Hosea 10:8 - Baiboly Katolika

⁸ Ho rava ny fitoerana avon’i Avena, izay fahotan’i Israely; handadian’ny tsilo amam-boarointsaka ny ôteliny. Ny tendrombohitra hilazany hoe: «Saròny izahay!»

Baiboly Protestanta Malagasy 2011

⁸ Ho rava koa ny toerana fanaovana sorona ao Avena izay anotan’ny Israely; ho rakotry ny tsilo sy songosongo ny alitarany. Hiteny amin’ny tendrombohitra izy hoe: Saròny izahay! Ary amin’ny havoana hoe: Mianjerà aminay!

DIEM PROTESTANTA

⁸ Ho rava ireo toeram-panasinana: izany no hadisoana sy fahotan’i Israely. Songosongo aman-tsilo no handadina ny alitarany. Amin’izay no hitenenana hoe: «Ry tendrombohitra, saròny izahay!» «Ry havoana, mianjerà aminay».

Dikateny Iombonana Eto Madagasikara

⁸ Ho rava ireo toeram-panasinana: izany no hadisoana sy fahotan’i Israely. Songosongo aman-tsilo no handadina ny alitarany. Amin’izay no hitenenana hoe: «Ry tendrombohitra, saròny izahay!» «Ry havoana, mianjerà aminay».

Baiboly Protestanta Malagasy

⁸ Ary ho rava koa ny fitoerana avo ao Avena, izay anotan’Isiraely; Ho rakotry ny tsilo sy ny ahitra ratsy ny alitarany; Ary izy hanao amin’ny tendrombohitra hoe: Saròny izahay, Ary amin’ny havoana hoe: Mianjerà aminay.

Malagasy Bible

⁸ Ary ho rava koa ny fitoerana avo ho Avena, izay anotan'Isiraely; Ho rakotry ny tsilo sy ny ahitra ratsy ny alitarany; Ary izy hanao amin'ny tendrombohitra hoe: sarony izahay, ary amin'ny havoana hoe: Mianjerà aminay.

La Bible en Malgache

⁸ Ho rava koa ny toerana fanaovana sorona ao Avena izay anotan’ny Israely; ho rakotry ny tsilo sy songosongo ny alitarany. Hiteny amin’ny tendrombohitra izy hoe: Saròny izahay! Ary amin’ny havoana hoe: Mianjerà aminay!

Hosea 10:8 Rohy Ifampitohizana

Genesisy 3:8

Tamin’izay dia ren’izy ireo ny feon’i Iaveh Andriamanitra nandalo tao amin’ny saha rehefa nangatsiatsiaka ny andro; ka niery an’i Iaveh Andriamanitra tao anaty hazon’ny saha ralehilahy sy ny vadiny.

1Mpanjaka 13:2

Nanao antso nihatra tamin’ny ôtely izy io, noho ny tenin’i Iaveh, ka nanao hoe: «Ry ôtely! Ry ôtely! Izao no lazain’i Iaveh: Hisy zaza lahy hateraka ho an’ny tranon’i Davida, ka ny anarany hatao hoe: I Josiasa; ny mpisoron’ny fitoerana, izay mandoro ny sorona eo amboninao, no hovonoina hatao eo amboninao; ary taolan’olona no hodorana eo amboninao!»

1Mpanjaka 13:34

Nampisy fahotana momba ny tranon’i Jerôbôama izany ka io no antony nandringanana sy namongorana azy teto ambonin’ny tany.

1Mpanjaka 14:16

Hanolotra an’i Israely izy noho ny fahotan’i Jerôbôama, izay nataon’ny tenany sy izay nampanaoviny an’i Israely.»

2Mpanjaka 23:15

Torak’izany koa ny ôtely tany Betela, ny fitoerana avo nataon’i Jerôbôama zanak’i Nabata, ilay nampanota an’i Israely; nodorany ny fitoerana avo, noravany izany ôtely izany mbamin’ny fitoerana avo, nodorany ny fitoerana avo, nataony nanjary vovoka, ary nodorany ny aserah.

2Tantara 31:1

Nony vita izany rehetra izany, dia niainga ny avy amin’i Israely rehetra izay teo, nankany amin’ny tanànan’i Jodà, ka notorotoroiny ny tsangam-bato, nokapainy ny aserah, noravany avokoa ny fitoerana avo aman’ôtely eran’i Jodà sy i Benjamina mbamin’i Efraima sy i Manase, nataony fongotra mihitsy. Izay vao samy nody any an-tanànany ny zanak’i Israely rehetra, samy ho any amin’ny anjara taniny.

Isaia 2:19

Dia hiditra anatin’ny zoma amin’ny vatolampy ny olona, sy anatin’ny zohy amin’ny tany, eo anatrehan’ny tahotra avy amin’i Iaveh, sy ny famirapiratan’ny fiandrianany, rehefa hitsangana hampangovitra ny tany Izy.

Isaia 2:21

izy kosa handositra ho any an-dava-bato, sy any an-tsefatsefaky ny haram-bato, eo anatrehan’ny tahotra avy amin’i Iaveh, sy ny famirapiratry ny fiandrianany, rehefa hitsangana hampangovitra ny tany Izy.

Isaia 32:13

Eo amin’ny tanin’ny vahoakako, tsilo sy hery no maniry, na dia eo ambonin’ny trano firavoravoana rehetra aza ao amin’ny tanàna ravoravo.

Isaia 34:13

Tsilo no haniry ao an-dapany; ary voaroy amam-beroberokamboa no ho eo an-tranony mimanda, ka ho fieren’amboadia sy ho valan’ostritsa foana izy.

Hosea 10:2

Mpihatsaravelatsihy ny fony; ka efa hivesatra ny valin’izany izy. Hanjera ny ôteliny izy, handrava ny tsangam-batony.

Hosea 10:5

Noho ny ombivavy kely ao Betavena no atahoran’ny mponina ao Samaria, satria ny vahoakany misaona ny sampiny, ary ny mpisorona mangovitra noho ny aminy, noho ny voninahiny, fa efa niala taminy.

Hosea 10:9

Efa nanota hatramin’ny andro, fony tany Gabaà, ianao, ry Israely; mikiribiby aman-keloka izy ireo. Moa tsy hahatratra azy ireo koa any Gabaà ny ady voalaza hatao amin’ny zanaky ny faharatsiana?

Hosea 2:6

Tsy hamindra fo amin’izay zanany Aho, fa zanaky ny fijangajangana ireny;

Hosea 4:13

Manatitra sorona eny an-tampon-tendrombohitra izy, mandoro emboka eny amin’ny havoana, eny ambany oaka amam-peopilie ary terebinta, satria tsara alokaloka ireny. Noho izany raha mijangajanga ny zanaka vavinareo, sy maka vadin’olona ny vehivavinareo tanora,

Hosea 4:15

Raha ianao no mijangajanga, ry Israely, aoka i Jodà tsy hilatsaka amin’ny heloka! aza mankany Galgalà na miakatra any Betavena ary aza mianiana hoe: Velona Iaveh!

Hosea 5:8

Tsofy ao Gabaà ny anjomara; ary ao Ramà ny trômpetra; miantsoa vonjy taitra ao Betavena! Mitandrema ianao, ry Benjamina!

Hosea 8:5

Naharikoriko Ahy ity zanak’ombinao, ry Samaria; nirehitra tamin’izy ireo ny fahatezerako. Mandra-pahoviana no tsy hahazoana mandio azy ireo?

Hosea 9:6

Fa indro lasa izy ireo teo anatrehan’ny fandringanana: i Ejipta handray azy, ary i Memfisy handevina azy; ny fanaka volafotsiny sarobidy, ho rembin’ny beroberok’amboa ny lainy ho tongan’ny tsilo.

Amosa 1:5

Homontsaniko ny hidin’i Damasa, haringako ny mponina ao Bikata Avena, ny mitana ny tehim-panjakana any Bet-Edena; ary hoentina babo ho any Kira ny vahoaka any Siria,» hoy i Iaveh.

Amosa 3:14

Amin’ny andro hamaliako an’i Israely noho ny fandikany ny lalàna, no hamaliako ny momba an’ireo ôtely ao Betela koa; hokapaina ny tandroky ny ôtely ka hianjera amin’ny tany.

Amosa 7:9

Ny fitoerana avon’i Isaaka ho foanana; ny fitoera-masin’i Israely horavana; ary hitsangana hamely ny taranak’i Jerôbôama amin’ny sabatra Aho.»

Amosa 8:14

Ry zareo, mianiana amin’ny fahotan’i Samaria, ka manao hoe: Amin’ny Andriamanitrareo, ry Dàna! Amin’ny lalan’i Bersabea! dia samy ho lavo tsy haharina intsony.

Mika 1:13

Afehezo amin’ny kalesy ny soavaly, ry kala mponina ao Lakisa; fiandohan’ny fahotana ho an’ny zanaka vavin’i Siôna, no nahitana ny helok’i Israely ao aminao.

Mika 1:5

Ny hisian’izany dia noho ny helok’i Jakôba sy noho ny fahotan’ny taranak’i Israely. Inona no helok’i Jakôba? Tsy i Samaria va? Ary iza no fitoerana avon’i Jodà? Tsy i Jerosalema va?

Nahoma 3:11

Ianao koa hampileovina, dia hanjavona tsy hita intsony; ianao koa eo anatrehan’ny fahavalo hitady fialofana.

Lioka 23:30

Amin’izay ny olona vao hilaza amin’ny tendrombohitra hoe: ‹Mianjerà aminay› sy amin’ny havoana hoe: Saròny izahay;

Deoteronomia 9:21

Ary nalaiko ny fahotana nataonareo, dia ilay zanak’omby volamena ka nodorako tamin’ny afo, sy nomontsamontsaniko mandra-pahatongany ho vovoka, dia nariako tamin’ny ranon-driaka avy any an-tendrombohitra izany vovoka izany.

Apokalipsy 6:16

ary nilaza tamin’ny tendrombohitra sy ny vatolampy hoe: «Mianjerà aminay, ka afeno amin’ny Tavan’Ilay mipetraka eo amin’ny seza fiandrianana sy amin’ny fahatezeran’ny Zanak’ondry izahay;

Apokalipsy 9:6

ka hitady ny fahafatesana ny olona amin’izany andro izany, fa tsy hahita azy; ary haniry ny ho faty izy, fa handositra azy ny fahafatesana.