Eksodosy 1:17 - Baiboly Katolika

¹⁷ Natahotra an’Andriamanitra anefa ireo mpampivelona, ka tsy narahiny ny tenin’ny mpanjakan’i Ejipta, fa navelany ho velona ihany ny zazalahy.

Baiboly Protestanta Malagasy 2011

¹⁷ Nefa natahotra an’Andriamanitra ireo mpampivelona dia tsy nanatanteraka izay nolazain’ny mpanjakan’i Ejipta taminy fa novelominy ihany ny zazalahy.

DIEM PROTESTANTA

¹⁷ Natahotra an’Andriamanitra anefa ireo mpampivelona ireo ka tsy nanao araka izay nodidian’ny mpanjakan’i Ejipta, fa namela ireo zazalahy ho velona.

Dikateny Iombonana Eto Madagasikara

¹⁷ Natahotra an’Andriamanitra anefa ireo mpampivelona ireo ka tsy nanao araka izay nodidian’ny mpanjakan’i Ejipta, fa namela ireo zazalahy ho velona.

Baiboly Protestanta Malagasy

¹⁷ Nefa natahotra an’Andriamanitra ny mpampivelona ka tsy nanao araka izay nolazain’ny mpanjakan’i Egypta taminy, fa novelominy ihany ny zazalahy.

Malagasy Bible

¹⁷ Nefa natahotra an'Andriamanitra ny mpampivelona ka tsy nanao araka izay nolazain'ny mpanjakan'i Egypta taminy, fa novelominy ihany ny zazalahy.

La Bible en Malgache

¹⁷ Nefa natahotra an’Andriamanitra ireo mpampivelona dia tsy nanatanteraka izay nolazain’ny mpanjakan’i Ejipta taminy fa novelominy ihany ny zazalahy.

Eksodosy 1:17 Rohy Ifampitohizana

Genesisy 20:11

Ary izao no navalin’i Abrahama: «Hoy aho anakampoko: Tsy misy tahotra an’Andriamanitra kely akory angamba amin’ity tany ity, ka hovonoin’ny olona aho, noho ny amin’ny vadiko.

Genesisy 42:18

Nony tamin’ny andro fahatelo, dia hoy i Josefa tamin’izy ireo: «Izao no ataovy, dia ho velona ianareo, fa matahotra an’Andriamanitra aho:

2Samoela 24:4

Fa nahery ny tenin’ny mpanjaka nanoha an’i Jôaba sy ny lehiben’ny tafika, ka dia nivoaka avy teo anatrehan’ny mpanjaka i Jôaba sy ny lehiben’ny tafika, hanisa ny vahoakan’i Israely.

Nehemia 5:15

Ny governora teo alohako, nahavaky tratra ny vahoaka ary nandray mofo aman-divay taminy, ivelan’ny volafotsy efapolo sikla, hatramin’ny mpanompony avy no nampahory ny vahoaka; fa izaho kosa dia tsy mba nanao toy izany, noho ny fahatahorako an’Andriamanitra.

Salamo 31:19

Aoka hanjary moana ny molotra mandainga, izay miteny amin’avonavona hanohitra ny marina amim-piavonavonana amam-paniratsirana.

Eksodosy 1:18

Dia nampiantsoin’ny mpanjakan’i Ejipta ny mpampivelona ka nataony hoe: «Nahoana ianareo no nanao toy izany ka navelanareo ho velona ny zazalahy?»

Eksodosy 1:21

Nambinin’Andriamanitra ny fianakavian’ny mpampivelona noho ny fahatahorany an’Andriamanitra.

Ohabolana 16:6

Ny hatsaram-po amam-pahamarinana no anonerana ny heloka; ary ny fahatahorana an’i Iaveh no analavirana ny ratsy.

Ohabolana 8:13

(Ny fankahalana ny ratsy no fahatahorana an’i Iaveh); ny rehareha aman’avonavona, ny lalan’ny haratsiana, ary ny lela fandainga, dia izany no halako.

Mpitoriteny 12:13

Famaranana ny lahateny, rehefa heno avokoa izy rehetra: Matahora an’Andriamanitra ary mitandrema ny didiny, fa izany tokana no izy amin’ny olombelona;

Mpitoriteny 8:12

fa na hanao ratsy injato aza ny mpanota, ka ho lava andro iainana koa, fantatro fa ny fahasambarana kosa, dia an’izany matahotra an’Andriamanitra, dia izay tsindrian’ny fahatahorana eo anatrehany.

Hosea 5:11

ampahorîna sy torotoroin’ny fitsarana i Efraima satria ninia nanaraka ny sampy tsinontsinona izy.

Mika 6:16

Mitandrina ny fitsipik’i Amrì ny olona, mbamin’ny fanaon’ny taranak’i Akaba rehetra, ary mandeha araka ny toroheviny ianareo, mba hanolorako anareo amin’ny fandringanana, ary ny mponina amin’ny tany, ho amin’ny fisitrisìrana, ka hivesaranareo ny latsan’ny vahoakako.

Matio 10:28

ary aza matahotra izay mamono ny vatana fa tsy mahay mamono ny fanahy, fa aleo matahotra izay mahay mamarina ny vatana sy ny fanahy any amin’ny afobe.

Lioka 12:5

fa hany tokony hatahoranareo dia izao: matahora izay manam-pahefana hamarina any amin’ny afobe rehefa novonoiny ianareo; eny, hoy Izaho aminareo, matahora azy.

Asan’ny Apostoly 5:29

Fa namaly i Piera sy ny Apôstôly ka nanao hoe: «Aleo manaiky an’Andriamanitra toy izay ny olombelona.

1Samoela 22:17

Dia hoy ny mpanjaka tamin’ireo miaramila mpanotrona azy nitsangana teo akaikiny: «Mihodìna ka vonoy ny mpisoron’i Iaveh! fa momba an’i Davida ny tanan’ireo; nahalala azy ho mandositra ireo, nefa tsy nilaza izany tamiko akory». Tsy nety naninjitra ny tanany hamely ny mpisoron’i Iaveh anefa ny mpanompon’ny mpanjaka.