Genesisy 37:20 - Baiboly Katolika

²⁰ Andeha hovonointsika izy, ka hatsipintsika ao anatin’ny iray amin’ireto lavaka fantsakana ireto, sy holazaintsika hoe: nohanin’ny biby masiaka, ary ho hitantsika amin’izany izay hiafaran’ny nofiny.»

Baiboly Protestanta Malagasy 2011

²⁰ koa ankehitriny, andeha hovonointsika izy ary hatsipintsika ao anatin’ny lava-drano, dia holazaintsika hoe: Lanin’ny biby masiaka izy. Ho hitantsika amin’izany ny hiafaran’ny nofiny.

DIEM PROTESTANTA

²⁰ Andeha hovonointsika ho faty izy, dia hatsipintsika ao anatin’ny anankiray amin’ireto lavaka fantsakana ireto, ka holazaintsika hoe lanin’ny biby masiaka. Amin’izay dia ho hitantsika raha ho tanteraka ny nofiny.

Dikateny Iombonana Eto Madagasikara

²⁰ Andeha hovonointsika ho faty izy, dia hatsipintsika ao anatin’ny anankiray amin’ireto lavaka fantsakana ireto, ka holazaintsika hoe lanin’ny biby masiaka. Amin’izay dia ho hitantsika raha ho tanteraka ny nofiny.

Baiboly Protestanta Malagasy

²⁰ Koa ankehitriny, andeha hovonointsika izy ka hatsipintsika ao anatin’ny anankiray amin’ireto lavaka ireto; ary dia aoka holazaintsika hoe: Efa lànin’ny biby masiaka izy; dia ho hitantsika amin’izany na hanao ahoana ny nofiny.

Malagasy Bible

²⁰ Koa ankehitriny, andeha hovonointsika izy ka hatsipintsika ao anatin'ny anankiray amin'ireto lavaka ireto; ary dia aoka holazaintsika hoe: Efa lanin'ny biby masiaka izy; dia ho hitantsika amin'izany na hanao ahoana ny nofiny.

La Bible en Malgache

²⁰ koa ankehitriny, andeha hovonointsika izy ary hatsipintsika ao anatin’ny lava-drano, dia holazaintsika hoe: Lanin’ny biby masiaka izy. Ho hitantsika amin’izany ny hiafaran’ny nofiny.

Genesisy 37:20 Rohy Ifampitohizana

Genesisy 37:19

Nifampiteny toy izao izy ireo: «Indry erỳ ilay mpanonofy; izy tokoa iny avy iny.

Genesisy 37:26

Ka hoy i Jodà tamin’ireo rahalahiny: «Inona no soa azontsika raha mamono ny rahalahintsika sy manafina ny rany isika?

Genesisy 37:32

Dia nampanateriny tany amin-drainy ny akanjo lava, nasainy nolazaina taminy hoe: «Ity no hitanay, ka jereo na ny akanjon’ny zanakao ity na tsia.»

Genesisy 37:33

Fantatr’i Jakôba fa izy io, ka hoy izy: «Ny akanjon-janako tokoa. Lanin’ny biby masiaka izy! Voaviravira tokoa i Josefa.»

Genesisy 45:3

Hoy i Josefa tamin’ny rahalahiny: «Izaho no Josefa. Mbola velona ihany va ikaky?» Fa tsy nahateny tsy nahavolana ireto rahalahiny, fa very saina loatra teo anatrehany.

1Mpanjaka 13:24

Rehefa lasa ilay olon’Andriamanitra dia nifanehatra tamin’ity liona anankiray, izay namono nahafaty azy. Raha mbola niampatra teo an-dalana teo ny fatiny, dia nijanona teo anilany ilay ampondra, ary nipetraka teo akaikin’ny faty koa ilay liona.

2Mpanjaka 2:24

dia niherika nijery an’ireo izy, ka nanozona azy tamin’ny Anaran’i Iaveh. Ary nisy orsa roa nivoaka avy tao anaty ala, ka namiravira ny 42 tamin’ireo ankizy ireo.

Salamo 64:5

handefasany azy an-katakonana hitifitra ny tsy manan-tsiny; alefany hamelezany azy tampoka, tsy manan-tahotra akory.

Ohabolana 1:10

Anaka, raha misy mpanota mitady hanambosy anao, aza mety mankasitraka ianao.

Ohabolana 1:16

fa mihazakazaka ho amin’ny ratsy ny tongony; ary midodododo handatsa-dra izy ireo.

Ohabolana 10:18

Fandainga ny molotr’izay manafina ny fankahalana, ary adala izay mitati-bolana.

Ohabolana 27:4

Masiaka ny havinirana, miafonafona ny hatezerana, fa zovy no hahatoetra raha asian’ny fialonana?

Ohabolana 28:13

Izay manafina ny fahotany tsy mba hambinina; fa izay mitsotra sy mahafoy izany dia hahazo famindram-po.

Ohabolana 6:17

ny maso miavonavona, ny lela mandainga, ny tanana mandatsa-dra tsy manan-tsiny,

Isaia 28:15

Ianareo manao hoe: «Efa nanao fanekena tamin’ny fahafatesana izahay; efa nanao fifanarahana tamin’ny Seoly izahay, ka dia handalo ho lasa ny loza manafotra fa tsy hahatratra anay, fa efa nanao ny lainga ho fialofana izahay, ary ny fitaka ho fierena.»

Jaona 3:12

Raha tsy mino Ahy ianareo amin’ny filazàko ny zavatra etỳ an-tany, hataonareo ahoana no fino ny filazàko ny any an-danitra?

Titosy 3:3

Fa isika koa fahiny mba efa adala, tsy nanaiky, naniasia, andevon’ny faniriana amam-pilàn-dratsin’ny nofo rehetra, mpisompatra sy mpialona ka sady tandrifiny hankahalaina no nifankahala koa.

1Samoela 24:20

Raha misy olona mifanena amin’ny fahavalony, moa avelany hanohy ny diany soa aman-tsara izy va? Hovalian’i Iaveh soa anie ianao, noho izay nataonao tamiko androany izay.

1Samoela 26:2

Dia nitsangana i Saola, ka nidina nankany an’efitr’i Zifa, mbamin’ny telo arivo lahy, voafantina tamin’i Israely, hitady an’i Davida, any an’efitr’i Zifa.