1Tantara 12:39 - Baiboly Katolika

³⁹ Hateloana izy ireo no nitoetra tao niaraka tamin’i Davida, dia nihinana sy nisotro, fa efa nanomana vatsy ho azy ny rahalahiny.

Baiboly Protestanta Malagasy 2011

³⁹ Tao amin’i Davida hateloana izy ireo sady nihinana sy nisotro, fa efa nanomana nahandro ho azy ny rahalahiny.

DIEM PROTESTANTA

³⁹ Ireo miaramila rehetra vonon-kilahatra hiady ireo no tonga tao Hebrôna tamin’ny fony manontolo mba hampanjaka an’i Davida amin’i Israely lafy valo; ary ny Israelita sisa rehetra koa niray fo mba hampanjaka an’i Davida.

Dikateny Iombonana Eto Madagasikara

³⁹ Ireo miaramila rehetra vonon-kilahatra hiady ireo no tonga tao Hebrôna tamin’ny fony manontolo mba hampanjaka an’i Davida amin’i Israely lafy valo; ary ny Israelita sisa rehetra koa niray fo mba hampanjaka an’i Davida.

Baiboly Protestanta Malagasy

³⁹ Ary tao amin’i Davida hateloana izy sady nihinana sy nisotro; fa efa nanao nahandro ho azy ny rahalahiny.

Malagasy Bible

³⁹ Ary tao amin'i Davida hateloana izy sady nihinana sy nisotro; fa efa nanao nahandro ho azy ny rahalahiny.

La Bible en Malgache

³⁹ Tao amin’i Davida hateloana izy ireo sady nihinana sy nisotro, fa efa nanomana nahandro ho azy ny rahalahiny.

1Tantara 12:39 Rohy Ifampitohizana

Genesisy 26:30

Dia nanao fanasana ho azy ireo i Isaaka ka nihinana sy nisotro izy.

Genesisy 31:54

Dia nianiana tamin’Ilay atahoran’i Isaaka i Jakôba. Nanatitra sorona teo an-tendrombohitra i Jakôba, ka nanasa ny rahalahiny hihinan-kanina. Dia nihinana izy ireo, sy nipetraka teo an-tendrombohitra nandritra ny alina.

Genesisy 49:10

Tsy hiala amin’i Jodà ny tehim-panjakana, tsy hiala eo anelanelan’ny tongony ny tehina fanapahana, mandra-piavin’i Silô: Izy no hotoavin’ny firenena.

2Samoela 19:42

Fa indreto tonga teo amin’ny mpanjaka ny lehilahy rehetra amin’i Israely, ka nanao taminy hoe: «Ahoana no nangalaran’ny lehilahy amin’i Jodà, rahalahinay, anao; ka nitondrany ny mpanjaka sy ny ankohonany mbamin’ny olona rehetra nomba an’i Davida nita an’i Jordany?»

2Samoela 6:19

Dia samy nomeny mofomamy iray sy hena iray didy ary ampempam-boaloboka iray avy ny vahoaka rehetra, ny olona marobe rehetra amin’i Israely na lahy na vavy. Ary samy nody tany an-tranony daholo ny vahoaka rehetra.

1Tantara 11:10

Ireo no lehiben’ny lehilahy mahery izay tao amin’i Davida, ka nanampy azy niaraka tamin’i Israely rehetra nandritra ny andro nanjakany, sady efa nampanjaka azy izy araka ny tenin’i Iaveh ny amin’i Israely.

1Tantara 12:38

Ireo lehilahy mpiady rehetra ireo, izay samy nahay nilahatra hiady avokoa, dia tonga tao Hebrôna, tamin’ny fo mahitsy hanangana an’i Davida ho mpanjaka amin’i Israely rehetra: ary i Israely sisa rehetra koa, dia niray fo torak’izany hanangana an’i Davida ho mpanjaka.

1Tantara 12:40

Ary na dia izay nitoetra anilany aza hatramin’i Isakara sy i Zabolôna ary i Neftalì samy nampitondra hanina, nentin’ny ampondra aman-drameva mbamin’ny omby sy ny mole, dia lafarina, ampempan’aviavy maina amam-boaloboka maina, divay, diloilo, omby aman’ondry sesehena, satria nisy fifaliana tamin’i Israely.