2Tantara 9:9 - Baiboly Katolika

⁹ Talenta volamena valopolo amby zato sy zava-manitra sesehena, ary vato soa no nomeny ny mpanjaka. Tsy nisy zava-manitra be sahala amin’izany nomen’ny mpanjakavavin’i Sabà an’i Salômôna izany intsony.

Baiboly Protestanta Malagasy 2011

⁹ Ary nanome talenta volamena roapolo amby zato sy zavamanitra sesehena ary vatosoa ho an’ny mpanjaka izy; tsy nisy nahatonga zavamanitra be intsony tahaka izay nomen’ny mpanjakavavin’i Sheba an’i Solomona mpanjaka ny tatỳ aoriana rehetra.

DIEM PROTESTANTA

⁹ Dia nomen’ilay mpanjakavavy volamena telo taonina sy sasany ary koa zava-manitra sesehena ary vatosoa ny mpanjaka; tsy nisy na oviana na oviana zava-manitra tahaka izay nomen’ny mpanjakavavin’i Sebà o an’i Salômôna.

Dikateny Iombonana Eto Madagasikara

⁹ Dia nomen’ilay mpanjakavavy volamena telo taonina sy sasany ary koa zava-manitra sesehena ary vatosoa ny mpanjaka; tsy nisy na oviana na oviana zava-manitra tahaka izay nomen’ny mpanjakavavin’i Sebà o an’i Salômôna.

Baiboly Protestanta Malagasy

⁹ Ary izy nanome talenta volamena roa-polo amby zato sy zava-manitra sesehena ary vato soa ho an’ny mpanjaka; tsy nisy intsony zava-manitra tahaka ilay nomen’ny mpanjakavavin’i Sheba an’i Solomona mpanjaka.

Malagasy Bible

⁹ Ary izy nanome talenta volamena roa-polo amby zato sy zava-manitra sesehena ary vato soa ho an'ny mpanjaka; tsy nisy intsony zava-manitra tahaka ilay nomen'ny mpanjakavavin'i Sheba an'i Solomona mpanjaka.

La Bible en Malgache

⁹ Ary nanome talenta* volamena roapolo amby zato sy zavamanitra sesehena ary vatosoa ho an’ny mpanjaka izy; tsy nisy nahatonga zavamanitra be intsony tahaka izay nomen’ny mpanjakavavin’i Sheba an’i Solomona mpanjaka ny tatỳ aoriana rehetra.

2Tantara 9:9 Rohy Ifampitohizana

Genesisy 43:11

Ka dia hoy i Israely rainy, tamin’izy ireo: «Ilaina àry izany, ka dia izao no ataovy: Angalao avokoa ny vokatra malaza amin’ny tany, ataovy ao anaty fitondran’entanareo dia ento hatao fanomezana ho an-dralehilahy: ditin-kazo manitra kely, tantely kely, astragala, ladanôma, voanjo, amandy.

1Mpanjaka 10:10

Dia notoloran-dravehivavy talenta volamena 120, zava-manitra be dia be ary vatosoa ny mpanjaka. Tsy nisy be noho ny nomen’ny mpanjaka vavin’i Sabà an’i Salômôna mpanjaka, intsony ny zava-manitra tonga.

1Mpanjaka 9:14

Efa nampanitatra talenta volamena 120 ho an’i Salômôna i Hirama.

2Tantara 9:1

Rehefa nandre ny lazan’i Salômôna ny mpanjakavavin’i Sabà, dia tonga tao Jerosalema izy, hizaha toetra an’i Salômôna amin’ny ankamantatra, narahin’ny kalesy maro be sy rameva nitondra zava-manitra, volamena be dia be, ary vato soa koa. Nandroso ho any amin’i Salômôna izy, dia nolazainy tamin’ny vahoaka izay rehetra tao am-pony.

2Tantara 9:10

Ireo mpanompon’i Hirama sy ireo mpanompon’i Salômôna nitondra volamena avy any Ofira, dia nitondra hazo santala amam-bato soa kosa.

2Tantara 9:24

ary samy nitondra ny fanatiny avy isan-taona izy, dia fanaka volafotsy, fanaka volamena, fitafiana, fiadiana, zava-manitra, soavaly ary mole.

2Tantara 9:8

Hisaorana anie i Iaveh Andriamanitrao, izay mankasitraka anao ka nametraka anao amin’ny seza fiandrianany, ho mpanjaka ho an’i Iaveh Andriamanitrao! Noho ny fitiavan’Andriamanitrao an’i Israely, ary mba hampaharitra azy mandrakizay no nananganany anao ho mpanjaka ao aminy, mba hanao ny hitsiny sy ny rariny.»

Salamo 72:10

Handoa hetra ny mpanjakan’i Tarsisa sy ny nosy; hanolotra fanatitra ny mpanjakan’i Sabà sy Merôe;

Salamo 72:15

Dia ho velona ireny, ka hanatitra volamena avy any Sabà ho Azy; hanao voady ho Azy mandrakariva, ary hisaotra Azy isan’andro.

Eksodosy 30:34

Hoy i Iaveh tamin’i Môizy: «Makà zava-manitra, ditin-kazo, ongila mani-pofona, galbanôma, zava-manitra sy emboka tsy mifaho zavatra hafa, izany rehetra izany ampitovio fatra.