2Tantara 4:13 - Baiboly Katolika

¹³ ny voan’ampongabendanitra an-dalana roa isan-karato, hanaronana ny boribory roa amin’ny loha andry eo ambonin’ny andry.

Baiboly Protestanta Malagasy 2011

¹³ ary ny sarin’ampongabendanitra efajato ho amin’ny harato roa, sarin’ampongabendanitra roa andalana ho amin’ny harato iray hafono ny bolany roa momba ny tendrony izay teo an-tampon’ny andry avy;

DIEM PROTESTANTA

¹³ ny sarin’ampongabendanitra efajato nahantona tamin’ny harato roa, ka ampongabendanitra roa andalana isaky ny harato.

Dikateny Iombonana Eto Madagasikara

¹³ ny sarin’ampongabendanitra efajato nahantona tamin’ny harato roa, ka ampongabendanitra roa andalana isaky ny harato.

Baiboly Protestanta Malagasy

¹³ ary ny sarin’ampongabendanitra efa-jato ho amin’ny harato roa, sarin’ampongabendanitra roa andalana ho amin’ny harato iray hafono ny boribory roa momba ny kapitaly izay teo an-tampon’ny andry avy;

Malagasy Bible

¹³ ary ny sarin'ampongaben-danitra efa-jato ho amin'ny harato roa, sarin'ampongabendanitra roa andalana ho amin'ny harato iray hafono ny boribory roa momba ny kapitaly izay teo an-tampon'ny andry avy;

La Bible en Malgache

¹³ ary ny sarin’ampongabendanitra efajato ho amin’ny harato roa, sarin’ampongabendanitra roa andalana ho amin’ny harato iray hafono ny bolany roa momba ny tendrony izay teo an-tampon’ny andry avy;

2Tantara 4:13 Rohy Ifampitohizana

1Mpanjaka 7:20

Ny koronosy nataingina eo ambonin’ny andry roa dia voahodina voan’ampongabendanitra roan-jato, eny ambony, anilan’ny mivohitra an-koatra ny harato; voahodidina voan’ampongabendanitra roan-jato mitandahatra koa ny koronosy anankiray.

1Mpanjaka 7:21

Natsangany ny andry tamin’ny trano hevan’ny tempoly, ka natsangany ny andry teo ankavanana, ka nataony hoe Jakîna; dia natsangany ny andry teo ankavia, ka nataony hoe Bôaza.

1Mpanjaka 7:41

ny andry roa, ny koronosy aman-tsikalany boribory roa teny an-tampon’ny andry, ny harato roa manarona ny tsikalana boribory roa amin’ny koronosy eo an-tampon’ny andry,

1Mpanjaka 7:42

ny voan’ampongabendanitra efajato, tamin’ny harato roa, ampongabendanitra roa andalana isan-karato, nanarona ny tsikalany boribory roa tamin’ny koronosy teny an-tampon’ny andry.

2Tantara 3:16

Nanao tongalika, toy ny ao amin’ny loha andry; ary nanao voan’ampongabendanitra zato izy, nataony teo amin’ny tongàlika.

2Tantara 4:12

ny andry roa, ny boriboriny mbamin’ny loha andry, izay eo an-tampon’ny andry, ny harato roa manarona ny boriboriny roa amin’ny loha andry, teo an-tampon’ny andry,

Tononkiran’i Solomona 4:13

Ny tsirinao dia alan’ampongabendanitra, misy sipresy sy narda,

Jeremia 52:23

Ampongabendanitra 96, no tamin’ny lafiny, ary 100 no isan’ny ampongabendanitra rehetra tamin’ny harato, amin’ny manodidina rehetra.