2Tantara 6:23 - Baiboly Katolika

²³ dia mihainoa azy any an-danitra Ianao, manefà ary mitsarà ireo mpanomponao ireo, ka manameloha ny meloka manatsingerina amin’ny lohany izay nataony, ary hamarino ny tsy manan-tsiny, mamaly azy araka ny fahamarinany.

Baiboly Protestanta Malagasy 2011

²³ dia mihainoa any an-danitra Ianao ka miasà, ary tsarao ireo mpanomponao, mba hovalina ny ratsy fanahy ka hampitsingerenina ho amin’ny lohany ny nataony, fa hohamarinina kosa ny marina ka homena azy araka ny fahamarinany.

DIEM PROTESTANTA

²³ dia mba mihainoa any an-danitra Ianao, Tompo ô, ka midira an-tsehatra hitsara ireo mpanomponao ireo; dia sazio ny olo-meloka, ary atsingereno aminy ny ratsy nataony fa ambarao ho marina kosa ny olo-marina ka valio soa araka ny fahamarinany.

Dikateny Iombonana Eto Madagasikara

²³ dia mba mihainoa any an-danitra Ianao, Tompo ô, ka midira an-tsehatra hitsara ireo mpanomponao ireo; dia sazio ny olo-meloka, ary atsingereno aminy ny ratsy nataony fa ambarao ho marina kosa ny olo-marina ka valio soa araka ny fahamarinany.

Baiboly Protestanta Malagasy

²³ dia mihainoa any an-danitra Hianao, ka manaova, ary mitsarà ny mpanomponao, hamaly ny ratsy fanahy ka hampitsingerina ny nataony ho amin’ny lohany, ary hanamarina ny marina kosa ka hanome azy araka ny fahamarinany.

Malagasy Bible

²³ dia mihainoa any an-danitra Hianao, ka manaova, ary mitsarà ny mpanomponao, hamaly ny ratsy fanahy ka hampitsingerina ny nataony ho amin'ny lohany, ary hanamarina ny marina kosa ka hanome azy araka ny fahamarinany.

La Bible en Malgache

²³ dia mihainoa any an-danitra Ianao ka miasà, ary tsarao ireo mpanomponao, mba hovalina ny ratsy fanahy ka hampitsingerenina ho amin’ny lohany ny nataony, fa hohamarinina kosa ny marina ka homena azy araka ny fahamarinany.

2Tantara 6:23 Rohy Ifampitohizana

2Mpanjaka 9:26

Marina fa toy ny nahitako omaly ny ran’i Nabôta sy ny ran-janany, - teny marin’i Iaveh izao, dia hataoko todîn’izany ianao ato amin’ity saha ity ihany, - teny marin’i Iaveh izao; koa raiso io, atsipazo amin’ny saha araka ny tenin’i Iaveh.»

2Tantara 6:22

«Raha misy olona manota amin’ny namany, ka asaina hanao fianianana izy, koa tonga mianiana eo anoloan’ny ôtelinao, eto amin’ity trano ity,

Salamo 10:14

Nahita anefa Ianao, fa nijery ny fahoriana amam-pijaliana, mba hiandraiketanao ny momba azy, Ianao no iankinan’ny malahelo; mamonjy ny kamboty Ianao.

Ohabolana 1:31

dia hihinana ny vokatry ny lalany izy, sy hivoky ny saim-pantatry ny tenany.

Ohabolana 17:15

Na izay manamarina ny meloka na izay manameloka ny marina, dia samy fahavetavetana eo imason’i Iaveh.

Jeremia 51:56

Satria tonga namely azy ny mpandrava, - namely an’i Babela; - voasambotra ny mpiady maheriny; tapatapaka ny tsipìkany; fa Andriamanitry ny famaliana i Iaveh, dia hamaly marina tokoa izy!

Ezekiela 18:20

Ny fanahy izay manota dia io no ho faty; ny zanaka tsy hitondra ny heloky ny rainy; ary ny ray tsy hitondra ny heloky ny zanany; ny fahamarinan’ny marina ho aminy ihany; ary ny haratsian’ny ratsy dia ho aminy ihany.

Nomery 5:27

Rehefa hampisotroiny azy ny rano, dia izao ny hitranga: raha nanao fahalotoana, ka diso tamin’ny lahy tokoa izy, dia hiditra ao anatiny, mba ho mangidy aminy, ny rano mitondra ozona, hivonto ny kibony, ary hifezaka ny ilany, ka dia fanozona eo amin’ny fireneny izany vehivavy izany.

Romana 2:8

fa fahatezerana amam-pahavinirana kosa ho an’izay fatra-pikiry sy tsy manaiky ny marina, fa mpanaraka ny ratsy.

Deoteronomia 25:1

«Raha misy fifanjihiran’olona, ka efa niseho teo anatrehan’ny mpitsara izy ireo, ary efa notsaraina, ka ny marina nafahana, ary ny meloka nohelohina,