Genesisy 35:1 - Baiboly Katolika

¹ Ary hoy Andriamanitra tamin’i Jakôba: «Andeha ianao miakatra an’i Betela ka monena any, manangàna ôtely any, ho an’ilay Andriamanitra niseho taminao, fony ianao nandositra teo anoloan’i Esao, rahalahinao.»

Baiboly Protestanta Malagasy 2011

¹ Ary hoy Andriamanitra tamin’i Jakoba: Miaingà, miakara any Betela ianao ka monena any; manorena alitara any ho an’Andriamanitra izay niseho taminao, fony ianao nandositra an’i Esao rahalahinao.

DIEM PROTESTANTA

¹ Indray andro dia hoy Andriamanitra tamin’i Jakôba: –Miaingà, miakara any Betela ka mitoera any; ary manaova alitara eo ho an’ilay Andriamanitra Izay niseho taminao fony ianao nandositra an’i Hesao rahalahinao.

Dikateny Iombonana Eto Madagasikara

¹ Indray andro dia hoy Andriamanitra tamin’i Jakôba: –Miaingà, miakara any Betela ka mitoera any; ary manaova alitara eo ho an’ilay Andriamanitra Izay niseho taminao fony ianao nandositra an’i Hesao rahalahinao.

Baiboly Protestanta Malagasy

¹ ARY hoy Andriamanitra tamin’i Jakoba: Miaingà, miakara any Betela hianao ka monena any; ary manorena alitara any ho an’Andriamanitra Izay niseho taminao, fony hianao nandositra ny tavan’i Esao rahalahinao.

Malagasy Bible

¹ Ary hoy Andriamanitra tamin'i Jakoba : Miaingà, miakara any Betela ianao ka monena any; ary manorena alitara any ho an'Andriamanitra Izay niseho taminao, fony ianao nandositra ny tavan'i Esao rahalahinao.

La Bible en Malgache

¹ Ary hoy Andriamanitra tamin’i Jakoba: Miaingà, miakara any Betela ianao ka monena any; manorena alitara any ho an’Andriamanitra izay niseho taminao, fony ianao nandositra an’i Esao rahalahinao.

Genesisy 35:1 Rohy Ifampitohizana

Genesisy 12:8

Nifindra avy eo izy ho any amin’ny tendrombohitra ao atsinanan’i Betela, dia niorin-day izy, ka i Betela teo andrefany ary i Hay teo atsinanany. Ary nanorina ôtely ho an’i Iaveh izy teo, ka niantso ny anaran’i Iaveh.

Genesisy 16:8

Hoy izy: «Ry Agara, mpanompovavin’i Saray, avy aiza ianao ary ho aiza?» Hoy ny navaliny: «Mandositra lavitra an’i Saray tompovaviko aho.»

Genesisy 22:14

Ary nataon’i Abrahama hoe Iaveh-Iereh ny anaran’io fitoerana io. Ary avy amin’izany ilay fitenenan’ny olona mandraka androany hoe: Ho hita ihany izany any an-tendrombohitr’i Iaveh.

Genesisy 29:1

Dia nanohy ny diany i Jakôba, ary nandeha ho any amin’ny tanin’ny zanaky ny Tatsinanana.

Genesisy 31:13

Izaho no Andriamanitr’i Betela izay nanosoranao tsangam-bato sy nanaovanao voady. Ary ankehitriny, miaingà ianao, mialà amin’ity tany ity, ka modia any amin’ny tany nahaterahanao.› »

Genesisy 31:3

Ary i Iaveh nilaza tamin’i Jakôba hoe: «Modia any amin’ny tanin’ny razanao sy any amin’ny havanao, fa homba anao Aho.»

Genesisy 34:31

Ary hoy izy ireo: «Moa ho azo atao toy ny vehivavy janga foana va ny anabavinay?»

Genesisy 35:15

Nataony hoe: «Betela» ny anaran’ny tany niresahan’Andriamanitra taminy.

Genesisy 35:7

Dia nanorina ôtely teo izy, ka nataony hoe El-Betela ny anaran’io tany io, satria teo no nisehoan’Andriamanitra taminy, fony izy nandositra teo anoloan’ny rahalahiny.

Salamo 46:1

Ho an’ny mpampianatra hira. Nataon’ny taranak’i Kôre. Amin’ny feon’ny virjiny . - Hira.

Salamo 47:4

Vahoaka no ampanekeny antsika; firenena no ataony ambanin’ny tongotsika.

Salamo 91:15

Hiantso Ahy izy, ary hamaly azy Aho; homba azy amin’ny andron’ny fahoriana Aho. Hanafaka sy hanome voninahitra azy Aho.

Eksodosy 2:15

Nony ren’i Faraôna ny zavatra nitranga dia notadiaviny hovonoina i Môizy, saingy nandositra ny tanan’i Faraôna izy, ka nankany amin’ny tany Madiàna, dia nipetraka teo anilan’ny lavaka fantsakana.

Hosea 12:4

Mbola tao am-bohoka i Jakôba nanongona ny rahalahiny, ary tamin’ny fahavitrìhany dia nitolona tamin’Andriamanitra.

Deoteronomia 32:36

Fa homen’i Iaveh rariny ny vahoakany, ary nony mpanompony dia hanenina izy, rehefa hitany fa lany hery ireo, ka tsy misy sisa intsony na ny andevo na ny olona afaka.

1Samoela 10:3

Avy eo ianao, dia hanohy ny dianao, ary ho tonga eo amin’ny aokan’i Tabôra, ka hotsenain’olona telo lahy miakatra ho any amin’Andriamanitra any Betela: ny iray mitondra zanak’osy telo, ny iray mitondra mofo telo, ny iray mitondra divay iray siny hoditra;