Amosa 9:11 - Baiboly Katolika

¹¹ Amin’izany andro izany ny tranobongon’i Davida efa nianjera, hatsangako indray, ny banga hotampenako, ny rava hamboariko; ka haoriko indray ho tahaka ny tamin’ny andro taloha;

Baiboly Protestanta Malagasy 2011

¹¹ Amin’izany andro izany dia hatsangako indray ny trano bongon’i Davida izay efa nianjera, hotampenako ny banga eo aminy; hatsangako indray izay rava aminy ka haoriko ho tahaka ny taloha indray izy

DIEM PROTESTANTA

¹¹ Hoy ny teny hentitry ny TOMPO hoe: «Ilay tanànan’i Davida izao dia toy ny tranobongo efa nianjera. Fa ho avy ny andro izay hananganako indray izany tanàna izany, ka hofefeko ireo banga amin’ny màndany hatsangako ny rava tao aminy, ary haoriko indray ny tanàna ho tahaka ny taloha.

Dikateny Iombonana Eto Madagasikara

¹¹ Hoy ny teny hentitry ny TOMPO hoe: «Ilay tanànan’i Davida izao dia toy ny tranobongo efa nianjera. Fa ho avy ny andro izay hananganako indray izany tanàna izany, ka hofefeko ireo banga amin’ny màndany hatsangako ny rava tao aminy, ary haoriko indray ny tanàna ho tahaka ny taloha.

Baiboly Protestanta Malagasy

¹¹ Amin’izany andro izany dia hatsangako indray ny trano-bongon’i Davida izay efa nianjera, Ary hotampenako ny efa banga ao; Ary hamboariko izay efa rava aminy, Ka hataoko tahaka ny taloha izy,

Malagasy Bible

¹¹ Amin'izany andro izany dia hatsangako indray ny trano-bongon'i Davida izay efa nianjera, ary hotampenako ny efa banga ao; Ary hamboariko izay efa rava aminy, ka hataoko tahaka ny taloha izy,

La Bible en Malgache

¹¹ Amin’izany andro izany dia hatsangako indray ny trano bongon’i Davida izay efa nianjera, hotampenako ny banga eo aminy; hatsangako indray izay rava aminy ka haoriko ho tahaka ny taloha indray izy

Amosa 9:11 Rohy Ifampitohizana

Joba 1:10

Tsy efa vitanao fefy manodidina va ny tenany, ny ankohonany mbamin’ny ananany rehetra? Fa nambininao ny asan’ny tanany, ka manenika ny tany ny biby fiompiny.

Salamo 143:5

Heveriko ny andro taloha, sainiko ny asanao rehetra, eretiko ny asan-tananao.

Salamo 80:12

nisandrahaka hatrany amin’ny Ranomasina ny rantsany, ary hatrany amin’ny Ony ny sakeliny.

Salamo 89:40

Nahatofoka Anao ny fanekena tamin’ny mpanomponao, natsipinao amin’ny tany ny satroboninahiny efa voatevateva.

Isaia 16:5

Tafaorina amin’ny famindram-po ny seza fiandrianana, ary ny hipetraka amin’izany seza fiandrianana izany, araka ny fahamarinana, eo an-dain’i Davida, dia ny mpitsara anankiray mikendry ny rariny, ary mazoto hampijoro ny fahamarinana.

Isaia 5:5

Koa ankehitriny haposako aminareo, izay hataoko amin’ny tanimboaloboko: hongotako ny fefiny, dia horaotina izy; hadorako ny tambohony, dia ho voahosihosy izy.

Isaia 58:12

Ny taranakao hanorina indray ny rava ela; ianao hanangana ny fanorenana nalatsaka fahagola; ny olona hiantso anao hoe: Mpanamboatra ny banga, mpamelon-dalana hahatonga ny tany ho azo onenana.

Isaia 63:11

Dia nahatsiaro ny andro fahiny, ny andron’i Môizy, ny vahoakany! Aiza Ilay nitondra niakatra avy tamin’ny ranomasina, ny mpiandry ny andian’ondriny? Aiza Ilay nametraka teo amin’izy ireo, ny Fanahiny Masina,

Isaia 65:9

Hamoaka taranaka avy amin’i Jakôba Aho, sy mpandova ny tendrombohitro, avy amin’i Jodà, ka ny voafidiko no hahazo azy, ary ny mpanompoko no honina eo.

Jeremia 18:9

Matetika Aho miteny amin’ny firenena iray, na amin’ny fanjakana iray, hoe: haorina sy hambolena.

Jeremia 30:9

fa ho mpanaiky an’i Iaveh Andriamaniny izy ireo, sy an’i Davida mpanjakany, izay hatsangako ho azy.

Jeremia 46:26

Ary hatolotra eo an-tanan’izay mitady ny ainy izy ireo, dia eo an-tanan’i Nabokodonozora, mpanjakan’i Babilôna, sy eo an-tanan’ny mpanompony. Fa any aorian’izany, vao honenana izy, toy ny tamin’ny andro taloha, - teny marin’i Iaveh.

Fitomaniana 5:21

Ampivereno aminao izahay, ry Iaveh, dia hiverina, havaozy ny andronay toy ny fahiny indray.

Ezekiela 17:24

Ary ho fantatry ny hazo rehetra any an-tsaha, fa Izaho Iaveh efa nanetry ny hazo avo, ary nanandratra ny hazo voaetry; nahamaina ny hazo maitso, ary nahamaitso ny hazo maina. Izaho Iaveh no niteny, ary Izaho no hanatanteraka.

Ezekiela 36:11

Hampitomboiko ny olona sy ny biby fiompy eo aminareo; ka ho maro sy hitombo ireny; hataoko honenan’olona toy ny taloha ianareo. Hanao soa aminareo, mihoatra noho ny tamin’ny niandohanareo Aho; ka ho fantatrareo fa Iaveh Aho.

Hosea 3:5

Rehefa afaka izany vao hibebaka ny zanak’i Israely, ka hitady an’i Iaveh Andriamaniny sy i Davida mpanjakany, indray; hiverina amim-pangovitana amin’i Iaveh sy amin’ny hatsaram-pony izy ireo, amin’ny faran’ny andro.»

Obadia 1:17

Ao an-tendrombohitr’i Siôna kosa hisy sisa nanamborana; ho fitoerana masina izy; ary hahazo ny fananany indray ny taranak’i Jakôba.

Mika 5:2

Koa noho izany, dia hanolotra an’ireny izy mandra-piavin’ny fotoana hiterahan’ilay tsy maintsy hiteraka; ary ny sisa amin’ireo rahalahiny dia hiverina amin’ny zanak’i Israely.

Mika 7:11

Ho avy ny andro hananganana ny mandanao indray; amin’izany andro izany hofoanana ny didy.

Mika 7:14

Andraso amin’ny tehinao ny vahoakanao dia ny ondry lovanao, izay monina mitokana any an’ala, eo afovoan’i Karmela; aoka hiraoka any Basàna sy any Galaada izy, toy ny tamin’ny andro taloha.

Mika 7:8

Aza mifaly noho ny amiko, ry ikala fahavaloko, fa na lavo aza aho, mbola hiarina; na mitoetra amin’ny maizina aza aho, i Iaveh no fahazavako.

Zakaria 12:7

Ny lain’i Jodà aloha no hovonjen’i Iaveh, mba tsy hisandratra ambonin’i Jodà, ny reharehan’ny taranak’i Davida, sy ny reharehan’ny mponina ao Jerosalema.

Zakaria 14:10

Hovana ho tany lemaka ny tany rehetra, hatrany Bagaà ka hatrany Remôna, eo atsimon’i Jerosalema. Ary hasandratra sy hipetraka amin’ny toerany i Jerosalema, dia hatreo amin’ny vavahadin’i Benjamina ka hatreo amin’ny fitoeran’ny vavahadin’ny Zoro, ary hatreo amin’ny tilikambo Hananeely ka hatrany amin’ny famiazam-boaloboky ny mpanjaka.

Zakaria 6:12

Lazao aminy hoe: Izao no lazain’i Iavehn’ny tafika: ‹Indro lehilahy anankiray atao hoe Solofo; hitsimoka eo amin’ny fitoerany izy, ka hanao ny tempolin’i Iaveh.

Nomery 24:18

I Edôma dia lasan-ko fananany: Fa i Israely manampatra ny herim-pony.