Fitomaniana 5:5 - Baiboly Katolika

⁵ Ny mpanenjika anay mandodona anay avy ao aoriana; ka reraka, tsy mahita hiainana izahay.

Baiboly Protestanta Malagasy 2011

⁵ Noraisin’ireo nanenjika anay tamin’ny hatokay izahay; reraka izahay nefa tsy manam-pitsaharana.

DIEM PROTESTANTA

⁵ Avy eo an-damosina ny mpanenjika anay ka trotraka izahay fa tsy manam-pitsaharana.

Dikateny Iombonana Eto Madagasikara

⁵ Avy eo an-damosina ny mpanenjika anay ka trotraka izahay fa tsy manam-pitsaharana.

Baiboly Protestanta Malagasy

⁵ Rambondrambonan’ny mpanenjika amin’ny hatokay izahay; Reraka izahay, fa tsy manam-pitsaharana.

Malagasy Bible

⁵ Rambondrambonan'ny mpanenjika amin'ny hatokay izahay; Reraka izahay fa tsy manam-pitsaharana.

La Bible en Malgache

⁵ Noraisin’ireo nanenjika anay tamin’ny hatokay izahay; reraka izahay nefa tsy manam-pitsaharana.

Fitomaniana 5:5 Rohy Ifampitohizana

Jeremia 27:2

Izao no nolazain’i Iaveh tamiko: Manaova fatorana sy jioga ianao, ka ataovy eo ambony vozonao.

Jeremia 27:8

Izay firenena ama-mpanjaka tsy mety manaiky azy, dia i Nabokodonozora, mpanjakan’i Babilôna, sy tsy hanao ny vozony ho eo ambanin’ny jiogan’ny mpanjakan’i Babilôna, io firenena io dia hovangiako amin’ny sabatra, amin’ny mosary, amin’ny pesta, - teny marin’i Iaveh, - mandra-pandringako azy amin’ny tanany.

Jeremia 28:14

Satria izao no lazain’i Iavehn’ny tafika, Andriamanitr’i Israely: Asio jioga vy ny vozon’ireo firenena rehetra ireo, mba hanekeny an’i Nabokodonozora, ka dia hanaiky azy izy ireo efa nomeko azy mbamin’ny biby any an-tsaha.»

Jeremia 51:58

Izao no lazain’i Iavehn’ny tafika: Efa voafongotra mihitsy ny mandan’i Babela malalaka be; ary voadotra ny vavahadiny avo be. Ka dia zava-poana izany no isasaran’ny vahoaka, ho an’ny afo no hisasaran’ny firenena, ka lany hery foana amin’izany izy.

Fitomaniana 1:14

Ny jiogan’ny fahotako dia voafehy, tao an-tanany; voatambatra ho fehezany ireny, ka mitambesatra amin’ny vozoko, nataony mihozohozo ny heriko. Natolotry ny Tompo eo an-tanan’izay tsy leoko aho.

Fitomaniana 1:3

I Jodà dia lasan-ko babo, fadiranovana, voaheloka hiasa mafy; mitoetra any amin’ny firenena, tsy mahita fitsaharana; tratr’ireo mpanenjika azy, teo an-kadilànana tery.

Fitomaniana 4:19

Izay nanenjika antsika dia faingam-pandeha, noho ny voromahery eny an-danitra. Notanahiny teny an-tendrombohitra isika; nanaovany otrika tany an’efitra.

Mika 2:3

Ka izao no lazain’i Iaveh: Indro fa misy loza saintsainiko hamelezana ity taranaka ity, ka tsy ho azonareo anafahana ny vozonareo: ka tsy handeha miandranandrana intsony ianareo, fa ho andro ratsy izany.

Matio 11:29

Ento ny jiogako, ary mianara amiko, fa malemy fanahy sy manetry tena ao am-po Aho, dia hahita fiadanana ho an’ny fanahinareo ianareo;

Asan’ny Apostoly 15:10

Koa nahoana àry no maka fanahy an’Andriamanitra ianareo izao, ka manisy jioga amin’ny vozon’ny mpianatra, nefa samy tsy nahazaka izany na isika na ny razantsika?

Deoteronomia 28:48

dia amin’ny hanoanana sy hetaheta, ary amin’ny fitanjahana sy tsy fananana na inona na inona kosa no hanompoanao ny fahavalonao, izay halefan’i Iaveh hamely anao; hanisy jioga vy ny vozonao mandra-pandringany anao Izy.