Isaia 3:11 - Baiboly Katolika

¹¹ Loza ho an’ny ratsy fanahy! fa hidiran-doza izy, fa haverina aminy ny nataon’ny tanany.

Baiboly Protestanta Malagasy 2011

¹¹ Loza no hanjo ny ratsy fanahy! Satria ny valin’ny nataon’ny tanany ihany no hanody azy.

DIEM PROTESTANTA

¹¹ Lozan’ny ratsy fanahy kosa fa hiharam-pahavoazana izy, satria araka izay nataony ihany no zavatra hafitsoka aminy!

Dikateny Iombonana Eto Madagasikara

¹¹ Lozan’ny ratsy fanahy kosa fa hiharam-pahavoazana izy, satria araka izay nataony ihany no zavatra hafitsoka aminy!

Baiboly Protestanta Malagasy

¹¹ Lozan’ny ratsy fanahy! hiharan’ny ratsy izy, Satria ny valin’ny nataon’ny tànany ihany no hanody azy.

Malagasy Bible

¹¹ Lozan'ny ratsy fanahy! hiharan'ny ratsy izy, Satria ny valin'ny nataon'ny tànany ihany no hanody azy.

La Bible en Malgache

¹¹ Loza no hanjo ny ratsy fanahy! Satria ny valin’ny nataon’ny tanany ihany no hanody azy.

Isaia 3:11 Rohy Ifampitohizana

Genesisy 18:25

Sanatria Anao izay hanao izany, ka hamono ny marina miaraka amin’ny meloka. Sahala izany ny hahazo ny marina sy ny meloka! Sanatria Anao izany. Mpitsara ny tany rehetra ve ka tsy hitsara marina?»

2Samoela 3:39

Izaho na dia efa voahosotra ho mpanjaka aza, dia malemy fanahy, fa ireo lehilahy zanak’i Sarvià ireo kosa dia lozabe tokoa noho izaho. Hovalian’i Iaveh anie izay manao ny ratsy araka ny ratsy nataony!»

1Mpanjaka 21:21

Indro aho hahatonga loza aminao: hataoko mafana ianao, haringako ny lehilahy rehetra an’i Akaba na ny andevo, na ny olona afaka, amin’i Israely,

2Tantara 6:23

dia mihainoa azy any an-danitra Ianao, manefà ary mitsarà ireo mpanomponao ireo, ka manameloha ny meloka manatsingerina amin’ny lohany izay nataony, ary hamarino ny tsy manan-tsiny, mamaly azy araka ny fahamarinany.

Joba 10:15

Meloka moa aho, dia loza ho ahy; Marina indray aho tsy sahy miandrandra akory; fa safo-kenatra aho mahita ity fahoriako.

Salamo 28:4

Valio araka ny asany ireny, sy araka ny haratsian’ny asa nataony; valio araka ny vitan’ny tanany izy; omeo azy ny tamby tandrify azy.

Salamo 62:12

Efa niteny indray mandeha Andriamanitra, na indroa, ka nahare aho: An’Andriamanitra ny fahefana.

Ohabolana 1:31

dia hihinana ny vokatry ny lalany izy, sy hivoky ny saim-pantatry ny tenany.

Ohabolana 11:31

Raha ny marina aza, valiana sazy atỳ an-tany; mainka ny ratsy fanahy sy ny mpanota.

Ohabolana 12:14

Ny vokatry ny vavan’ny olona, no hamoky soa azy; ary araka ny asan-tanany avy, no hatsingerina aminy.

Ohabolana 26:27

Izay mihady lavaka no ho latsaka ao; ary izay manakodia vato no hikodiavany.

Mpitoriteny 8:13

Fa tsy mba an’ny ratsy fanahy, ny hasambarana; ary ho toy ny aloka izy fa tsy lava andro iainana, noho izy tsy matahotra an’Andriamanitra.

Isaia 13:11

Hosaziko izao tontolo izao noho ny faharatsiany; ary ny ratsy fanahy noho ny helony; hataoko mitsahatra ny fiandranandran’ny mpirehareha; ary haetriko ny avonavon’ireo mpanjaka manao jadona.

Isaia 65:20

Tsy hisy intsony ao na ny zaza teraka ho fohy andro iainana, na ny anti-panahy tsy mahatratra ny isan’ny androny; fa mbola maty tanora ihany ny maty amin’ny fahazato taonany, ary efa zato taona ny mpanota vao ho tratry ny ozona.

Isaia 65:6

Indro fa voasoratra eo anatrehako: Tsy hangina aho mandra-pamaliko, mandra-pamaliko ao an-tratran’ireny,

Isaia 65:7

ny helokareo mbamin’ny heloky ny razanareo, hoy i Iaveh, ny razanareo izay nandotra emboka, teny an-tendrombohitra, sy naniratsira Ahy teny amin’ny havoana; hafatrako ao an-tratrany, ny valin’ny fitondran-tena nataony.

Jeremia 21:14

Hanasazy anareo araka ny vokatry ny asanareo Aho, - teny marin’i Iaveh, - handrehitra afo amin’ny alany Aho, ka handevona ny manodidina azy rehetra izany.

Jeremia 31:30

Fa samy ho fatin’ny helony avy ny olon-drehetra: izay mihinam-boaloboka maharikivy, na iza na iza, dia izy ihany no hadilo nify koa.

Ezekiela 16:59

Fa izao no lazain’ny Tompo Iaveh: Araka ny nataonao ihany no hataoko aminao, ianao ilay nanatsinontsinona ny fianiananao, tamin’ny nivadihanao ny fanekena.

Ezekiela 18:20

Ny fanahy izay manota dia io no ho faty; ny zanaka tsy hitondra ny heloky ny rainy; ary ny ray tsy hitondra ny heloky ny zanany; ny fahamarinan’ny marina ho aminy ihany; ary ny haratsian’ny ratsy dia ho aminy ihany.

Ezekiela 2:10

Novelariny teo anoloako io, ka voasoratra ny tao anatiny sy ny teo ivelany; ary hira fisaonana amam-pitomaniana sy fitarainana no voasoratra teo.

Ezekiela 24:14

Izaho Iaveh no niteny, ho tonga izany ary hotanterahiko: tsy hiahotrahotra Aho, na hitsimbina, na hanenina, Hotsaraina araka ny nataonao sy ny helokao be vava ianao, - teny marin’ny Tompo Iaveh.

Ezekiela 33:8

Raha niteny aho nilaza tamin’ny ratsy fanahy hoe: «Ho faty marina ianao, ry ilay ratsy fanahy,» ka tsy miteny ianao, hananatra ny ratsy fanahy hiala amin’ny lalany, dia ho faty amin’ny helony ihany ilay io, noho izy ratsy fanahy, nefa hadiniko aminao ny rany.

Mika 3:4

Hitaraina amin’i Iaveh izy ireo amin’izany, nefa tsy hohenoiny; hafeniny amin’izy ireo ny Tavany amin’izany andro izany, araka ny haratsiana nanaovany ny asany.

Mika 7:13

Hanjary efitra ny tany, noho ny amin’ny mponina ao aminy: izany no vokatry ny asany.

Nomery 32:23

Fa raha tsy manao izany kosa ianareo, dia indro manota amin’i Iaveh ianareo, ka fantaro fa hanody anareo ny fahotanareo.

2Korintiana 5:10

Fa isika rehetra dia samy tsy maintsy hiseho amin’ny fitsaran’i Kristy mba handraisantsika tsirairay avy izay tandrifin’ny asantsika fony mbola tao amin’ny vatana, na soa na ratsy izany.

Jakoba 2:13

Fa fitsarana tsy misy famindram-po no ho anjaran’izay tsy namindra fo; ary ny famindram-po no maharesy ny fitsarana.

Mpitsara 9:57

ary nampianjeran’Andriamanitra tamin’ny lohan’ny mponina tao Sikema, ny haratsiany rehetra. Izany no niharan’ny ozona nataon’i Joatama zanak’i Jerobaala tamin’izy ireo.