Isaia 30:3 - Baiboly Katolika

³ Hody henatra ho anareo, ny fiarovan’i Faraôna; ary ho fanalam-baraka ho anareo, ny fialokalofana eo amin’ny alokalok’i Ejipta.

Baiboly Protestanta Malagasy 2011

³ Kanjo ho tonga henatra ho anareo ny fiarovana mafin’ny farao, ary ho fanalam-baraka anareo ny fialokalofanareo ao amin’ny alokalok’i Ejipta.

DIEM PROTESTANTA

³ Hivadika ho henatra ho anareo izany fiarovan’ny Farao izany, ary ho fahafaham-baràkanareo ny fialofana eo ambany alok’i Ejipta,

Dikateny Iombonana Eto Madagasikara

³ Hivadika ho henatra ho anareo izany fiarovan’ny Farao izany, ary ho fahafaham-baràkanareo ny fialofana eo ambany alok’i Ejipta,

Baiboly Protestanta Malagasy

³ Kanjo ho tonga henatra ho azy ny fiarovana mafin’i Farao, Ary ho fanalam-baraka azy ny fialokalofany ao amin’ny alokalok’i Egypta.

Malagasy Bible

³ Kanjo ho tonga henatra ho azy ny fiarovana mafin'i Farao, ary ho fanalam-baraka azy ny fialokalofany ao amin'ny alokalok'i Egypta.

La Bible en Malgache

³ Kanjo ho tonga henatra ho anareo ny fiarovana mafin’ny farao, ary ho fanalam-baraka anareo ny fialokalofanareo ao amin’ny alokalok’i Ejipta.

Isaia 30:3 Rohy Ifampitohizana

2Mpanjaka 18:21

Indro fa volotara vaky no itokianao ankehitriny, dia i Ejipta, ka izay mitehina aminy voatsindrony sy voatrobany avokoa, fa izany tokoa i Faraôna mpanjakan’i Ejipta ho an’izay rehetra matoky azy.

Salamo 108:12

Tsy Ianao izay efa nanary anay va, ry Andriamanitra, Ianao, ry Andriamanitra, izay efa tsy niara-nivoaka tamin’ny tafikay intsony?

Ohabolana 25:19

Nify tapatapaka sy tongotra mibolisatra, dia toy izany no fitokiana ny mpamadika, amin’ny andron’ny fahoriana.

Isaia 20:5

Ka ho rera-po sy hangaihay izy ireo amin’izay, noho ny amin’i Etiôpia, nataony hiankinana, sy noho ny amin’i Ejipta, nataony rehareha.

Isaia 20:6

Amin’izany andro izany ny mponina eo amoron’ity ranomasina ity hanao hoe: ‹Izao lahy no nanjò an’ilay niankinantsika, ilay noheverintsika mandositra hohatonina hitady famonjena ary mba ho afaka eo an-tanan’ny mpanjakan’i Asiria? Ary isika indray kosa hataontsika ahoana no hahafa-mandositra?› »

Isaia 36:6

Indro fa ny itokianao hitehenana dia ilay volotara folaka, i Ejipta, izay manindrona sy manaboroaka ny tanan’izay rehetra mitehina aminy; fa izany no afitsok’i Faraôna amin’izay rehetra matoky azy.

Jeremia 2:36

Mba maika loatra ianao hanova ny lalanao! Hataon’i Ejipta mahazo henatra ianao, toy ny nahazoanao henatra tamin’i Asiria.

Jeremia 42:18

Fa izao no lazain’i Iavehn’ny tafika, Andriamanitr’i Israely: Toy ny niantefan’ny fahatezerako amam-pahavinirako tamin’ny mponina tao Jerosalema, no hiantefan’ny fahatezerako aminareo, nony tafiditra any Ejipta ianareo, ka dia ho fisahato, fitalanjonana, fanozona ary fandàtsan’ny olona ianareo sady tsy hahita ity tany ity intsony.

Jeremia 42:22

Koa aoka ho fantatrareo marimarina izao, fa ho fatin’ny sabatra sy ny mosary ary ny pesta any amin’ny tianareo haleha honenana ianareo.

Jeremia 46:25

Hoy i Iavehn’ny tafika, Andriamanitr’i Israely: Indro, hovangiako avokoa i Amôna any Nô, sy i Faraôna sy i Ejipta, ireo andriamaniny sy ny mpanjakany, ary i Faraôna mbamin’ireo natoky azy.

Ezekiela 29:7

Raisiny amin’ny tanana ianao, dia tapaka, sady mandrotidrotika ny sorony rehetra; mitehina aminao indray izy, dia folaka ianao, ataonao tafatehina amin’ny valahany avokoa.

Hosea 10:6

Hoentina any Asiria koa izy, hatao fanatitra ho an’ny mpanjaka mpamaly; ho azon’ny henatra i Efraima, hangaihay noho ny hevitra voakasany i Israely.

Romana 10:11

araka ny tenin’ny Soratra Masina hoe: «Izay mino Azy tsy mba ho menatra.»

Romana 5:5

ary ny fanantenana tsy mba manodòka, satria efa voarotsaka ao am-pontsika tamin’ny Fanahy Masina nomena antsika ny fitiavan’Andriamanitra.