2Samoela 9:3 - Baiboly Katolika

³ Ka hoy ny mpanjaka: «Tsy misy olona amin’ny fianakavian’i Saola intsony va, ka hanisy soa azy aho tahaka an’Andriamanitra?» Ary hoy ny navalin’i Sibà tamin’ny mpanjaka: «Mbola misy zanaka lahin’i Jônatasy anankiray ao; fa malemy ny tongony roa.»

Baiboly Protestanta Malagasy 2011

³ Hoy ny mpanjaka: Mbola misy sisa ihany va ny taranak’i Saoly mba hasiako soa araka ny fanaon’Andriamanitra? Dia hoy i Ziba tamin’ny mpanjaka: Mbola misy zanakalahin’i Jonatana iray ihany ao, nefa malemy tongotra izy.

DIEM PROTESTANTA

³ Dia nanontany indray ny mpanjaka hoe: –Mbola misy olona sisa velona ve amin’ny fianakavian’i Saoly mba hasiako soa araka ny fanaon’Andriamanitra? Ka novalian’i Tsibà hoe: –Mbola misy zanakalahin’i Jônatàna iray izay, nefa malemy tongotra izy.

Dikateny Iombonana Eto Madagasikara

³ Dia nanontany indray ny mpanjaka hoe: –Mbola misy olona sisa velona ve amin’ny fianakavian’i Saoly mba hasiako soa araka ny fanaon’Andriamanitra? Ka novalian’i Tsibà hoe: –Mbola misy zanakalahin’i Jônatàna iray izay, nefa malemy tongotra izy.

Baiboly Protestanta Malagasy

³ Ary hoy ny mpanjaka: Mbola misy sisa ihany va ny tamingan’i Saoly mba hasiako soa araka ny fanaon’Andriamanitra? Dia hoy Ziba tamin’ny mpanjaka: Mbola misy zanakalahin’i Jonatana iray ihany ao, nefa malemy tongotra izy.

Malagasy Bible

³ Ary hoy ny mpanjaka: Mbola misy sisa ihany va ny tamingan'i Saoly mba hasiako soa araka ny fanaon'Andriamanitra? Dia hoy Ziba tamin'ny mpanjaka: Mbola misy zanakalahin'i Jonatana iray ihany ao, nefa malemy tongotra izy.

2Samoela 9:3 Rohy Ifampitohizana

2Samoela 19:26

Nony tonga avy any Jerosalema hitsena ny mpanjaka izy, dia hoy ny mpanjaka taminy: «Nahoana ity ianao no tsy nandeha niaraka tamiko, ry Mifibôseta?»

2Samoela 19:27

Ka hoy ny navalin’io: «Nofitahin’ny mpanompoko aho, ry mpanjaka tompoko; fa hoy ity mpanomponao: Hampisy lasely ny ampondrako vavy aho, hitaingenako, handehanako hanaraka ny mpanjaka, fa malemy tongotra ity mpanomponao.

2Samoela 4:4

I Jônatasy zanak’i Saola, dia nanan-janaka malemy tongo-droa. Dimy taona io zaza io, no tonga avy any Jezraela, ny filazana ny amin’i Saola sy i Jônatasy hoe maty, ka nentin’ny mpitaiza azy nandositra izy; noho ny firotorotoan’izy io loatra teny am-pandosirana anefa dia potraka ny zaza ka nalemy tongotra. Mifibôseta no anarany

2Samoela 9:13

Nonina tany Jerosalema i Mifibôseta, fa nihinana teo amin’ny latabatry ny mpanjaka mandrakariva izy; ary nikolepaka ny tongony roa.

2Samoela 9:7

Dia hoy i Davida taminy: «Aza matahotra, fa te hanisy soa anao aho, noho ny rainao i Jônatasy. Ny tanin’i Saola rainao haveriko aminao avokoa; ary ianao hihinana amin’ny latabatro mandrakariva.»

Lioka 6:36

Aoka ho mpamindra fo tahaka ny Rainareo mpamindra fo ianareo.

Deoteronomia 10:15

Kanefa ny razanao ihany no niraiketan’i Iaveh ho tiany; ary ny taranany nandimby azy, dia ianareo, no nofidiny tamin’ny vahoaka rehetra, araka izao hitanareo anio izao.

Deoteronomia 4:37

Noho ny fitiavany ny razanao, dia nifidy ny fara mandimby azy ireo izy, ka nampivoaka anao avy tany Ejipta, tamin’ny nitoerany tao aminao sy ny heriny lehibe,