Eksodosy 8:8 - Baiboly Katolika

⁸ Nivoaka avy ao amin’i Faraôna i Môizy sy Aarôna; ary i Môizy nitaraina tamin’i Iaveh ny amin’ny sahona namely an’i Faraôna.

Baiboly Protestanta Malagasy 2011

⁸ Dia niala teo amin’i Farao i Mosesy sy i Arona. Ary nitaraina mafy tamin’NY TOMPO i Mosesy ny amin’ny sahona izay efa namelezany an’i Farao.

DIEM PROTESTANTA

⁸ Dia niala teo anatrehan’ny Farao i Mosesy sy i Aharôna. Ary nitaraina tamin’ny TOMPO i Mosesy momba ireo sahona izay efa namelezany ny Farao;

Dikateny Iombonana Eto Madagasikara

⁸ Dia niala teo anatrehan’ny Farao i Mosesy sy i Aharôna. Ary nitaraina tamin’ny TOMPO i Mosesy momba ireo sahona izay efa namelezany ny Farao;

Baiboly Protestanta Malagasy

⁸ Ary Mosesy sy Arona niala teo amin’i Farao; ary Mosesy nitaraina tamin’i Jehovah ny amin’ny sahona izay efa nataony tamin’i Farao.

Malagasy Bible

⁸ Ary Mosesy sy Arona niala teo amin'i Farao; ary Mosesy nitaraina tamin'i Jehovah ny amin'ny sahona izay efa nataony tamin'i Farao.

La Bible en Malgache

⁸ Dia niala teo amin’i Farao i Mosesy sy i Arona. Ary nitaraina mafy tamin’NY TOMPO i Mosesy ny amin’ny sahona izay efa namelezany an’i Farao.

Eksodosy 8:8 Rohy Ifampitohizana

1Mpanjaka 13:6

Niteny ny mpanjaka ka nilaza tamin’ity olon’Andriamanitra hoe: «Mampionòna an’i Iaveh Andriamanitrao, ka mivavaha ho ahy mba hivonkonan’ny tanako hankatỳ amiko indray.» Nampionona an’i Iaveh ity olon’Andriamanitra ka azon’ny mpanjaka navonkina hankany aminy ny tanany izay tonga toy ny taloha ihany indray.

Salamo 66:3

Lazao amin’Andriamanitra hoe: «Endrey, mahatahotra ny asanao! Mikoy Anao ny fahavalonao, noho ny fahefanao tsitoha.

Eksodosy 10:16

Koa nampanalain’i Faraôna faingana i Môizy sy i Aarôna nilazany hoe: «Efa nanota tamin’i Iaveh Andriamanitrareo sy taminareo aho.

Eksodosy 10:17

Nefa mbola avelao re ny fahotako, fa ity indray mandeha ity ihany. Mangataha amin’i Iaveh Andriamanitrareo mba hanafahany ahy ahay, amin’ity loza mahafaty ity.»

Eksodosy 10:18

Niala avy ao amin’i Faraôna i Môizy, dia nangataka tamin’i Iaveh,

Eksodosy 14:5

Nilazana ny mpanjakan’i Ejipta fa hoe: «Lasa nandositra ny vahoaka.» Tamin’izay dia voaova ny fon’i Faraôna sy ny mpanompony, ny amin’ny vahoaka, fa hoy izy ireo: «Naninona ity isika no nandefa an’i Israely handeha, ka namoy ny fanompoany antsika?»

Eksodosy 32:11

Nifona tamin’i Iaveh Andriamaniny anefa i Môizy ka nanao hoe: «Nahoana ny fahatezeranao, Iaveh ô, no dia hirehitra amin’ny vahoakanao, izay navoakanao avy amin’ny tany Ejipta, tamim-pahefana lehibe aman-tanana mahery?

Eksodosy 5:2

Fa hoy ny navalin’i Faraôna: «Iza moa i Iaveh no hoekeko teny, ka handefasako an’i Israely handeha? Izaho tsy mahalala izay Iaveh, ka tsy avelako handeha i Israely.»

Eksodosy 8:15

Ka hoy ny mpanao ody tamin’i Faraôna: Rantsan-tanan’Andriamanitra izany. Ary nihamafy anefa ny fon’i Faraôna ka tsy nihaino azy ireo Izy, araka ny efa voalazan’i Iaveh.

Eksodosy 8:9

Ka notanterahin’i Iaveh ny hatak’i Môizy, fa maty avokoa ny sahona tany an-trano, sy teny an-tokotany, ary tany an-tsaha.

Eksodosy 9:27

Nampiantso an’i Môizy sy i Aarôna i Faraôna ka nanao taminy hoe: «Nanota aho tamin’ity indray maka ity; i Iaveh no marina, fa izaho sy ny vahoakako no meloka.

Eksodosy 9:28

Mangataha re amin’i Iaveh mba hitsahatra ny kotrok’orana sy ny havandra, fa havelako handeha ianareo; tsy hisy hitana anareo intsony tokoa.»

Eksodosy 9:33

Niala avy ao amin’i Faraôna ary nivoaka ny tanàna i Môizy, dia nanandratra ny tanany tany amin’i Iaveh, ka ny kotrok’orana sy ny havandra nitsahatra, ary ny ranonorana nijanona tsy nilatsaka tamin’ny tany intsony.

Nomery 21:7

Nankeo amin’i Môizy ny vahoaka ka nanao hoe: «Efa nanota izahay fa niteny nanome tsiny an’i Iaveh sy ianao. Mivavaha amin’i Iaveh mba hoesoriny lavitra anay ireo bibilava ireo.» Dia nivavaka ho an’ny vahoaka i Môizy,

Asan’ny Apostoly 8:24

Dia namaly i Simôna ka nanao hoe: «Mivavaha ho ahy amin’ny Tompo ianareo, mba tsy hanjò ahy izay voalazanareo.»

1Samoela 12:19

Hoy ny vahoaka rehetra tamin’i Samoela: «Mivavaha amin’i Iaveh Andriamanitrao ho an’ny mpanomponao, mba tsy ho faty izahay, fa nanampy ny fahotanay rehetra ny hadisoanay nangataka mpanjaka ho anay!»