Genesisy 31:7 - Baiboly Katolika

⁷ sy ny namitahan-drainareo ahy, fa efa navadiny impolo izao ny karamako; nefa tsy navelan’Andriamanitra hahafaty antoka ahy izy.

Baiboly Protestanta Malagasy 2011

⁷ kanefa ny rainareo no namitaka ahy ka nanova ny karamako impolo; tsy navelan’Andriamanitra hahatonga loza tamiko anefa izy.

DIEM PROTESTANTA

⁷ kanefa namitaka ahy izy fa efa nanova ny karamako impolo. Saingy tsy navelan’Andriamanitra hanisy ratsy ahy izy.

Dikateny Iombonana Eto Madagasikara

⁷ kanefa namitaka ahy izy fa efa nanova ny karamako impolo. Saingy tsy navelan’Andriamanitra hanisy ratsy ahy izy.

Baiboly Protestanta Malagasy

⁷ Fa ny rainareo efa namitaka ahy ka efa nanova ny karamako impolo; nefa tsy navelan’Andriamanitra hahatonga loza tamiko izy.

Malagasy Bible

⁷ Fa ny rainareo efa namitaka ahy ka efa nanova ny karamako im-polo; nefa tsy navelan'Andriamanitra hahatonga loza tamiko izy.

La Bible en Malgache

⁷ kanefa ny rainareo no namitaka ahy ka nanova ny karamako impolo; tsy navelan’Andriamanitra hahatonga loza tamiko anefa izy.

Genesisy 31:7 Rohy Ifampitohizana

Genesisy 15:1

Taorian’izany, tonga tamin’i Abrama tamin’ny fahitana ny tenin’i Iaveh nanao hoe: «Aza matahotra, ry Abrama, fa Izaho no ampinganao ary ho lehibe indrindra ny valisoanao.»

Genesisy 20:6

Dia hoy Andriamanitra taminy tamin’ny nofy: «Izaho koa mahalala fa fo mahitsy no nanaovanao izany; izay no niarovako anao tsy hanota amiko. Ka tsy navelako hikasika azy ianao.

Genesisy 29:25

Nony tonga ny maraina, indro fa i Lià io, ka hoy i Jakôba tamin’i Labàna: «Inona ity nataonao tamiko? Moa tsy ny hahazoako dRasela va no nanompoako teto aminao? Nahoana no dia nofitahinao aho?»

Genesisy 30:28

Lazao amiko izay ho karamanao fa homeko tokoa.»

Genesisy 31:24

Fa Andriamanitra kosa tonga tamin’i Labàna Arameanina, tamin’ny nofy nony alina, ka nanao taminy hoe: «Tandremo, fa aza manisy teny soa na ratsy amin’i Jakôba.»

Genesisy 31:29

Manan-kery hanisy ratsy anareo ny tanako, saingy niteny tamiko ny Andriamanitry ny rainareo halina, nanao hoe: ‹Tandremo, fa aza manisy teny soa na ratsy amin’i Jakôba.›

Genesisy 31:41

Roapolo taona izao no nitoerako tao an-tranonao: ny efatra ambin’ny folo taona, nanompoako anao, hahazoako azy mirahavavy zanakao; ny enin-taona kosa, hahazoako tamin’ny biby fiompinao; ary ny karamako efa navadikao impolo.

Nehemia 4:12

Ny sasany, dia izay nandrafitra, samy nanana ny sabany voafehy tamin’ny valahany avy, teo am-pandrafetana; ny mpitsoka trômpetra tsy niala teo akaikiko.

Joba 1:10

Tsy efa vitanao fefy manodidina va ny tenany, ny ankohonany mbamin’ny ananany rehetra? Fa nambininao ny asan’ny tanany, ka manenika ny tany ny biby fiompiny.

Joba 19:3

Efa impolo izay no manala baraka ahy ianareo, sy manevateva ahy tsy amin-kenatra akory.

Joba 19:8

Ny lalako nofefeny, ka tsy afaka handeha aho; ny sakeli-dalana halehako namelarany haizina.

Salamo 37:28

Fa tian’i Iaveh ny rariny, ary tsy foiny ny olo-miraiki-po aminy. Eo ambany fiambenany mandrakariva ireny, fa ny taranaky ny ratsy fanahy kosa hofongorana.

Isaia 4:1

Amin’izany andro izany, hisy vehivavy fito hihazona lehilahy iray, hanao hoe: «Ny mofonay no hohaninay, ary ny fitafianay no hitafianay, fa aoka mba hitondra ny anaranao izahay, ka halànao tondromaso.»

Isaia 54:17

Ny fiadiana rehetra notefena hamelezana anao, tsy hisy asany, ary ny lela rehetra hisondrotra hifanohitra aminao, horesenao lahatra. - Izany no lovan’ny zanak’i Iaveh; izany no fahamarinana ho azony avy amiko. - Teny marin’i Iaveh. -

Levitikosy 26:26

rehefa hotapahiko ny mofo tohan’ainareo, ka lafaoro fanendasana iray no hanendasan’ny vehivavy folo ny mofonareo, ary an-danjany no hizarany ny mofonareo, dia hihinana ianareo fa tsy ho voky.

Zakaria 8:23

Izao no lazain’i Iavehn’ny tafika: «Amin’izany andro izany, hisy folo lahy avy amin’ny fitenim-pirenena rehetra, ka hihazona, eny hihazona ny sisin-damban’ny Jody anankiray, ka hanao hoe: Mba handeha hiaraka aminareo koa izahay, fa efa renay fa momba anareo Andriamanitra!»

Nomery 14:22

Ka ireo olona rehetra nahita ny voninahitro amam-pahagagana nataoko tany Ejipta sy tany an’efitra, ireo izay efa naka fanahy Ahy impolo sahady, sady tsy nihaino ny feoko,