Amosa 5:1 - Baiboly Katolika

¹ Henoinareo izao teny izao, izay tononiko ny amin’ny momba anareo, - hira fitomaniana, - ry taranak’i Israely:

Baiboly Protestanta Malagasy 2011

¹ Henoinareo izao teny izao, dia hira fisaonana izay entiko milaza anareo, ry taranak’Israely!

DIEM PROTESTANTA

¹ Ry taranak’i Israely, henoinareo izao teniko izao, dia hira fisaonana ventesiko momba anareo:

Dikateny Iombonana Eto Madagasikara

¹ Ry taranak’i Israely, henoinareo izao teniko izao, dia hira fisaonana ventesiko momba anareo:

Baiboly Protestanta Malagasy

¹ HENOINAREO izao teny izao, izay entiko milaza anareo, Dia hira fahalahelovana, ry taranak’Isiraely;

Malagasy Bible

¹ Henoinareo izao teny izao, izay entiko milaza anareo, dia hira fahalahelovana, ry taranak'Isiraely;

La Bible en Malgache

¹ Henoinareo izao teny izao, dia hira fisaonana izay entiko milaza anareo, ry taranak’Israely!

Amosa 5:1 Rohy Ifampitohizana

Jeremia 18:13

Noho izany izao no lazain’i Iaveh: «Manontania ny firenena ianareo: Iza no mbola nahare izay zavatra toy izany? Fahavetavetana mahatsiravina no nataon’ny virjinin’Israely.

Jeremia 7:29

Harato ny volonao, dia ario; ka miventesa hira fisaonana eny amin’ny havoana, satria nakifik’i Iaveh sy nolaviny, ny taranaka mahatezitra azy.

Jeremia 9:10

Ary i Jerosalema hataoko korontam-bato, sy fieren’amboadia; ny tanànan’i Jodà koa hataoko lao, tsy misy mponina.

Jeremia 9:17

Aoka ho tonga faingana izy, aoka hiventy fidradradradràna amintsika; aoka hijoy ny ranomasontsika, sy hivarina ny ranomaso avy amin’ny hodimasontsika.

Jeremia 9:20

Fa tafanika tamin’ny varavarankelintsika ny fahafatesana, tafiditra ny lapantsika izy, handringana ny zaza eny an-dalambe, sy ny zatovo eny an-kianjam-bahoaka:

Jeremia 9:9

Ny tendrombohitra dia hanaovako fitarainana sy fitomaniana, ny tanim-bilona any an’efitra hanaovako hira fisaonana! Fa may ireny, ka ny olona tsy mandalo ao intsony; ny feom-biby fiompy tsy re ao intsony; ny voromanidina amam-biby fiompy nandositra tsy misy intsony.

Ezekiela 19:1

Ary ianao, manaova fitomaniana an’ireo mpanapaka an’i Israely, ka ataovy hoe:

Ezekiela 19:14

Nisy afo nivoaka avy amin’ny sampany anankiray, ka nandevona ny voany; tsy manan-tsampana mahery intsony izy, na tehina fanapahany. Fitomaniana izany, sady ho tonga fitomaniana.

Ezekiela 26:17

Hanao hira falahelovana anao izy, ka hanao aminao hoe: Endrey izao faharavanao izao, ianao ilay nitsangana avy amin’ny ranomasina, tanàna malaza, nahery teo amin’ny ranomasina, ianao mbamin’ny mponina teo aminao, nefa izy ireo izay nampahatahotra mafy teo iny ny mponina rehetra ao amin’ny ranomasina.

Ezekiela 27:2

Manaova hira fitomaniana an’i Tira ianao, ry zanak’olona,

Ezekiela 28:12

ka lazao aminy hoe: Izao no lazain’ny Tompo Iaveh: Ianao no tampon-dohan’ny fahalavorariana, feno fahendrena, tapitra ohatra amin’ny hatsaran-tarehy,

Ezekiela 32:16

Izany no hira fitomaniana, ka hotononin’ny olona io, hotononin’ny zanaka vavin’ny firenena; hotononiny momba an’i Ejipta sy ny vahoakany be rehetra; - teny marin’ny Tompo Iaveh. -

Ezekiela 32:2

Ry zanak’olona, manaova hira fitomaniana an’i Faraôna, mpanjanak’i Ejipta, ka lazao aminy hoe: Ry lion’ny firenena ô, levona ianao! Tahaka ny mamba teo anatin’ny ranomasina ianao, niezaka tany amin’ny oninao ianao, ary nanakobana ny ranony tamin’ny tongotrao, ary nandoto ny lakan-dranony.

Amosa 3:1

Henoy izao teny izao notononin’i Iaveh ny aminareo, ry zanak’i Israely, ny amin’ny fianakaviana rehetra nentiko niakatra avy any amin’ny tany Ejipta, - dia ireto hoe:

Amosa 4:1

Henoinareo izao teny izao, ry omby vavin’i Basàna, izay eny an-tendrombohitr’i Samaria, dia ianareo izay mampahory ny osa, sy manosihosy ny tsy manana, ianareo izay milaza amin’ny vadinareo hoe: Mitondrà hosotrointsika!

Amosa 5:16

Koa izao no lazain’i Iaveh, ny Andriamanitry ny tafika, ny Tompo: Hisy hidradradradra eny amin’ny kianja rehetra eny: hisy hanao hoe: Indrisy! Indrisy! eny an-dalambe rehetra eny; hisy hiantso ny mpiasa hisaona, sy higogogogo, miaraka amin’izay mahay midridridridry.

Amosa 8:14

Ry zareo, mianiana amin’ny fahotan’i Samaria, ka manao hoe: Amin’ny Andriamanitrareo, ry Dàna! Amin’ny lalan’i Bersabea! dia samy ho lavo tsy haharina intsony.

Mika 2:4

Amin’izany andro izany, dia hanononan’ny olona ohabolana ianareo sy hihirany hira fitomaniana, hataony hoe: «Tanteraka tokoa izao, dia fongana mihitsy isika; amidiny ho anjaran’ny vahoakako! Ahoana no angalany izany amiko? Zarainy ho an’ny mpiodina ny sahantsika?»