra ho amin’ny mandrakizay.

Jeremia 22:27

Fa ny tany hirìny hiverenana, dia tsy hiverenany.

Jeremia 22:30

Izao no lazain’i Iaveh: Ity lehilahy ity dia soraty ho tsy miteraka, ho lehilahy tsy mahomby amin’ny androny! Fa amin’ny taranany tsy hisy hahavanona ny mipetraka eo amin’ny seza fiandrianan’i Davida, hanjaka indray amin’i Jodà.

Jeremia 24:1

Nampitazanin’i Iaveh aho, ka indreto aviavy roa harona voapetraka teo anoloan’ny Tempolin’i Iaveh; ny nahatongavan’izany, dia taorian’ny nitondran’i Nabokodonozora, mpanjakan’i Babilôna, an’i Jekôniasa zanak’i Jôakima, mpanjakan’i Jodà, ny lehiben’i Jodà, ny mpandrafitra ama-mpanefy vy, avy ao Jerosalema ho babo any Babilôna.

Jeremia 27:20

izay tsy nalain’i Nabokodonozora, mpanjakan’i Babilôna, fony izy nitondra ho babo, an’i Jekôniasa zanak’i Jôakima, mpanjakan’i Jodà, mbamin’ny lehiben’i Jodà sy i Jerosalema rehetra.

Jeremia 37:1

I Sedesiasa zanak’i Josiasa no nanjaka nandimby an’i Jekôniasa zanak’i Jôakima; i Nabokodonozora mpanjakan’i Babilôna no nanangana azy ho mpanjaka amin’ny tanin’i Jodà.

Jeremia 48:38

Eny ambony tafon-trano rehetra sy eny amin’ny kianja ao Moaba, tsy misy afa-tsy figogogogoana fotsiny; fa nomontsaniko i Moaba hoatra ny fanaka tsy ahoan’ny olona intsony, - teny marin’i Iaveh. -

Hosea 13:15

Fa hahavokatra eo amin’ny rahalahiny i Efraima; nefa ho tonga ny rivotra avy atsinanana; hiakatra avy any an’efitra ny fofon’ain’i Iaveh; ka ho maina ny loharanony; ho tankina ny fantsakàny; hobaboiny ny firaketan’ny zava-tsarobidy rehetra.

Hosea 8:8

Voatelina i Israely: izy ireo ankehitriny, eny amin’ny firenena nanjary toy ny zavatra tsinontsinona;