Eksodosy 12:29 - Baiboly Katolika

²⁹ «Nony nisasaka ny alina dia novonoin’i Iaveh avokoa ny lahimatoa tany amin’ny tany Ejipta, hatramin’ny lahimatoan’i Faraôna mipetraka eo ambonin’ny seza fiandrianany, ka hatramin’ny lahimatoan’ny babo izay tao amin’ny tranomaizina, ary ny lahy voalohan-teraky ny biby rehetra.

Baiboly Protestanta Malagasy 2011

²⁹ Nony misasakalina dia namono ny lahimatoa rehetra tany amin’ny tany Ejipta NY TOMPO, hatramin’ny lahimatoan’i Farao izay nipetraka teo ambonin’ny sezafiandrianany ka hatramin’ny lahimatoan’ny babo izay tao amin’ny tranomaizina, mbamin’izay voalohan-teraky ny biby fiompy rehetra.

DIEM PROTESTANTA

²⁹ Nony tamin’ny misasakalina dia namono ny lahimatoa rehetra tao amin’ny tany Ejipta ny TOMPO, nanomboka amin’ny lahimatoan’ny Farao izay nipetraka eo amin’ny sezafiandrianany ka hatramin’ny lahimatoan’ny babo tao an-tranomaizina mbamin’ny voalohan-teraky ny biby fiompy rehetra.

Dikateny Iombonana Eto Madagasikara

²⁹ Nony tamin’ny misasakalina dia namono ny lahimatoa rehetra tao amin’ny tany Ejipta ny TOMPO, nanomboka amin’ny lahimatoan’ny Farao izay nipetraka eo amin’ny sezafiandrianany ka hatramin’ny lahimatoan’ny babo tao an-tranomaizina mbamin’ny voalohan-teraky ny biby fiompy rehetra.

Baiboly Protestanta Malagasy

²⁹ Ary nony namatonalina Jehovah namono ny lahimatoa rehetra tany amin’ny tany Egypta, hatramin’ny lahimatoan’i Farao izay nipetraka teo ambonin’ny seza fiandrianany ka hatramin’ny lahimatoan’ny babo izay tao amin’ny trano-maizina, mbamin’izay voalohan-teraky ny biby fiompy rehetra.

Malagasy Bible

²⁹ Ary nony namatonalina Jehovah namono ny lahimatoa rehetra tany amin'ny tany Egypta, hatramin'ny lahimatoan'i Farao izay nipetraka teo ambonin'ny seza fiandrianany ka hatramin'ny lahimatoan'ny babo izay tao amin'ny trano-maizina, mbamin'izay voalohan-teraky ny biby fiompy rehetra.

La Bible en Malgache

²⁹ Nony misasakalina dia namono ny lahimatoa rehetra tany amin’ny tany Ejipta NY TOMPO, hatramin’ny lahimatoan’i Farao izay nipetraka teo ambonin’ny sezafiandrianany ka hatramin’ny lahimatoan’ny babo izay tao amin’ny tranomaizina, mbamin’izay voalohan-teraky ny biby fiompy rehetra.

Eksodosy 12:29 Rohy Ifampitohizana

Genesisy 15:14

Fa hotsaraiko ny firenena izay hanandevo azy, ka rehefa afaka izy ireo dia hivoaka avy any mitondra harem-be.

Joba 34:20

Amin’ny indray mipỳ maso monja dia maty ireny amin’ny mamatonalina; mangozohozo eo ny firenena, dia tsy eo intsony; lasa tsy natosi-tanan’olona ny mahery.

Salamo 105:36

Namono ny lahy matoa rehetra teo amin’ny taniny Izy, dia ny voalohan’ainy rehetra.

Salamo 135:8

Namono ny voalohan-terak’i Ejipta Izy fahiny, hatramin’ny olona ka hatramin’ny biby.

Salamo 136:10

Izay namely ny Ejiptianina tamin’ny voalohan-terany, fa mandrakizay ny famindram-pony.

Salamo 78:50

Nanampatra ny fahatezerany rehetra Izy, ka tsy namonjy ny fanahin’izy ireo tamin’ny fahafatesana, nanolotra ny ain’izy ireo tamin’ny fandringanana.

Salamo 78:51

Namely ny lahimatoa rehetra tany Ejipta Izy, dia ny santatry ny fahatanjahana tao an-dain’i Kama.

Eksodosy 11:1

Ary hoy i Iaveh tamin’i Môizy: «Loza iray sisa hamelezako an’i Faraôna sy i Ejipta, fa rehefa afaka izany, dia halefany hiala atỳ ianareo; ary rehefa handefa anareo tokoa izy, dia horoahiny aza ianareo hiala atỳ.

Eksodosy 12:12

Handalo mamaky ny tany Ejipta Aho amin’io alina io, ka ny lahy matoa rehetra amin’ny tany Ejipta hovonoiko, hatramin’ny olona ka hatramin’ny biby, ary misy fitsarana hoefaiko momba ny andriamanitr’i Ejipta rehetra: fa Izaho no Iaveh.

Eksodosy 12:28

Ary lasa nandeha ny zanak’i Israely ary nanantanteraka izay nandidian’i Iaveh an’i Môizy sy i Aarôna; izany no nataony.»

Eksodosy 13:15

Fa rehefa nikiry tsy nety nandefa anay i Faraôna dia novonoin’i Iaveh ny lahy matoa rehetra tamin’ny tany Ejipta, hatramin’ny lahy matoan’ny olona, ka hatramin’ny lahy voalohan-teraky ny biby. Izany no anolorako ny lahy voalohan-teraka rehetra ho sorona amin’i Iaveh sy hanavotako ny lahy matoa rehetra amin’ny zanako lahy.

Eksodosy 4:23

Ka izao no lazaiko aminao: Avelao handeha ny zanako, hanompo Ahy; fa raha mandà ianao ka tsy mamela azy handeha, hovonoiko ny zanakao, dia ny zanakao lahy matoa.»

Eksodosy 9:6

Dia nataon’i Iaveh tokoa izany, nony ampitso; ka ny bibin’ny Ejiptianina maty avokoa; fa ny bibin’ny zanak’i Israely tsy nisy maty, na dia iray aza.

Isaia 24:22

Dia hatambatra efa voababo eny amin’ny hantsana sy hohidiana ao an-tranomaizina izy ireo, ka afaka andro maro be, vao hovangiana indray izy.

Isaia 41:11

Ho menatra sy hangaihay foana, izay rehetra misafoaka hamely anao; hanahaka ny zava-poana sy ho levona, izay mifanditra aminao.

Isaia 51:14

Vetivety foana, dia ho voavaha izay mitanondrika; tsy ho faty ao an-davaka izy; ary tsy ho diso hanina.

Jeremia 38:13

Ka nosintonin’izy ireo tamin’ny tady izy, dia nampiakariny avy ao an-davaka. Ary i Jeremia nitoetra teo an-kianjan’ny fiambenana.

Jeremia 38:6

Dia noraisin’izy ireo i Jeremia, ka nampidininy tao an-davak’i Melkiasa zanak’andriana, ao an-kianjan’ny fiambenana; mahazaka no nampidinana an’i Jeremia tao an-davaka izay tsy nisy rano, fa fotaka ihany, ka nilentika tanaty fotaka i Jeremia.

Habakoka 3:5

Mandeha eo anoloany ny fandripahana; ary manaraka ny diany ny tazo mahamay.

Zakaria 9:11

Ho anao koa, noho ny ran’ny fanekena taminao, no efa hamoahako ny mpifatotrao, avy ao an-davaka tsy misy rano.

Nomery 3:13

satria Ahy ny lahy matoa rehetra. Tamin’ilay andro namelezako ny lahy matoa rehetra tany amin’ny tany Ejipta no nanokanako ho Ahy ny voalohan-teraka rehetra amin’i Israely, na olona na biby fiompy; ka dia Ahy ireo, fa Izaho no Iaveh.»

Nomery 33:4

Ary ny Ejiptianina nandevina izay novonoin’i Iaveh teo aminy, dia ny lahy matoany rehetra, ary nahatran’i Iaveh tamin’ny andriamaniny koa ny fitsarana.

Nomery 8:17

dia ny lahy matoan’ny zanak’i Israely rehetra, na amin’ny olona na amin’ny biby; tamin’ilay andro namelezako ny lahy voalohan-teraka rehetra tany amin’ny tany Ejipta, no nanokanako azy ho Ahy.

Hebreo 11:28

Ny finoana no nanaovany ny Paka sy ny famafazan-dra mba tsy ho tratr’ilay nandringana ny lahy matoa, ny zanak’i Israely.

Hebreo 12:23

ny fiangonan’ny zokinareo izay voasoratra any an-danitra, ny Mpitsara izay Andriamanitry ny olon-drehetra, ny fanahin’ny olo-marina efa amin’ny fanaperana,