2Tantara 13:9 - Baiboly Katolika

⁹ Tsy efa narianareo va ny mpisoron’i Israely, dia ny taranak’i Aarôna sy ny Levita, ary moa tsy nananga-mpisorona ho anareo va ianareo, toy ny firenen’ny tany? Na iza na iza tonga nitondra vantotr’ombalahy iray sy ondralahy fito mba hampanamasina ny tenany dia tonga mpisoron’izay tsy Andriamanitra.

Baiboly Protestanta Malagasy 2011

⁹ Tsy efa noroahinareo va ny mpisoron’NY TOMPO, dia ny taranak’i Arona, sy ny levita, ka nanendry mpisorona ho anareo, tahaka ny fanaon’ny firenena amin’ny tany hafa ianareo? Koa izay rehetra mitondra vantotra ombilahy sy ondrilahy fito hanokanana ny tenany dia izy no tonga mpisorona amin’ireo tsy Andriamanitra.

DIEM PROTESTANTA

⁹ Noroahinareo ny tena mpisoron’ny TOMPO, dia ny taranak’i Aharôna ary koa ny levita; fa nanendry mpisorona ho anareo kosa ianareo, tahaka ny fanaon’ny firenena any amin’ny tany hafa. Na iza na iza nitondra ombilahy iray sy ondrilahy fito hanokanana ny tenany, dia tonga mpisoron’ireny andriamani-tsiizy ireny.

Dikateny Iombonana Eto Madagasikara

⁹ Noroahinareo ny tena mpisoron’ny TOMPO, dia ny taranak’i Aharôna ary koa ny levita; fa nanendry mpisorona ho anareo kosa ianareo, tahaka ny fanaon’ny firenena any amin’ny tany hafa. Na iza na iza nitondra ombilahy iray sy ondrilahy fito hanokanana ny tenany, dia tonga mpisoron’ireny andriamani-tsiizy ireny.

Baiboly Protestanta Malagasy

⁹ Tsy efa noroahinareo va ny mpisoron’i Jehovah, dia ny taranak’i Arona, sy ny Levita, ka nanendry mpisorona ho anareo tahaka ny fanaon’ny firenena amin’ny tany hafa hianareo? ka na zovy na zovy mitondra vantotr’ombilahy sy ondrilahy fito hanokanana ny tenany, dia izy no tonga mpisorona amin’ireo tsi-Andrimanitra.

Malagasy Bible

⁹ Tsy efa noroahinareo va ny mpisoron'i Jehovah, dia ny taranak'i Arona, sy ny levita, ka nanendry mpisorona ho anareo tahaka ny fanaon'ny firenena amin'ny tany hafa ianareo? ka na zovy na zovy mitondra vantotr'ombilahy sy ondrilahy fito hanokanana ny tenany, dia izy no tonga mpisorona amin'ireo tsi-Andriamanitra.

La Bible en Malgache

⁹ Tsy efa noroahinareo va ny mpisoron’NY TOMPO, dia ny taranak’i Arona, sy ny levita*, ka nanendry mpisorona ho anareo, tahaka ny fanaon’ny firenena amin’ny tany hafa ianareo? Koa izay rehetra mitondra vantotra ombilahy sy ondrilahy fito hanokanana ny tenany dia izy no tonga mpisorona amin’ireo tsy Andriamanitra.

2Tantara 13:9 Rohy Ifampitohizana

1Mpanjaka 13:33

Taorin’izany zava-niseho izany, mbola tsy niala tamin’ny lalan-dratsiny ihany i Jerôbôama, fa mbola nanangana mpisoron’ny fitoerana avo, avy amin’ny vahoaka, ihany izy, ka na iza na iza tia izany, dia natokany ka tonga mpisoron’ny toerana avo izy.

2Mpanjaka 19:18

ary nanipy ny andriamaniny tao amin’ny afo, satria tsy Andriamanitra ireny, fa asan-tanan’olombelona, vato aman-kazo, ka nataony levona.

1Tantara 29:5

ny volamena hanaovana fanaka volamena, ny volafotsy hanaovana fanaka volafotsy, mbamin’izay asa samihafa rehetra hataon’ny tanan’ny mpanao taozavatra. Iza àry no mba mazoto hanome fanatitra an-tsitrapo koa anio, ho an’i Iaveh?»

2Tantara 13:10

Fa ny anay kosa: I Iaveh no Andriamanitray, ary tsy mba nahafoy Azy izahay, ny taranak’i Aarôna no mpisorona manao fanompoana ho an’i Iaveh, ary ny Levita kosa manao ny anjara raharahany.

2Tantara 29:31

Raha efa izany, niteny i Ezekiasa ka nanao hoe: «Vita fanokanan-tena ho an’i Iaveh indray izao ianareo, ka manatòna, manatera sorona amam-pisaorana ao an-tranon’i Iaveh.» Dia nanatitra sorona amam-pisaorana ny fiangonana, ary nanolotra sorona dorana koa izay rehetra mazava fo.

Eksodosy 29:1

«Izao no ataovy amin’ny fanamasinana azy ireo ho mpisorona ho Ahy: Makà vantotr’ombalahy iray sy ondralahy roa, samy tsy misy kilema.

Eksodosy 29:29

«Ny fanamiana masin’i Aarôna dia ho an’ny zanany handimby azy koa, ka hatafy azy izany, rehefa avy izay hanosorana azy sy hanokanana azy;

Eksodosy 29:35

«Izany no hataonao amin’i Aarôna sy ny zanany, araka ny didy rehetra nomeko anao. Hafitoana no hanokananao azy.»

Eksodosy 32:29

Dia hoy i Môizy: «Samia manokan-tena amin’i Iaveh ianareo anio, fa efa samy namely ny zanany aman-drahalahiny avy, mba hanomezany tso-drano anareo anio.»

Jeremia 2:11

Moa misy firenena manakalo ny andriamaniny va? - nefa ireny aza tsy Andriamanitra akory!... Fa ny vahoakako kosa efa nanakalo ny voninahiny, amin’izay tsy mahasoa na inona na inona!

Jeremia 5:7

Ahoana ange no hamindrako fo aminao? Ny zanakao, nahafoy Ahy, sady mianiana amin’izay tsy Andriamanitra. Izaho namoky azy, izy kosa nitolo-tena tamin’ny hafa; mandeha manao andiany, ho any an-tranon’ny vehivavy janga.

Hosea 8:6

Fa avy amin’i Israely koa izy; mpanao taozavatra no nanamboatra azy, ka tsy Andriamanitra izy io; fa hotorotoroina ny zanak’ombin’i Samaria!

Levitikosy 16:32

«Ny hanao ny fanonerana dia izay mpisorona efa nandray ny fanosorana sy efa voatokana hanao ny raharahan’ny fisoronana mandimby an-drainy. Hitafy fanamiana rongony madinika, fanamiana masina izy.

Levitikosy 8:2

«Alao i Aarôna sy ny zanany miaraka aminy, ny fanamiana, ny diloilo fanosorana, ny ombalahy hatao sorona noho ny ota, ny ondralahy roa, ary ny sobika misy ny mofo tsy misy lalivay;

Asan’ny Apostoly 19:26

Ary hitanareo sy renareo fa tsy eto Efezy ihany, fa saika eran’i Azia manontolo, dia mitaona olona betsaka hanary ny sampy iny Paoly iny manao hoe: ‹Tsy andriamanitra ireo nataon-tanan’olona›,

Galatiana 4:8

Teo aloha, fony tsy mbola nahalala an’Andriamanitra ianareo, dia nanompo andriamanitra tsy izy tokoa.

Deoteronomia 32:17

Nanao sorona tamin’ny demony izay tsy Andriamanitra izy, dia tamin’ny andriamanitra tsy fantany, andriamanitra vaovao, vao niseho tsielatsiela, izay tsy mba natahoran’ny razanareo akory.