Jeremia 10:9 - Baiboly Katolika

⁹ Volafotsy voatefy avy any Tarsisa, volamena avy any Ofaza; asan’ny mpisokitra sary, asan-tanan’ny mpanefy volamena! Tafîna jaky volomparasy sy mena izany; asan-tanan’ny mpahay zavatra avokoa izy ireny.

Baiboly Protestanta Malagasy 2011

⁹ Volafotsy voafisaka nalaina avy tany Tarsisy sy volamena avy tany Ofaza izany, asan-tanan’ny mpahay taozavatra sy ny mpanefy volamena; lamba manga sy volomparasy ny fitafiany; asan’ny manan-talenta izy rehetra.

DIEM PROTESTANTA

⁹ Ireo sampy ireo dia ravahana takela-bolafotsy avy any Tarsisy na volamena avy any Ôfira, izay namboarin’ny mpanao asan-tanana sy ny mpanefy firavaka; ary lamba jaky sy volomparasy no nampitafiana azy. Asan’ny mpahay taozavatra avokoa ireny sampy rehetra ireny.

Dikateny Iombonana Eto Madagasikara

⁹ Ireo sampy ireo dia ravahana takela-bolafotsy avy any Tarsisy na volamena avy any Ôfira, izay namboarin’ny mpanao asan-tanana sy ny mpanefy firavaka; ary lamba jaky sy volomparasy no nampitafiana azy. Asan’ny mpahay taozavatra avokoa ireny sampy rehetra ireny.

Baiboly Protestanta Malagasy

⁹ Volafotsy voafisaka nalaina avy tany Tarsisy Sy volamena avy tany Ofaza izany, Asan-tànan’ny mpiasa sy ny mpanefy volamena; Lamba manga sy volomparasy ny fitafiany; Asan’ny mahay zavatra izy rehetra.

Malagasy Bible

⁹ Volafotsy voafisaka nalaina avy tany Tarsisy sy volamena avy tany Ofaza Izany, asan-tanan'ny mpiasa sy ny mpanefy volamena; Lamba manga sy volomparasy ny fitafiany; Asan'ny mahay zavatra izy rehetra.

La Bible en Malgache

⁹ Volafotsy voafisaka nalaina avy tany Tarsisy sy volamena avy tany Ofaza izany, asan-tanan’ny mpahay taozavatra sy ny mpanefy volamena; lamba manga sy volomparasy ny fitafiany; asan’ny manan-talenta izy rehetra.

Jeremia 10:9 Rohy Ifampitohizana

1Mpanjaka 10:22

Fa fanampin’ny sambon’i Hirama, mbola nanana sambo any Tarsisa koa ny mpanjaka, teny ambonin’ny ranomasina; ary tonga isan-telo taona ny sambo avy any Tarsisa, mitondra volamena sy volafotsy ary ivoara, rajako sy vorombola.

2Tantara 9:21

Satria, nanan-tsambo mpankany Tarsisa niaraka tamin’ny mpanompon’i Hirama ny mpanjaka, ka tonga isan-telo taona ny sambon’i Tarsisa nitondra volamena amam-bolafotsy sy ivoara, ary rajako amam-borombola.

Salamo 115:4

Ny sampin’izy ireo dia volafotsy sy volamena, asan-tanan’olombelona.

Salamo 72:10

Handoa hetra ny mpanjakan’i Tarsisa sy ny nosy; hanolotra fanatitra ny mpanjakan’i Sabà sy Merôe;

Isaia 23:6

Mità ho any Tarsisa ianareo, ka migogogogoa, ry mponina amorontsiraka!

Isaia 40:19

Rehefa nanao sampy anidina ny mpanao taozavatra dia petahan’ny mpanefy volamena takela-bolamena, sy anaovany tongalika volafotsy anidina.

Ezekiela 27:12

I Tarsisa nifampivarotra taminao, tamin’ny hareny isan-karazany: volafotsy, vy, fira-potsy amam-pira-mainty, izay nataony vidin’ny entanao.

Ezekiela 27:7

Rongony fotsy madinika avy any Ejipta, mbamin’ny amborodaony no natao lain-tsambo ho anao, sady natao faneva ho anao; ny hiasinta sy ny lamba mena mangatrakatraka avy any amin’ny nosy Elisà no lamba temitra ho anao.

Hosea 8:6

Fa avy amin’i Israely koa izy; mpanao taozavatra no nanamboatra azy, ka tsy Andriamanitra izy io; fa hotorotoroina ny zanak’ombin’i Samaria!

Jona 1:3

Dia nitsangana i Jônasy handositra ho any Tarsisa, lavitra ny tavan’i Iaveh. Nidina tany Jôpe izy, dia nahita sambo ho any Tarsisa, ka naloany ny saran-tsambo, dia niditra tao izy, hiaraka amin’izy ireo ho any Tarsisa, lavitra ny tavan’i Iaveh.

Habakoka 2:19

Loza ho an’izay manao amin’ny hazo hoe: Mitsangàna! sy amin’ny vato moana hoe: Mifohaza! Hampianatra va izy? Indro fa voapetaka volamena sy volafotsy izy, nefa tsy mba misy fofon’aina akory ao anatiny.