Isaia 4:5 - Baiboly Katolika

⁵ amin’izay dia hoforonin’i Iaveh eran’ny tendrombohitra Siôna manontolo, sy eo ambonin’ny fivoriany, ny rahona aman-tsetroka anankiray mandritra ny andro, ary fahazavan’ny afo midedadeda amin’ny alina. Eo ambonin’ny voninahiny rehetra dia hisy elo;

Baiboly Protestanta Malagasy 2011

⁵ dia hamorona rahona sy setroka NY TOMPO amin’ny antoandro ary fahazavan’ny afo midedadeda amin’ny alina. Ho eny ambonin’ny toerana rehetra any an-tendrombohitra Ziona izany sady ho eny ambonin’ny fivoriany rehetra; satria ho fiarovana eo ambonin’ny zavatra rehetra ny voninahiny.

DIEM PROTESTANTA

⁵ dia hisy rahona matevina amin’ny antoandro sy afo mazava midedadeda amin’ny alina ho tonga eo ambonin’ny tendrombohitr’i Tsiôna manontolo sy amin’ny olona vory ao. Eny ambonin’ireo rehetra ireo kosa ny voninahitry ny TOMPO mba ho fiarovana,

Dikateny Iombonana Eto Madagasikara

⁵ dia hisy rahona matevina amin’ny antoandro sy afo mazava midedadeda amin’ny alina ho tonga eo ambonin’ny tendrombohitr’i Tsiôna manontolo sy amin’ny olona vory ao. Eny ambonin’ireo rehetra ireo kosa ny voninahitry ny TOMPO mba ho fiarovana,

Baiboly Protestanta Malagasy

⁵ Ary Jehovah hamorona rahona sy setroka raha antoandro Sy fahazavan’ny afo midedadeda nony alina Ho eny ambonin’ny fitoerana rehetra any an-tendrombohitra Ziona Sy ho eny ambonin’ny fivoriany rehetra; Ary eny ambonin’ny voninahitra rehetra dia hisy eloelo

Malagasy Bible

⁵ Ary Jehovah hamorona rahona sy setroka raha antoandro Sy fahazavan'ny afo midedadeda nony alina Ho eny ambonin'ny fitoerana rehetra any an-tendrombohitra Ziona Sy ho eny ambonin'ny fivoriany rehetra; Ary eny ambonin'ny voninahitra rehetra dia hisy eloelo

La Bible en Malgache

⁵ dia hamorona rahona sy setroka NY TOMPO amin’ny antoandro ary fahazavan’ny afo midedadeda amin’ny alina. Ho eny ambonin’ny toerana rehetra any an-tendrombohitra Ziona izany sady ho eny ambonin’ny fivoriany rehetra; satria ho fiarovana eo ambonin’ny zavatra rehetra ny voninahiny.

Isaia 4:5 Rohy Ifampitohizana

Nehemia 9:12

Andry rahona no nitarihanao azy raha antoandro, ary andry afo nony alina, mba hanazava eo anatrehany ny lalan-kalehany.

Salamo 105:39

Namelatra rahona hanalokaloka azy Izy, ary afo hanazava azy amin’ny alina.

Salamo 111:1

Aleloia! Sitrako ny midera an’i Iaveh amin’ny foko rehetra, eo amin’ny fivorian’ny olo-marina sy ao amin’ny fiangonana.

Salamo 78:14

Nitarika azy tamin’ny rahona nony andro, ary tamin’ny afo mazava mandritra ny alina.

Salamo 85:9

Te hihaino izay holazain’i Iaveh Andriamanitra aho, - fa manana teny fiadanana ho an’ny vahoakany sy ny mpino Azy Izy, raha tahiny tsy miverina amin’ny fahadalany indray izy ireo. -

Salamo 89:7

Fa iza any an-danitra no hitaha amin’i Iaveh? Iza amin’ireo zanak’Andriamanitra no manahaka an’i Iaveh?

Eksodosy 14:24

Ary tamin’ny fotoan’ny fiambenana maraina dia nitodika ny Ejiptianina i Iaveh tao amin’ny andry afo aman-tsetroka, dia nandatsaka fangorohoroana tao amin’ny tobin’ny Ejiptianina. Nataony nitsoaka tamin’ny kalesiny ny kodiarana ka saika tsy afa-nandroso intsony.

Eksodosy 24:16

Nipetraka teo an-tendrombohitra Sinaia ny voninahitr’i Iaveh ka saron’ny rahona io nandritra ny henemana. Tamin’ny andro fahafito dia nantsoin’i Iaveh i Môizy, tao anatin’ny rahona.

Eksodosy 26:1

«Ny hanaovana ny Fonenana dia ambainy folo; ny hanaovana azy ireo dia amin’ny rongony madinika voahasina, sy amin’ny jaky volomparasy, amin’ny kajy mangatrakatraka, ary amin’ny lamba mena antitra, asiana kerobima, asan-tanan’ny mpanenona mahay.

Eksodosy 26:7

«Hanao ambainy amin’ny volon’osy koa ianao, hatao lay ao ambonin’ny Fonenana, hataonao iraika ambin’ny folo ambainy izy,

Isaia 32:18

Ny vahoakako honina eo amin’ny toeram-piadanana, eo amin’ny trano fonenana mahatoky, eo amin’ny trano fipetrahana mandry feizay.

Isaia 33:20

Jereo ity Siôna tanàna fanaovantsika fety; aoka ny masonao anie hahita an’i Jerosalema, fonenana mahasambatra, lay tsy hafindrafindra, izay tsy hongotana mandrakizay ny tsîmany sy tsy hanesorana iray akory ny tadiny.

Isaia 37:35

Hiaro ity tanàna ity Aho mba hamonjy azy, noho ny amin’ny Tenako, sy noho ny amin’i Davida mpanompoko».

Isaia 46:13

Ampanakaikeziko ny fahamarinako, ka tsy lavitra izy; ary ny famonjeko tsy ho ela; hanome famonjena an’i Siôna Aho, sy ny voninahitro ho an’i Israely.

Isaia 60:1

Mitsangàna, ka mamirapiràta! fa miposaka ny fahazavanao; ary miposaka eo aminao, ny fahazavan’i Iaveh.

Isaia 60:2

Indro ny haizina fa manarona ny tany, ary ny haizim-pito manarona ny firenena; fa i Iaveh kosa no miposaka eo aminao ary ny voninahiny miseho eo aminao.

Matio 18:20

Fa na aiza na aiza iangonan’ny olona roa na telo amin’ny Anarako, dia eo afovoany Aho.

Matio 28:20

ampianaro izy hitandrina ny zavatra rehetra nandidiako anareo. Ary indro Aho eo aminareo mandrakariva ambara-pahatongan’ny faran’izao tontolo izao.»