Isaia 30:2 - Baiboly Katolika

² Dia midina eny amin’ny lalana mankany Ejipta izy ireo nefa tsy manontany ny vavako, mba hialoka eo ambany fiarovan’i Faraôna sy hialokaloka eo amin’ny alokalok’i Ejipta.

Baiboly Protestanta Malagasy 2011

² Mandeha midina ho any Ejipta izy nefa tsy nanontany ny hevitro, hiery any amin’ny fiarovana mafin’ny farao sy hitady fialofana ao amin’ny alokalok’i Ejipta.

DIEM PROTESTANTA

² Tsy manontany Ahy akory ianareo nefa mandeha midina any Ejipta mba hitady fiarovana amin’ny Farao sy fialofana eo ambany alok’i Ejipta.

Dikateny Iombonana Eto Madagasikara

² Tsy manontany Ahy akory ianareo nefa mandeha midina any Ejipta mba hitady fiarovana amin’ny Farao sy fialofana eo ambany alok’i Ejipta.

Baiboly Protestanta Malagasy

² Dia izay mandeha hidina any Egypta, Nefa tsy nanadina tamin’ny vavako, Handositra ho any amin’ny fiarovana mafin’i Farao Sy hialokaloka ao amin’ny alokalok’i Egypta.

Malagasy Bible

² Dia izay mandeha hidina any Egypta, nefa tsy nanadina tamin'ny vavako, handositra ho any amin'ny fiarovana mafin'i Farao sy hialokaloka ao amin'ny alokalok'i Egypta.

La Bible en Malgache

² Mandeha midina ho any Ejipta izy nefa tsy nanontany ny hevitro, hiery any amin’ny fiarovana mafin’ny farao sy hitady fialofana ao amin’ny alokalok’i Ejipta.

Isaia 30:2 Rohy Ifampitohizana

1Mpanjaka 22:7

Nefa hoy i Jôsafata: «Moa tsy misy mpaminanin’i Iaveh intsony va eto, azontsika anontaniana koa?»

2Mpanjaka 17:4

Vaky tamin’ny mpanjakan’i Asiria ho nanao teti-dratsy anefa i Osea fa naniraka olona tany amin’i Soà, mpanjakan’i Ejipta, sady tsy nandoa hetra intsony ho an’ny mpanjakan’i Asiria, isan-taona, ka nasain’ny mpanjakan’i Asiria nosamborina sy nogadrana, dia nalatsaka an-tranomaizina.

2Mpanjaka 18:21

Indro fa volotara vaky no itokianao ankehitriny, dia i Ejipta, ka izay mitehina aminy voatsindrony sy voatrobany avokoa, fa izany tokoa i Faraôna mpanjakan’i Ejipta ho an’izay rehetra matoky azy.

Isaia 16:3

Aoka ianao hanoro hevitra anay, hanelanelana anay; hanome aloka anay, toy ny amin’ny alina, amin’ny mitatao vovonana; hanafina ny enjehina, tsy hanondro ny mandositra!

Isaia 18:1

Eh, ry tany izay andrenesana ny fisasasasan’ny elatra, any an-dafin’ny onin’i Kosa,

Isaia 36:6

Indro fa ny itokianao hitehenana dia ilay volotara folaka, i Ejipta, izay manindrona sy manaboroaka ny tanan’izay rehetra mitehina aminy; fa izany no afitsok’i Faraôna amin’izay rehetra matoky azy.

Isaia 36:9

Hataonao ahoana no fampiamboho kapiteny iray akory, amin’ny mpanompon’ny tompoko, na dia izay kely indrindra amin’izy ireo aza? Noho izany dia i Ejipta no itokianao hahazoana kalesy aman-tsoavaly.

Isaia 8:19

Raha avy izay hilazany aminareo hoe: «Manontania an-dry zareo miantso ny maty, sy amin’ny mpisikidy manao feo mimonomonona sy mibitsibitsika,» valio hoe: «Moa tsy ny Andriamaniny va no tokony hanontanian’ny vahoaka? dia ny maty va no hilan-tsaina ho an’ny velona?

Jeremia 2:18

Ary ankehitriny, inona no ataonao any amin’ny lalana mankany Ejipta, handeha hisotro ny ranon’i Nila? Ary inona ny ataonao eny amin’ny lalana mankany Asiria, handeha hisotro ny rano amin’ny Ony?

Jeremia 21:2

«Masìna ianao, manontania an’i Iaveh ho anay, fa miady aminay i Nabokodonozora mpanjakan’i Babilôna; angamba i Iaveh hanao indray ho anay ireo asany mahagaga lehibe rehetra, mba hialan’ilay io aminay.»

Jeremia 37:5

Ny tafik’i Faraôna kosa efa nivoaka niala teny Ejipta; ary ny Kaldeanina nanao fahirano an’i Jerosalema, nony nandre izany, dia nanalavitra an’i Jerosalema.

Jeremia 42:14

raha hoy ianareo: Tsia, fa any Ejipta no halehanay, izay tsy hahitanay ady, tsy handrenesanay feon’anjomara, tsy hahatsiarovanay noana, ka any no honenanay;

Jeremia 42:2

ka nanao taminy hoe: «Aoka ho tonga eo anatrehanao anie izao fihantanay izao: mivavaha amin’i Iaveh Andriamanitrao, ho an’izao sisa rehetra izao, fa maro izahay taloha, nefa efa tonga vitsy sisa araka izao hitan’ny masonao izao.

Jeremia 42:20

Fa efa naningo-tena ianareo, tamin’ny nanirahanareo ahy ho any amin’i Iaveh Andriamanitsika, nanao hoe: Mivavaha amin’i Iaveh Andriamanitsika ho anay, fa izay rehetra holazain’Iaveh Andriamanitsika, dia ambarao anay fa hotanterahinay avokoa.

Jeremia 43:7

Niditra tany amin’ny tany Ejipta izy ireo, dia tonga hatrany Tafnesa, fa tsy nihaino ny feon’i Iaveh.

Fitomaniana 4:20

Ilay fofon’aintsika, ilay voahosotr’i Iaveh, voasambotra tao an-davak’izy ireo, dia ilay nataontsika hoe: «Eo ambanin’ny alokalony, no ho velona any amin’ny firenena isika.»

Hosea 7:13

Loza ho an’ireny, fa nandositra lavitra Ahy izy! Hanjò azy anie ny faharavana satria nivadika tamiko! Raha Izaho, dia mba te hamonjy azy ireo Aho, fa izy kosa milaza lainga hamelezana Ahy.

Hosea 8:10

Na manao fanatitra amin’ny firenena aza izy, dia novoriko hamely azy ireny; ka hangozohozo izy, amin’ny fotoana fohifohy, tsindrian’ny entan’ny mpanjakan’ireo mpanapaka.

Hosea 8:9

satria ny tenan’izy ihany no niakatra ho any Asora. Ny ampondra dia monina an-takona; i Efraima kosa nanangy lahy ho azy.

Nomery 27:21

Izy hankeo anatrehan’i Eleazara mpisorona izay hanadina amin’ny fitsaràn’ny Orima ho azy, eo anatrehan’i Iaveh, ka araka ny teniny no hivoahan’i Jôsoe, araka ny teniny no hidirany, dia i Jôsoe, ny zanak’i Israely rehetra miaraka aminy, ary ny fiangonana rehetra. Hitarika azy hivoaka sy hiditra, hitondra sy hifehy azy.

Deoteronomia 28:68

Haverin’i Iaveh an-tsambo ho any Ejipta ianao, hihazo ny lalana voalazako taminao hoe: Tsy ho hitanao intsony izany, ary any ianareo hivaro-tena ho andevolahy sy andevovavy amin’ny fahavalonareo nefa tsy hisy mpividy.

Josoa 9:14

Dia nangalan’ny lehilahy tamin’i Israely ny vatsin’izy ireo, nefa tsy nanontany izay tenin’i Iaveh izy;

Mpitsara 9:15

Fa hoy ny tsilo tamin’ny hazo: Raha marina tokoa àry, fa tianareo ny hanosotra ahy ho mpanjaka, dia avia ianareo, ka mialofa amin’ny alokaloko, fa raha tsy izany, aoka hivoaka afo ny tsilo milobolobo, ka handoro ny sederan’i Libàna.