Genesisy 46:34 - Baiboly Katolika

³⁴ Dia valio hoe: ‹Biby fiompy no fanananay, izahay mpanomponao, hatramin’ny fahazazanay ka mandrak’ankehitriny; tahaka ny razanay koa.› Fa izany no hahazoanareo monina amin’ny tany Gesena, satria fahavetavetana amin’ny Ejiptianina ny mpiandry ondry rehetra.»

Baiboly Protestanta Malagasy 2011

³⁴ dia valio hoe: Miompy omby aman’ondry no raharaha fanaon’ny mpanomponao. Hatry ny fony vao zaza ka mandraka ankehitriny, dia izahay sy ny razanay. Amin’izay dia hahazo honina ao amin’ny tany Gosena ianareo satria zava-maharikoriko amin’ny Ejiptiana ny mpiandry ondry rehetra.

DIEM PROTESTANTA

³⁴ dia hovalianareo hoe: Olona mpiompy toy ireo razanay izahay mpanomponao, nanomboka hatramin’ny fahazazànay ka mandraka izao. Amin’izay dia hahazo mipetraka ao amin’ny faritr’i Gôsena ianareo, satria maharikoriko ny Ejiptianina ny mpiandry ondry rehetra.

Dikateny Iombonana Eto Madagasikara

³⁴ dia hovalianareo hoe: Olona mpiompy toy ireo razanay izahay mpanomponao, nanomboka hatramin’ny fahazazànay ka mandraka izao. Amin’izay dia hahazo mipetraka ao amin’ny faritr’i Gôsena ianareo, satria maharikoriko ny Ejiptianina ny mpiandry ondry rehetra.

Baiboly Protestanta Malagasy

³⁴ dia izao no havalinareo: Miompy omby aman-ondry no raharaha fanaon’ny mpanomponao, hatry ny fony vao zaza ka ambaraka ankehitriny, dia izahay sy ny razanay koa– mba hahazoanareo monina ao amin’ny tany Gosena, satria fahavetavetana amin’ny Egyptiana ny mpiandry ondry rehetra.

Malagasy Bible

³⁴ dia izao no havalinareo: Miompy omby aman'ondry no raharaha fanaon'ny mpanomponao, hatry ny fony vao zaza ka ambaraka ankehitriny, dia izahay sy ny razanay koa mba hahazoanareo monina ao amin'ny tany Gosena, satria fahavetavetana amin'ny Egyptiana ny mpiandry ondry rehetra.

La Bible en Malgache

³⁴ dia valio hoe: Miompy omby aman’ondry no raharaha fanaon’ny mpanomponao. Hatry ny fony vao zaza ka mandraka ankehitriny, dia izahay sy ny razanay. Amin’izay dia hahazo honina ao amin’ny tany Gosena ianareo satria zava-maharikoriko amin’ny Ejiptiana ny mpiandry ondry rehetra.

Genesisy 46:34 Rohy Ifampitohizana

Genesisy 13:7

Nifanditra ny mpiandry ondrin’i Abrama sy ny mpiandry ondrin’i Lôta. Ny Kananeanina sy ny Ferezeanina no nitoetra tamin’ny tany tamin’izay.

Genesisy 13:8

Dia hoy i Abrama tamin’i Lôta: «Aoka re tsy hifanditra izaho sy ianao, na ny mpiandry ondriko sy ny mpiandry ondrinao, fa mpirahalahy isika.

Genesisy 26:20

Fa niadian’ny mpiandry ondry tao Jerara ny mpiandry ondrin’i Isaaka nataony hoe: «Anay ny rano.» Ka nataon’i Isaaka hoe Eseka ny anaran’ny lavaka fantsakana, satria niadian-dry zareo izy.

Genesisy 30:35

Androtr’izay ihany dia navahany ny osy lahy sadika sy mara, ny osy vavy sadika sy mara, izay rehetra misy fotsy, ary izay mainty rehetra tamin’ny zanak’ondry; ka ireny no natolony ho eo an-tanan’ny zanany lahy.

Genesisy 34:5

Efa ren’i Jakôba ihany ny nandotoany an’i Dinà zanany vavy, nefa mbola tany an-tsaha tamin’ny biby fiompiny ny zanany lahy, ka dia nangina izy aloha mandra-pahatongan’ireo.

Genesisy 37:12

Nandeha niandry ny biby fiompin-drainy tany Sikema ireo rahalahin’i Josefa.

Genesisy 37:2

Izao no tantaran’i Jakôba. Rahefa fito ambin’ny folo taona i Josefa, dia niara-niandry ondry tamin’ny rahalahiny. Noho izy mbola zaza, tafaraka tamin’ireo zanak’i Bala sy tamin’ireo zanak’i Zelfah vadin-drainy; nanambara tamin-drainy ny tati-bolan-dratsy momba azy ireo i Josefa.

Genesisy 43:32

Dia naroso manokana ny an’i Josefa, ny an’ireo rahalahiny koa manokana; ny an’ireo Ejiptianina niara-nihinana taminy manokana koa; satria tsy mahazo miara-mihinana amin’ny Hebrio ny Ejiptianina, fa fahavetavetana ho an’ny Ejiptianina izany.

Genesisy 45:10

Fa honina eo amin’ny tany Gesena ianao, dia samy ho eo akaikiko avokoa ianao sy ny zanakao ary ny zanaky ny zanakao, ny ondrinao sy ny ombinao ary ny fanananao rehetra.

Genesisy 45:18

Dia makà ny rainareo sy ny ankohonanareo, ary miverena aty amiko. Fa homeko ny tsara indrindra amin’ny tany Ejipta ianareo, ary hihinana ny menaky ny tany.

Genesisy 46:32

Olona mpiandry ondry izy ireo, fa biby fiompy no fananany, ary efa nentiny avokoa ny ondry sy ny ombiny ary ny fananany rehetra.›

Genesisy 47:11

Koa nampiorim-ponenana an-drainy sy ny rahalahiny i Josefa ka nanome azy zara tany, eo amin’ny tany Ejipta, dia ny tsara indrindra amin’ny tany, ao amin’ny faritanin’i Ramsesa, araka ny teny nomen’i Faraôna azy.

Genesisy 47:3

Ka hoy i Faraôna tamin’ireo: «Inona no raharahanareo?» Ka hoy ireo tamin’i Faraôna: «Mpiandry ondry toy ny razanay ihany koa, izahay mpanomponao.»

Genesisy 47:4

Dia hoy koa izy tamin’i Faraôna: «Tonga aty izahay mpanomponao mba hitoetra amin’ity tany ity, fa tsy misy hanina intsony horaotin’ny ondrin’ny mpanomponao, fa mamely mafy ny mosary any amin’ny tany Kanaana. Koa aoka re mba havelanao honina eto amin’ny tany Gesena ny mpanomponao.»

Genesisy 47:6

Aoka honina amin’ny tany Gesena izy. Ary raha mahita lehilahy mahay amin’izy ireo ianao, tendreo izy ho mpitandrina ny biby fiompiko.»

Eksodosy 8:22

Ka hoy i Môizy: «Tsy mety ny manao izany, fa zava-padin’ny Ejiptianina ny sorona atolotra an’i Iaveh Andriamanitray; ka raha eo imason’ny Ejiptianina izahay no hanao sorona ny zava-pady, tsy sakoa ataony tora-bato?

Eksodosy 8:26

Vao niala avy ao amin’i Faraôna i Môizy, dia nivavaka tamin’i Iaveh;