Isaia 3:10 - Baiboly Katolika

¹⁰ Lazao amin’ny marina fa sambatra izy, satria hihinana ny vokatry ny asany.

Baiboly Protestanta Malagasy 2011

¹⁰ Lazao hoe: Hahita soa ny marina, fa ny vokatry ny asany no hohaniny.

DIEM PROTESTANTA

¹⁰ Sambatra ny olo-marina fa hahita soa izy, ka ny vokatry ny asany no hohaniny.

Dikateny Iombonana Eto Madagasikara

¹⁰ Sambatra ny olo-marina fa hahita soa izy, ka ny vokatry ny asany no hohaniny.

Baiboly Protestanta Malagasy

¹⁰ Lazaonareo ny amin’ny marina fa hahita soa izy, Fa ny vokatry ny asany no hohaniny.

Malagasy Bible

¹⁰ Lazaonareo ny amin'ny marina fa hahita soa izy, Fa ny vokatry ny asany no hohaniny.

La Bible en Malgache

¹⁰ Lazao hoe: Hahita soa ny marina, fa ny vokatry ny asany no hohaniny.

Isaia 3:10 Rohy Ifampitohizana

Genesisy 18:25

Sanatria Anao izay hanao izany, ka hamono ny marina miaraka amin’ny meloka. Sahala izany ny hahazo ny marina sy ny meloka! Sanatria Anao izany. Mpitsara ny tany rehetra ve ka tsy hitsara marina?»

Salamo 58:11

Hifaly amin’ny fahitana ny famaliana, ny marina; handro tongotra amin’ny ran’ny ratsy fanahy izy.

Eksodosy 1:20

Koa ny mpampivelona nasian’Andriamanitra soa, ary ny vahoaka nihamaro sy nihanahery fatratra.

Ohabolana 10:6

Ny lohan’ny marina iaviam-pitahiana, fa ny vavan’ny ratsy fanahy kosa tototra faharatsiana.

Ohabolana 12:14

Ny vokatry ny vavan’ny olona, no hamoky soa azy; ary araka ny asan-tanany avy, no hatsingerina aminy.

Ohabolana 13:21

Ny mpanota enjehin-doza; ny marina kosa valian-tsoa.

Ohabolana 18:21

Manam-pahefana hahafaty sy hamelona ny lela; ka araka izay fidiny dia hohanin’ny olona ny voany.

Mpitoriteny 8:12

fa na hanao ratsy injato aza ny mpanota, ka ho lava andro iainana koa, fantatro fa ny fahasambarana kosa, dia an’izany matahotra an’Andriamanitra, dia izay tsindrian’ny fahatahorana eo anatrehany.

Isaia 54:17

Ny fiadiana rehetra notefena hamelezana anao, tsy hisy asany, ary ny lela rehetra hisondrotra hifanohitra aminao, horesenao lahatra. - Izany no lovan’ny zanak’i Iaveh; izany no fahamarinana ho azony avy amiko. - Teny marin’i Iaveh. -

Jeremia 15:11

Dia hoy i Iaveh: «Hanamafy anao aho mba hahasoa anao; hataoko tonga hifona aminao tokoa ny fahavalonao, amin’ny andron’ny loza amam-pahoriana.

Jeremia 21:14

Hanasazy anareo araka ny vokatry ny asanareo Aho, - teny marin’i Iaveh, - handrehitra afo amin’ny alany Aho, ka handevona ny manodidina azy rehetra izany.

Jeremia 22:15

Noho ianao adalan-tsedera va no maha-mpanjaka anao? Moa tsy nisotro sy nihinana va ny rainao? Nanao ny hitsiny sy ny rariny izy, ary tamin’izany dia tsara ny zavatra rehetra taminy;

Jeremia 7:23

Fa ny amin’ny didy nomeko azy ireo, dia izao no nolazaiko taminy: Mihainoa ny feoko; ary Izaho no Andriamanitrareo, ary ianareo no vahoakako; mizora amin’ny lalana rehetra handidiako anareo, mba ho sambatra ianareo.»

Ezekiela 18:20

Ny fanahy izay manota dia io no ho faty; ny zanaka tsy hitondra ny heloky ny rainy; ary ny ray tsy hitondra ny heloky ny zanany; ny fahamarinan’ny marina ho aminy ihany; ary ny haratsian’ny ratsy dia ho aminy ihany.

Ezekiela 9:4

ka hoy i Iaveh taminy hoe: «Mandehana mamaky ny tanàna, mamaky an’i Jerosalema, ka asio marika Tao ny handrin’ny olona misento sy mitaraina, noho ny fahavetavetana rehetra atao ao.»

Mika 7:13

Hanjary efitra ny tany, noho ny amin’ny mponina ao aminy: izany no vokatry ny asany.

Zefania 2:3

Mitadiava an’i Iaveh, ianareo manetry tena rehetra amin’ny tany, izay efa nanaraka ny lalàny; katsaho ny fahamarinana, katsaho ny fanetren-tena. Ho tafaàloka angamba ianareo amin’ny andron’ny fahatezeran’i Iaveh!

Malakia 3:18

Ka dia ho hitanareo indray, ny tsy fitovian’ny marina sy ny ratsy fanahy, ny manompo an’Andriamanitra sy ny tsy manompo Azy.

Lioka 19:19

Ary hoy izy taminy: Hanapaka tanàna dimy koa ianao.

Deoteronomia 12:25

Aza mihinana izany mba ho sambatra ianao, ianao sy ny zanakao mandimby anao amin’ny fanarahana izay mahitsy eo imason’i Iaveh.

Hebreo 6:10

Fa tsy mba tsy marina Andriamanitra, sanatria! Ka hanadino ny asanareo, sy ny fitiavana nasehonareo ho voninahitry ny Anarany, tamin’ny nanampianareo sy mbola anampianareo ny olo-masina.