1Tantara 28:2 - Baiboly Katolika

² Dia nitsangana i Davida mpanjaka ka nanao hoe: «Mihainoa ahy, ry rahalahiko amam-bahoakako! Izaho efa nikendry ny hanao trano fitsaharana ho an’ny fiaran’ny Faneken’i Iaveh sy ho fandiavan-tongotry ny Andriamanitsika, sady namonona no ho enti-manao izany.

Baiboly Protestanta Malagasy 2011

² Dia nitsangana i Davida mpanjaka ka niteny hoe: Mihainoa ahy, ry rahalahiko sy ry vahoakako! Raha izaho, dia efa tato am-poko ny hanao trano fitsaharana ho an’ny vata misy ny faneken’NY TOMPO sy ho an’ny fitoeran-tongotr’Andriamanitsika. Efa nataoko vonona izay hoenti-manangana azy;

DIEM PROTESTANTA

² Dia nitsangana i Davida mpanjaka, ka nanao hoe: –Henoy aho, ry havako sy mpiray firenena amiko! Raha izaho, dia efa fikasàko ny hanorina tempoly hipetrahan’ilay Vatamasina mirakitra ny fanekempihavanan’ny TOMPO, izany hoe ilay fitoeran-tongotry ny Andriamanitsika; ary efa novononiko izay hoenti-manorina azy.

Dikateny Iombonana Eto Madagasikara

² Dia nitsangana i Davida mpanjaka, ka nanao hoe: –Henoy aho, ry havako sy mpiray firenena amiko! Raha izaho, dia efa fikasàko ny hanorina tempoly hipetrahan’ilay Vatamasina mirakitra ny fanekempihavanan’ny TOMPO, izany hoe ilay fitoeran-tongotry ny Andriamanitsika; ary efa novononiko izay hoenti-manorina azy.

Baiboly Protestanta Malagasy

² Ary Davida mpanjaka nitsangana ka nanao hoe: Mihainoa ahy, ry rahalahiko sy ry vahoakako! Raha izaho, dia efa mby tato am-poko ny hanao trano fitsaharana ho an’ny fiaran’ny faneken’i Jehovah sy ho an’ny fitoeran-tongotr’Andriamanitsika, ary efa novononiko izay ho enti-manao azy;

Malagasy Bible

² Ary Davida mpanjaka nitsangana ka nanao hoe: Mihainoa ahy, ry rahalahiko sy ry vahoakako! Raha izaho, dia efa mby tato am-poko ny hanao trano fitsaharana ho an'ny fiaran'ny faneken'i Jehovah sy ho an'ny fitoeran-tongotr'Andriamanitsika, ary efa novononiko izay ho enti-manao azy;

La Bible en Malgache

² Dia nitsangana i Davida mpanjaka ka niteny hoe: Mihainoa ahy, ry rahalahiko sy ry vahoakako! Raha izaho, dia efa tato am-poko ny hanao trano fitsaharana ho an’ny vata misy ny faneken’NY TOMPO sy ho an’ny fitoeran-tongotr’Andriamanitsika. Efa nataoko vonona izay hoenti-manangana azy;

1Tantara 28:2 Rohy Ifampitohizana

Genesisy 48:2

Dia nilazana i Jakôba natao hoe: «Indro tamy i Josefa zanakao, ho aty aminao.» Ka naka hery i Israely niarina teo ambony farafarany.

1Mpanjaka 1:47

ary ny mpanompon’ny mpanjaka aza, efa avy nisaotra an’i Davida mpanjaka tompontsika, nanao hoe: Hataon’ny Andriamanitrareo malaza noho ny anaranao anie ny anaran’i Salômôna, ary hasandrany ho ambony noho ny seza fiandriananao ny seza fiadrianany! Dia niankohoka teo am-parafara ny mpanjaka.

1Mpanjaka 5:3

omby mifahy folo, omby an-tondraka roapolo ary ondry zato,

1Tantara 17:4

Mandehana lazao amin’i Davida mpanompoko hoe: Izao no tenin’i Iaveh: Tsy ianao no hanao trano hitoerako.

1Tantara 22:14

Indro fa izaho nananosarotra mafy ka nahavonona izao, ho an’ny tranon’i Iaveh: talenta volamena 100.000, talenta volafotsy 1.000.000, ny varahina amam-by kosa tsy hita lanja intsony, noho ny habetsahany loatra. Efa nahavonona hazo amam-bato koa aho, ary mbola hampianao.

1Tantara 22:6

Ary i Davida niantso an’i Salômôna zanany, ka nandidy azy hanao trano ho an’i Iaveh Andriamanitr’i Israely.

1Tantara 22:7

Izao no lazain’i Davida tamin’i Salômôna: «Anaka, zava-nokendreko ny hanao trano ho an’ny Anaran’i Iaveh Andriamanitra.

1Tantara 6:31

zanak’i Amasiasa zanak’i Bonỳ zanak’i Somera

2Tantara 6:7

Nihevitra hanao trano ho an’ny Anaran’i Iaveh Andriamanitr’i Israely i Davida raiko,

Salamo 110:1

Salamon’i Davida. I Iaveh nilaza tamin’ny Tompoko hoe: Mipetraha eo ankavanako ianao, mandra-panaoko ny fahavalonao ho fitoeran-tongotrao.

Salamo 132:14

Ity no toerana fitsaharako mandrakizay; eto no honenako fa efa niriko.

Salamo 132:2

Izao no fianianana nataony tamin’i Iaveh, izao no voadiny tamin’ny Maherin’i Jakôba:

Salamo 22:22

Vonjeo amin’ny vavan’ny liona aho; esory amin’ny tandroky ny ombimanga aho:

Salamo 99:5

Mankalazà an’i Iaveh Andriamanitsika, ary miankohofa eo anatrehan’ny lampihazo ipetrahan’ny tongony. - Fa Masina Izy.

Isaia 60:13

Ho indray tonga ao aminao ny voninahitr’i Libàna, ny sipresy, ny platàna, ny boîsa, handravahana ny fitoerako masina, dia hataoko be voninahitra ny fitoerana hipetrahan’ny tongotro.

Isaia 66:1

Izao no lazain’i Iaveh: Ny lanitra no seza fiandrianako; ary ny tany no fitoeran-tongotro. Ka trano inona no hataonareo ho Ahy, ary fitoerana manao ahoana no ho fitsaharako?

Fitomaniana 2:1

Ahoana re no nanaronan’ny Tompo rahona, noho ny fahatezerany ny zanaka vavin’i Siôna? Navariny aman-tany avy any an-danitra, ny hatsarana kanton’i Israely, tsy tsaroany intsony ity fitoeran-tongony, tamin’ny andro fahatezerany rehetra.

Ezekiela 43:7

Hoy izy tamiko: Ry zanak’olona! Eto no fitoeran’ny seza fiandrianako, fitoerana hametrahako ny faladian-tongotro, honenako eo amin’ny zanak’i Israely na izy na ny mpanjakany, tsy handoto intsony ny Anarako masina, amin’ny fahavetavetany, na ny fati-mpanjakany, na ny fitoerana avony,

Matio 25:16

Ilay nandray talenta dimy dia nandeha nampiasa izany, ka nahazo tombom-barotra dimy koa.

Asan’ny Apostoly 7:49

Ny lanitra no seza fiandrianako, ary ny tany no fitoeran-tongotro kosa. Trano manao ahoana no hataonareo ho Ahy, hoy ny Tompo. Ary fitoerana toy inona no ho fitsaharako?

Deoteronomia 17:15

dia izay hofidin’i Iaveh Andriamanitrao ihany no hatsanganao ho mpanjaka hifehy anao; eo afovoan’ny rahalahinao ihany no hangalanao mpanjaka izay hatsanganao hifehy anao, fa ny olon-kafa firenena, izay tsy rahalahinao, dia tsy ho azonao halaina ho mpanjakanao.

Deoteronomia 17:20

mba tsy hisandratan’ny fony ambonin’ny rahalahiny, ary tsy hiviliany ny didy na ho amin’ny ankavanana na ho amin’ny ankavia, ka ho lava andro ao amin’ny fanjakany izy sy ny taranany eo afovoan’i Israely.