2Samoela 22:34 - Baiboly Katolika

³⁴ Ny tongotro ampanahafiny ny an’ny serfavavy, ary ajorony aho eo amin’ny fitoerako avo.

Baiboly Protestanta Malagasy 2011

³⁴ Manao ny tongotro ho tahaka ny an’ny dieravavy Izy; mampitoetra ahy eo amin’ny havoana Izy.

DIEM PROTESTANTA

³⁴ Ataony kinga toy ny gazela aho ary ajorony amin’ny toerana avo;

Dikateny Iombonana Eto Madagasikara

³⁴ Ataony kinga toy ny gazela aho ary ajorony amin’ny toerana avo;

Baiboly Protestanta Malagasy

³⁴ Ary manao ny tongony ho tahaka ny an’ny dieravavy Izy; Mampitoetra ahy eo amin’ny fitoerako avo Izy.

Malagasy Bible

³⁴ Ary manao ny tongony ho tahaka ny an'ny dieravavy Izy; Mampitoetra ahy eo amin'ny fitoerako avo Izy.

La Bible en Malgache

³⁴ Manao ny tongotro ho tahaka ny an’ny dieravavy Izy; mampitoetra ahy eo amin’ny havoana Izy.

2Samoela 22:34 Rohy Ifampitohizana

2Samoela 2:18

Teo daholo tamin’izay izy telo lahy zanak’i Sarvià dia i Jôaba sy i Abisaia ary i Asaela. Faingan-tongotra hoatra ny iray amin’ny gazela any an-tsaha i Asaela.

2Samoela 23:1

Izao no fara tenin’i Davida: «Zava-marina nambaran’i Davida zanak’i Isaia, tenin’ilay lehilahy mipetraka amin’ny toerana ambony, ilay voahosotry ny Andriamanitr’i Jakôba, ilay mpanao hiran’i Israely mahatehotia.

Isaia 33:16

izany no honina any amin’ny fitoerana avo; ny trano mimanda miorina amin’ny vatolampy no fialofany, ny haniny dia homena azy; ary ny ranony tsy hanam-paharitana.

Isaia 58:14

dia hahita fahafinaretana ao amin’i Iaveh ianao amin’izany; sady hasandratro toy ny mpandresy, eo amin’ny avo amin’ny tany, sy hampiaraniko amin’ny lovan’i Jakôba rainao; fa ny vavan’i Iaveh no efa niteny.

Habakoka 3:19

I Iaveh Tompo no heriko; ataony toy ny an’ny serfa vavy ny tongotro, ary ampandehaniny eny amin’ny fitoerako avo aho. Ho an’ny filohan’ny mpihira, amin’ny zava-manenoko tendrena.

Deoteronomia 32:13

Teo ambonin’ny havoana amin’ny tany no nampiakarany azy; ary ny vokatry ny saha no nohanin’i Israely: nampitsentsefiny azy ny tantely avy amin’ny vatolampy sy ny diloilo avy amin’ny vato mafy indrindra;

Deoteronomia 33:25

Aoka ho vy amam-barahina ny karetsaka hidinao, ary hifamàtra amin’ny andronao ny fiadananao.