2Samoela 2:13 - Baiboly Katolika

¹³ Niainga i Jôaba zanak’i Sarvià, mbamin’ny mpanompon’i Davida, ka tafahaona teo amoron’ny kamorin’i Gabaôna izy ireo; ny iray niorin-dasy teo amin’ny lafin’ny kamory anankiray, ny iray kosa tao amin’ny lafiny anankiray hafa.

Baiboly Protestanta Malagasy 2011

¹³ I Joaba, zanak’i Zeroia, sy ireo mpanompon’i Davida kosa dia nandeha ka tafahaona tamin’ireo teo amoron’ny kamory tao Gibeona; dia samy nipetraka teo amin’ny lafin’ny kamory avy izy.

DIEM PROTESTANTA

¹³ Dia niainga koa i Jôaba zanakalahin’i Tseroià sy ny mpanompon’i Davida; ka tafahoana teo akaikin’ny dobo tao Gibehôna ny roa tonta ary samy naka toerana nifanatrika teo amoron’ny dobo.

Dikateny Iombonana Eto Madagasikara

¹³ Dia niainga koa i Jôaba zanakalahin’i Tseroià sy ny mpanompon’i Davida; ka tafahoana teo akaikin’ny dobo tao Gibehôna ny roa tonta ary samy naka toerana nifanatrika teo amoron’ny dobo.

Baiboly Protestanta Malagasy

¹³ Ary Joaba, zanak’i Zeroia, sy ny mpanompon’i Davida nivoaka ka nihaona tamin’ireo teo amoron’ny kamory tao Gibeona; ary samy nipetraka teo amin’ny lafin’ny kamory avy izy.

Malagasy Bible

¹³ Ary Joaba, zanak'i Zeroia, sy ny mpanompon'i Davida nivoaka ka nihaona tamin'ireo teo amoron'ny kamory tao Gibeona; ary samy nipetraka teo amin'ny lafin'ny kamory avy izy.

La Bible en Malgache

¹³ I Joaba, zanak’i Zeroia, sy ireo mpanompon’i Davida kosa dia nandeha ka tafahaona tamin’ireo teo amoron’ny kamory tao Gibeona; dia samy nipetraka teo amin’ny lafin’ny kamory avy izy.

2Samoela 2:13 Rohy Ifampitohizana

2Samoela 2:18

Teo daholo tamin’izay izy telo lahy zanak’i Sarvià dia i Jôaba sy i Abisaia ary i Asaela. Faingan-tongotra hoatra ny iray amin’ny gazela any an-tsaha i Asaela.

2Samoela 20:23

I Jôaba no komandin’ny tafika tamin’i Israely rehetra; i Banaiasa zanak’i Jôiadà no lehiben’ny Keretianina sy ny Feletianina,

2Samoela 20:8

Nony mby teo akaikin’ilay vato lehibe ao Gabaôna izy ireo, dia inty i Amasà tonga teo anoloan’izy ireo. Niakanjo ny akanjo tonîka i Jôaba ary eo ambonin’ny tonîka dia nisy sabatra anankiray anaty tranony, nifehy teo am-balahany. Nony nandroso izy dia latsaka ilay sabatra.

2Samoela 23:24

Isan’izy 30 lahy: i Asaela, rahalahin’i Jôaba; i Elkanàna, zanak’i Dôdao, avy any Betlehema;

2Samoela 8:16

I Jôaba, zanak’i Sarvià, no nifehy ny miaramila; i Jôsafata zanak’i Ahiloda, no mpitahiry ny bokim-panjakana;

1Mpanjaka 1:7

Nisy resadresaka natao tamin’i Jôaba, zanak’i Sarvià sy tamin’i Abiatara mpisorona, fa rafitra niandany tamin’i Adoniasa izy ireo.

1Mpanjaka 2:5

Ary fantatrao ihany ny nataon’i Jôaba zanak’i Sarvià tamiko, dia ilay nataony tamin’izy roa lahy, i Abnera zanak’i Nera, sy i Amasà zanak’i Jetera, filohan’ny tafik’i Israely, fa novonoiny ireo, ka ny ra fandatsaka amin’ny ady, nalatsany amin’izao tany mandry izao, ary ny ra fandatsaka amin’ny ady dia nataony tamin’ny fehikibo teny am-balahany sy tamin’ny kapa teny amin’ny tongony!

1Tantara 11:6

Ary hoy i Davida: «Na iza na iza handresy voalohany ny Jeboseanina dia izy no ho lehibe sy filohany.» Ary i Jôaba zanak’i Sarvià no niakatra voalohany, ka izy no tonga lehibe.

1Tantara 2:16

Ny anabavin’ireo dia i Sarvià sy i Abigaila. Zanak’i Sarvià: i Abisaia, i Jôaba, i Asaela, telo lahy.

1Tantara 27:7

I Asaela rahalahin’i Jôaba no fahefatra ho amin’ny volana fahefatra, ary i Zabadiasa zanany no manarakaraka azy, 24.000 no isan’ny antokony.

Jeremia 41:12

dia nitondra ny miaramilany rehetra izy ka niainga hiady amin’i Ismaely zanak’i Nataniasa; tratrany tao akaikin’ny kamory lehibe ao Gabaôna io.

1Samoela 26:6

Koa niteny tamin’i Akimeleka Heteanina sy tamin’i Abisaï zanak’i Sarvià sy rahalahin’i Jôaba, i Davida ka nanao hoe: «Iza no manaiky hiara-midina amiko, ho any an-toby, ho any amin’i Saola?» Dia hoy i Abisaï namaly azy: «Izaho no hiara-midina aminao.»