2Samoela 1:9 - Baiboly Katolika

⁹ Dia hoy izy tamiko: ‹Avia atỳ akaikiko ary vonoy ho faty aho; fa efa fanina aho ity, nefa ny aiko manontolo mbola ato amiko.›

Baiboly Protestanta Malagasy 2011

⁹ Hoy indray izy tamiko: Miangavy anao aho, manatòna ka vonoy aho fa fanina, nefa mbola ato anatiko ihany ny aiko.

DIEM PROTESTANTA

⁹ Koa nasainy nanatona aho mba hamono azy ho faty satria naratra mafy izy na dia mbola mahatsiaro tena tsara aza.

Dikateny Iombonana Eto Madagasikara

⁹ Koa nasainy nanatona aho mba hamono azy ho faty satria naratra mafy izy na dia mbola mahatsiaro tena tsara aza.

Baiboly Protestanta Malagasy

⁹ Ary hoy indray izy tamiko: Masìna hianao, hatòny kely aho, ka vonoy, fa marary mivonkina ozatra aho; fa mbola ato anatiko ihany ny aiko.

Malagasy Bible

⁹ Ary hoy indray izy tamiko: Masìna ianao, hatony kely aho, ka vonoy, fa marary mivonkina ozatra aho, fa mbola ato anatiko ihany ny aiko.

La Bible en Malgache

⁹ Hoy indray izy tamiko: Miangavy anao aho, manatòna ka vonoy aho fa fanina, nefa mbola ato anatiko ihany ny aiko.

2Samoela 1:9 Rohy Ifampitohizana

2Samoela 1:10

Dia nanatona azy aho, ka namono azy satria fantatro fa tsy ho velona intsony izy rehefa resy. Koa nalaiko ny satrok’andriana teny an-dohany sy ny fehin-tanana teny amin’ny sandriny, dia indreto nentiko nankatỳ amin’ny tompoko.»

2Samoela 1:8

Ary hoy izy tamiko: ‹Iza moa ianao?› Ka hoy aho namaly azy: ‹Amalesita aho.›

1Tantara 10:4

Ary hoy i Saola tamin’ny mpitondra fiadiany: «Tsoahy ny sabatrao, ka trobary aho, fandrao avy manevateva ahy ireo tsy mifora ireo.» Tsy nety anefa ilay mpitondra fiadiana fa azon-tahotra, ka nalain’i Saola ny sabany, dia nianjerany avy eo ambony.

Apokalipsy 9:6

ka hitady ny fahafatesana ny olona amin’izany andro izany, fa tsy hahita azy; ary haniry ny ho faty izy, fa handositra azy ny fahafatesana.

Mpitsara 9:54

Nantsoiny faingana ny zatovo mpitondra ny fiadiany, ka hoy izy taminy: «Tsoahy ny sabatrao, ka vonoy aho, mba tsy hanaovan’ny olona ahy hoe: Vehivavy no nahafaty azy». Dia notrabaran’ilay zatovo izy, ka maty.

1Samoela 31:4

Dia hoy i Saola tamin’ity mpitondra fiadiany: «Tsoahy ny sabatrao ka atrobary ahy, fandrao dia ireo tsy mifora ireo indray no tonga manatrobaka ahy, ka halàny baraka aho». Tsy nety ilay mpitondra fiadiany, fa raiki-tahotra izy, ka i Saola no naka ny sabany, dia nianjera taminy.