2Tantara 32:14 - Baiboly Katolika

¹⁴ Moa nahavonjy tokoa ny taniny tamin’ny tanako va, ny andriamanitry ny firenena amin’ny tany? Iza amin’ny andriamanitr’ireo firenena naringan’ny razako no nahavonjy ny vahoaka tamin’ny tanako, no dia hahavonjy anareo amin’ny tanako ny Andriamanitrareo?

Baiboly Protestanta Malagasy 2011

¹⁴ Iza amin’ny andriamanitr’ireo firenena efa natolotra ho zavatra voaozon’ny razako ireo no nahavonjy ny olony tamin’ny tanako? Koa hahavonjy anareo amin’ny tanako va ny Andriamanitrareo?

DIEM PROTESTANTA

¹⁴ Ny andriamanitr’ireo firenena efa naringan’ny razako ireo dia tsy nisy nahavonjy ny olony tsy hiharan’ny fahefàko, ka dia hahavonjy anareo tsy hiharan’ny fahefàko va ny Andriamanitrareo?

Dikateny Iombonana Eto Madagasikara

¹⁴ Ny andriamanitr’ireo firenena efa naringan’ny razako ireo dia tsy nisy nahavonjy ny olony tsy hiharan’ny fahefàko, ka dia hahavonjy anareo tsy hiharan’ny fahefàko va ny Andriamanitrareo?

Baiboly Protestanta Malagasy

¹⁴ Iza amin’ny andriamanitr’ireo firenena efa naringan’ ny razako ireo no nahavonjy ny olony tamin’ny tànako, ka dia hahavonjy anareo amin’ny tànako va ny Andriamanitrareo?

Malagasy Bible

¹⁴ Iza amin'ny andriamanitr'ireo firenena efa naringan'ny razako ireo no nahavonjy ny olony tamin'ny tanako, ka dia hahavonjy anareo amin'ny tanako va ny Andriamanitrareo?

La Bible en Malgache

¹⁴ Iza amin’ny andriamanitr’ireo firenena efa natolotra ho zavatra voaozon’ny razako ireo no nahavonjy ny olony tamin’ny tanako? Koa hahavonjy anareo amin’ny tanako va ny Andriamanitrareo?

2Tantara 32:14 Rohy Ifampitohizana

2Tantara 32:17

Izy koa nanoratra taratasy nanalany baraka an’i Iaveh Andriamanitr’i Israely sy naniratsirany azy; izao no teniny: «Tahaka ny tsy nahavonjen’ireo andriamanitry ny firenena amin’ny tany ny vahoakany tamin’ny tanako, no tsy hahavonjen’ny Andriamanitr’i Ezekiasa ny vahoakany, amin’ny tanako koa.»

Eksodosy 14:3

Dia izao no ho filazan’i Faraôna ny zanak’i Israely: «Very lalana any ho any izy ireo ka tafahitsoka any an’efitra.»

Eksodosy 5:2

Fa hoy ny navalin’i Faraôna: «Iza moa i Iaveh no hoekeko teny, ka handefasako an’i Israely handeha? Izaho tsy mahalala izay Iaveh, ka tsy avelako handeha i Israely.»

Isaia 10:10

Toy ny nanakaran’ny tanako an’ireo fanjakan’ny andriamanitra tsy mahomby, izay mahery noho ny an’i Jerosalema sy i Samaria ny sampiny, toy ny efa nataoko tamin’i Samaria sy ireo andriamaniny,

Isaia 10:9

Tsy toa an’i Karkemisa va no nahazo an’i Kalnô, tsy toa an’i Arfada va no nahazo an’i Hamata? ary tsy toa an’i Damasa va no nahazo an’i Samaria?

Isaia 42:8

Izaho no Iaveh, izany no Anarako; ary ny voninahitro tsy homeko ny hafa. Ny fanajana Ahy, tsy ho an’ny sampy.