Isaia 10:18 - Baiboly Katolika

¹⁸ Ka ny voninahitry ny ala amam-boly hazo mamoa hofoanany hatramin’ny fanahy ka hatramin’ny vatana; hanahaka ny marary matin’ny singotr’àty izany.

Baiboly Protestanta Malagasy 2011

¹⁸ ary holevoniny tanteraka ny voninahitry ny alany sy ny sahany mahavokatra. Ho tahaka ny fitofezaky ny marary mafy izany.

DIEM PROTESTANTA

¹⁸ Holevoniny tanteraka ny alany mirenty mbamin’ny sahany mahavokatra; ho toy ny marary miala aina izany.

Dikateny Iombonana Eto Madagasikara

¹⁸ Holevoniny tanteraka ny alany mirenty mbamin’ny sahany mahavokatra; ho toy ny marary miala aina izany.

Baiboly Protestanta Malagasy

¹⁸ Ary ny voninahitry ny alany sy ny sahany mahavokatra dia holevoniny, Na ny fanahiny, na ny nofony, Ka ho tahaka ny fifezak’izay marary mafy izany.

Malagasy Bible

¹⁸ Ary ny voninahitry ny alany sy ny sahany mahavokatra dia holevoniny, na ny fanahiny, na ny nofony, ka ho tahaka ny fifezak'izay marary mafy izany.

La Bible en Malgache

¹⁸ ary holevoniny tanteraka ny voninahitry ny alany sy ny sahany mahavokatra. Ho tahaka ny fitofezaky ny marary mafy izany.

Isaia 10:18 Rohy Ifampitohizana

2Mpanjaka 19:23

Naniratsira ny Tompo tamin’ny irakao ianao. Ka hoy ianao: Tamin’ny kalesiko marobe, no niakarako tany an-tampon-tendrombohitra, tany an-tendron’i Libàna. Hokapaiko ny avo indrindra amin’ny sederany, ny tsara indrindra amin’ny sipresiny; ho tonga any an-tampony indrindra aho, dia any amin’ny alany, izay toa saha be hazo mamoa.

2Mpanjaka 19:28

Fa noho ianao tezitra amiko, ary efa tafasandratra ho ren’ny sofiko ny fiavonavonanao, dia hasiako ny masom-biko ny oronao; hasiako ny sakam-bavan-tsoavaly ny molotrao; dia hampiverina anao amin’ny lalana niavianao.

Isaia 10:16

Noho izany, ny Tompo, Iavehn’ny tafika, haniraka faharerahana hamely ny mpiadiny matanjaka; ary eo ambanin’ny voninahiny, hisy afo mirehitra, toy ny afo amin’ny hain-trano.

Isaia 32:19

Nefa ny ala, haripaky ny havandra; ary ny tanàna, haetry ambany dia ambany.

Isaia 37:24

Hamely an’ilay Masin’i Israely. Ny mpanomponao no efa naniratsiranao ny Tompo, ary ianao efa nanao hoe: ‹Amin’ny hamaroan’ny kalesiko no efa niakarako teny antampon-tendrombohitra, teny amin’ny fara sisin’i Libàna; hokapaiko ny avo indrindra amin’ny sipresa ao aminy, ny tsara indrindra amin’ny sipresa ao aminy, dia hahatakatra ny tendrony avo indrindra aho, mbamin’ny alany, hoatra ny saha misy hazo mamoa.

Isaia 9:18

Noho ny hatezeran’i Iavehn’ny tafika dia may ny tany, ary ny vahoaka zary rembin’afo. Tsy misy mitsimbina izay rahalahiny intsony;

Jeremia 21:14

Hanasazy anareo araka ny vokatry ny asanareo Aho, - teny marin’i Iaveh, - handrehitra afo amin’ny alany Aho, ka handevona ny manodidina azy rehetra izany.

Zakaria 12:6

Amin’izany andro izany, ireo filohan’i Jodà, hataoko toy ny fatana mivaivay ao amin’ny hazo, toy ny fanilo mirehitra, ao anaty amboaram-bary, ka handevona ny firenena rehetra manodidina eo amin’ny ankavanana sy eo amin’ny ankavia, ary i Jerosalema dia mbola ho eo amin’ny fitoerana ao Jerosalema ihany.