Jeremia 22:17 - Baiboly Katolika

¹⁷ Fa ny masonao amam-ponao tsy mihevitra afa-tsy ny tenanao, mbamin’ny ra tsy manan-tsiny, handatsahana azy sy ny fampahoriana ary fanaovana an-keriny, hanatanterahana izany.

Baiboly Protestanta Malagasy 2011

¹⁷ Nefa tsy misy alehan’ny masonao sy ny eritreritrao afa-tsy ny filan-karena ihany sy ny fandatsahana ny ran’ny tsy manan-tsiny ary ny fampahoriana sy ny fanaovana an-keriny.

DIEM PROTESTANTA

¹⁷ Fa ianao kosa tsy nijery afa-tsy ny tombontsoanao, ianao kosa tsy nieritreritra afa-tsy ny hamono ny tsy manan-tsiny ho faty ary ny hanao famoretana sy herisetra.»

Dikateny Iombonana Eto Madagasikara

¹⁷ Fa ianao kosa tsy nijery afa-tsy ny tombontsoanao, ianao kosa tsy nieritreritra afa-tsy ny hamono ny tsy manan-tsiny ho faty ary ny hanao famoretana sy herisetra.»

Baiboly Protestanta Malagasy

¹⁷ Nefa tsy misy alehan’ny masonao sy ny eritreritrao afa-tsy ny filan-karena ihany Sy ny fandatsahana ra marina Ary ny fampahoriana sy ny fanaovana an-keriny.

Malagasy Bible

¹⁷ Nefa tsy misy alehan'ny masonao sy ny eritreritrao afa-tsy ny filan-karena ihany sy ny fandatsahana rà marina ary ny fampahoriana sy ny fanaovana an-keriny.

La Bible en Malgache

¹⁷ Nefa tsy misy alehan’ny masonao sy ny eritreritrao afa-tsy ny filan-karena ihany sy ny fandatsahana ny ran’ny tsy manan-tsiny ary ny fampahoriana sy ny fanaovana an-keriny.

Jeremia 22:17 Rohy Ifampitohizana

1Mpanjaka 21:19

Ka mitenena aminy hoe: Izao no lazain’i Iaveh: Moa tsy namono va ianao sy naka lovan’olona koa? Dia hiteny aminy ianao hoe: Izao no lazain’i Iaveh: Eo amin’ny toerana nilelafan’ny alika ny ran’i Nabôta ihany no hilelafan’ny alika ny ran’ny tenanao koa.»

2Mpanjaka 23:37

Nanao izay ratsy eo imason’i Iaveh tahaka izay rehetra nataon’ny razany izy.

2Mpanjaka 24:4

sy noho ny ra tsy manan-tsiny nalatsany be loatra ka nataony feno ra tsy manan-tsiny i Jerosalema, koa tsy nety namela izany i Iaveh.

2Tantara 36:8

Ny asan’i Jôakima sisa, ny fahavetavetana nataony, mbamin’ny toetrany hita, dia efa voasoratra ao amin’ny bokin’ny mpanjakan’i Jodà sy i Israely. Ary i Joasina zanany no nanjaka nandimby azy.

Joba 31:7

Raha nivily niala tamin’ny lalana marina ny tongotro, raha nanaraka ny masoko ny foko, raha misy tsiny tafaraikitra amin’ny tanako;

Salamo 10:3

Mirehareha amin’ny fitsiriritany ny ratsy fanahy; manamavo an’i Iaveh ny mpandroba mandoza.

Eksodosy 18:21

Ary ankehitriny dia ifidiano lehilahy mahay sy matahotra an’Andriamanitra, ao amin’ny vahoaka rehetra, lehilahy marina sy tsy tia kolikoly, ka ireny no atsangano ho tomponarivo sy tompon-jato, ary mpifehy dimampolo ama-mpifehy folo, hitondra azy ireo.

Ohabolana 24:2

Fa fandozàna no saintsainin’ny fony, ary fampahoriana no mahavantam-bava azy.

Isaia 56:11

Amboa lian-kanina, tsy mahalala voky. Mpiandry ondry izy ireo, tsy mety mahalala na inona na inona! Samy mandeha amin’ny lalany araka izay mahasoa ny tenany avy, hatramin’ny voalohany ka hatramin’ny farany.

Jeremia 17:11

Tsipoy mikotrika izay atodiny, toy izany ny olona mahazo harena tsy an-drariny; fa tsy maintsy mandao izany eny antenantenan’ny androny, ary ho adala foana no hiafarany.»

Jeremia 19:4

satria izy ireo efa nahafoy ahy, sy nanova fenitra ity fitoerana ity, fa nanatitra emboka manitra teto, ho an’ny andriamani-kafa, izay tsy fantany akory, na izy, na ny razany, na ny mpanjakan’i Jodà; sady efa nameno ran’ny tsy manan-tsiny, an’ity tanana ìty.

Jeremia 22:3

Izao no lazain’i Iaveh: «Manaova fitsarana sy fahamarinana ianareo; afaho amin’ny tanan’ny mpampahory ny ampahorîna: ny vahiny, ny kamboty, ama-mpitondratena; dia aza ratsy fitondra azy na manao an-keriny aminy, na mandatsa-dra tsy manan-tsiny amin’ity tany ity ianareo.

Jeremia 6:13

Satria hatramin’ny kely ka hatramin’ny lehibe samy manao filàna tsy marina avokoa; hatramin’ny mpaminany ka hatramin’ny mpisorona samy mamitaka avokoa.

Jeremia 6:6

Fa izao no lazain’i Iavehn’ny tafika: Kapao ny hazony; manaova tovon-tany hamelezana an’i Jerosalema; io no tanàna hovaliana, fa tsy misy afa-tsy faharatsiana ao anatiny.

Jeremia 7:6

raha tsy ampahorînareo ny vahiny, sy ny kamboty ama-mpitondratena; ary tsy mandatsa-dra marina amin’ity tany ity ianareo, na manaraka andriamani-kafa, hampidi-doza aminareo,

Jeremia 8:10

Noho izany, dia homeko ny hafa ny vadiny, ary ny sahany homeko ny tompo hafa; satria hatramin’ny kely indrindra ka hatramin’ny lehibe indrindra, samy manao filàna tsy marina avokoa; ary hatramin’ny mpaminany ka hatramin’ny mpisorona, samy mpamitaka avokoa.

Ezekiela 18:12

mampahory ny mahantra sy ny malahelo, manao halatra, tsy mamerina ny natao antoka, manandra-maso amin’ny sampy, manao fahavetavetana,

Ezekiela 19:6

Nandeha teo amin’ireo liona io, ka tonga liona tanora. Nianatra hamiravira ny hazany izy, dia nihinana olona.

Ezekiela 19:7

Nahalala ny mpitondra tena eo aminy izy, nandrava ny tanànany; nivadi-po ny tany mbamin’izay rehetra teo aminy, noho ny fitreron’ny fierony.

Ezekiela 19:9

ka nalatsany amin’ny fonja, nasiany faraingo ny vavany, nentiny ho amin’ny mpanjakan’i Babilôna, nentiny ho any amin’ny trano mimanda, mba tsy handrenesana ny feony intsony, eny an-tendrombohitr’i Israely.

Ezekiela 22:6

Indreto ny lehiben’i Israely, eo aminao, fa samy mikezaka ny handatsa-dra, araka ny heriny avy.

Ezekiela 33:31

Ary dia mankao aminao izy ireo toy ny fiavin’ny vahoaka be; mipetraka eo anatrehanao ny vahoakanao; mihaino ny teninao, nefa tsy manatanteraka izany, fa izay ankasitrahin’ny vavany no ataony, ny filan-karena no arahin’ny fony.

Mika 2:2

Tsiriritiny ny saha ka alainy, ny trano koa ka lasany; anaovany an-keriny avokoa ny olona mbamin’ny tranony, ny tompo mbamin’ny lovany.

Mika 3:10

manangana an’i Siôna amin’ny fandatsahan-dra, sy i Jerosalema amin’ny faharatsiana!

Zefania 3:3

Ao aminy, ny mpanapaka, liona mierona; ny mpitsarany amboadia hariva, tsy mamela na inona na inona ho tra-maraina.

Romana 1:29

ka rakotra izao karazam-paharatsiana rehetra izao, halozana, fahalotoana, fahalianan-karena, fisomparana, feno fialonana, vonoana olona, fifandirana, fitaka, otri-po, mpanely tsaho,

1Korintiana 6:10

na mpanao asam-pijangajangana amin’ny tenany samy irery, na mpiray samy lehilahy, na mpangalatra, na kahihitra, na mpimamo, na mpifosa, na mpanao an-keriny, dia tsy handova ny fanjakan’Andriamanitra.

Kolosiana 3:5

Koa ataovy maty àry ny rantsam-batanareo, dia ny an’ny etỳ an-tany, izany hoe: ny fijangajangana, ny fahalotoana, ny fahavetavetana, ny fanirian-dratsy, ary ny filàn-dratsin’ny nofo izay fanompoan-tsampy;

Josoa 7:21

Hitako tamin’ny babo, ny kapaoty tsara anankiray avy any Senaara, volafotsy lanjan-droan-jato sikla, ary anja-bolamena lanjan-dimampolo sikla, nitsiriritra ireo aho ka naka azy; voaafina any ambanin’ny tany ao an-daiko izany, ka ny vola no ao ambany.»

2Petera 2:14

Ny masony feno fijangajangana sy liam-pahotana lalandava; ny tsy miorin-tsaina tsara, angoleny; ny fony zatry ny fitiavam-bola; eny, zanaky ny fanozonana izy ireo.

2Petera 2:3

Hataony varotra amin’ny teny manodòka ianareo, mba hahazoany vola; nefa ny fanamelohana azy hatry ny ela tsy mitsahatra, ary ny fahaverezany koa tsy miato.

1Samoela 8:3

Tsy mba nanara-dia azy ny zanany, fa nivily nanao izay hahazoana, nandray kolikoly sy nandika ny fahamarinana.