1Tantara 21:22 - Baiboly Katolika

²² Dia hoy i Davida tamin’i Ornàna: «Afoizo ho ahy ny tokotany misy ity famoloana ity, fa hanorenako ôtely ho an’i Iaveh; afoizo ho ahy amin’izay tokom-bidiny marina haloa vola, hialan’ny aretina mandringana ny vahoaka.»

Baiboly Protestanta Malagasy 2011

²² Ary hoy i Davida tamin’i Ornana: Mba omeo ahy amin’izay tokony ho vidiny ity famoloana ity mba hanorenako alitara ho an’NY TOMPO; omeo ahy izany mba hitsaharan’ny areti-mandringana tsy hamely ny vahoaka.

DIEM PROTESTANTA

²² Dia hoy ny mpanjaka tamin’i Araonà: –Mba omeo ahy ny tokotany misy ity famoloana ity, mba omeo ahy araka izay tena vidiny haloa vola; fa hanorenako alitara ho an’ny TOMPO izany mba hitsaharan’ny areti-mandringana tsy hamely ny vahoaka.

Dikateny Iombonana Eto Madagasikara

²² Dia hoy ny mpanjaka tamin’i Araonà: –Mba omeo ahy ny tokotany misy ity famoloana ity, mba omeo ahy araka izay tena vidiny haloa vola; fa hanorenako alitara ho an’ny TOMPO izany mba hitsaharan’ny areti-mandringana tsy hamely ny vahoaka.

Baiboly Protestanta Malagasy

²² Ary hoy Davida tamin’i Araona: Mba omeo ahy amin’izay tokom-bidiny ity famoloana ity hanorenako alitara ho an’i Jehovah; omeo ahy izy, mba hitsaharan’ny areti-mandringana tsy hamely ny vahoaka.

Malagasy Bible

²² Ary hoy Davida tamin'i Araona: Mba omeo ahy amin'izay tokom-bidiny ity famoloana ity hanorenako alitara ho an'i Jehovah; omeo ahy izy, mba hitsaharan'ny areti-mandringana tsy hamely ny vahoaka.

La Bible en Malgache

²² Ary hoy i Davida tamin’i Ornana: Mba omeo ahy amin’izay tokony ho vidiny ity famoloana ity mba hanorenako alitara ho an’NY TOMPO; omeo ahy izany mba hitsaharan’ny areti-mandringana tsy hamely ny vahoaka.

1Tantara 21:22 Rohy Ifampitohizana

Genesisy 23:9

mba hafoiny ho ahy ny zohy ao Makpelà, izay azy, eo amin’ny sisin-tsahany, mba hafoiny ho ahy eto anatrehanareo, araka izay tokom-bidiny, hataoko tany fandevenana, tena ahy tokoa.»

Genesisy 50:10

Nony tonga teo am-pamoloan’i Atada ao andafin’i Jordany izy ireo dia nitomany amam-pigogogogoana mafy, fa nanokana hafitoana hanaovana fisaonana ho voninahitry ny rainy i Josefa.

2Samoela 24:21

dia nivoaka i Areonà, ka niankohoka tamin’ny tany teo anoloan’ny mpanjaka nanao hoe: «Inona izato nahatongavan’ny mpanjaka tompoko atỳ amin’ny mpanompony?» Ary hoy ny navalin’i Davida: «Hividy ity famoloana ity aminao, hanorenana ôtely ho an’i Iaveh mba hihatahan’ny areti-mandringana amin’ny vahoaka.»

1Mpanjaka 21:2

Ka niteny tamin’i Nabôta i Akaba nanao hoe: «Avelao mba ho ahy ny tanimboalobokao, hataoko fambolena anana, fa akaiky dia akaiky ny tranoko; tanimboaloboka tsara noho izy no homeko ho takalony, na vola araka izay vidiny, raha izany no sitrakao.»

1Tantara 21:21

Nony tonga teo akaikin’i Ornàna i Davida, nijery i Ornàna ka nahita an’i Davida, dia niala teo am-pamoloana izy, ary niankohoka tamin’ny tany teo anatrehan’i Davida.

1Tantara 21:23

Ary hoy i Ornàna tamin’i Davida: «Ento ho anao, ary aoka ny mpanjaka tompoko hanao izay heveriny ho tsara: Indreto ny omby hatao sorona dorana, ny rambaramba hatao kitay, ary ny varimbazaha hatao fanatitra, ka omeko avokoa izany.»

Nomery 25:8

nanaraka ilay lehilahy Israelita tao anatin’ny lay ka nandefona azy roaroa, dia ralehilahy Israelita sy ilay vehivavy, tamin’ny kibony. Nitsahatra tamin’izay ny loza teo amin’ny zanak’i Israely.