1Tantara 12:19 - Baiboly Katolika

¹⁹ Nisy lehilahy sasany tamin’i Manase nikambana tamin’i Davida fony izy niaraka tamin’ny Filistinina nandeha hiady amin’i Saola. Nefa tsy nanampy ny Filistinina izy, ninian’ny andrian’ny Filistinina nalefa nody i Davida, fa hoy izy: «Ny lohantsika no mety hahita loza hiverenany amin’i Saola tompony.»

Baiboly Protestanta Malagasy 2011

¹⁹ Ary nisy sasany tamin’ny Manase nifindra ka nanatona an’i Davida fony izy nomba ny Filistina hiady amin’i Saoly, kanefa tsy nanampy ny Filistina akory izy ireo; fa nifampila hevitra ireo andrianan’ny Filistina dia nampandehaniny i Davida ka nilaza hoe: Ny lohantsika no hoentiny mila sitraka hiverenany amin’i Saoly tompony.

DIEM PROTESTANTA

¹⁹ Tamin’izay, dia nentanin’ny Fanahin’Andriamanitra i Hamasay, filohan’ny «andian’ny telopolo lahy», ka niantso hoe: –Anao izahay, ry Davida ô! Miandany aminao izahay, ry zanakalahin’i Jisay! Fiadanana, fiadanana anie ho anao ary fiadanana anie ho an’ireo mpanampy anao, satria ilay Andriamanitrao no efa manampy anao! Dia noraisin’i Davida ireo ka notendreny ho isan’ny filohan’ny andian-tafika.

Dikateny Iombonana Eto Madagasikara

¹⁹ Tamin’izay, dia nentanin’ny Fanahin’Andriamanitra i Hamasay, filohan’ny «andian’ny telopolo lahy», ka niantso hoe: –Anao izahay, ry Davida ô! Miandany aminao izahay, ry zanakalahin’i Jisay! Fiadanana, fiadanana anie ho anao ary fiadanana anie ho an’ireo mpanampy anao, satria ilay Andriamanitrao no efa manampy anao! Dia noraisin’i Davida ireo ka notendreny ho isan’ny filohan’ny andian-tafika.

Baiboly Protestanta Malagasy

¹⁹ Ary nisy sasany tamin’ny Manase niala hanatona an’i Davida, raha nomba ny Filistina hiady amin’i Saoly izy, nefa tsy nanampy azy izy; fa ireo andrianan’ny Filistina nifampisaina, dia nampandeha azy ka nanao hoe: Ny lohantsika no ho entiny mila sitraka hiverenany amin’i Saoly tompony.

Malagasy Bible

¹⁹ Ary nisy sasany tamin'ny Manase niala hanatona an'i Davida, raha nomba ny Filistina hiady amin'i Saoly izy, nefa tsy nanampy azy izy; fa ireo andrianan'ny Filistina nifampisaina, dia nampandeha azy ka nanao hoe: Ny lohantsika no ho entiny mila sitraka hiverenany amin'i Saoly tompony.

La Bible en Malgache

¹⁹ Ary nisy sasany tamin’ny Manase nifindra ka nanatona an’i Davida fony izy nomba ny Filistina hiady amin’i Saoly, kanefa tsy nanampy ny Filistina akory izy ireo; fa nifampila hevitra ireo andrianan’ny Filistina dia nampandehaniny i Davida ka nilaza hoe: Ny lohantsika no hoentiny mila sitraka hiverenany amin’i Saoly tompony.

1Tantara 12:19 Rohy Ifampitohizana

Genesisy 43:23

Ka hoy izy taminy: «Ho aminareo anie ny fiadanana, fa aza matahotra na inona na inona. Ny Andriamanitrareo, ny Andriamanitry ny rainareo no nanome anareo rakitra tao anaty lasàkanareo. Fa ny volanareo efa nomena ahy.» Dia nentiny nankeo amin’izy ireo i Simeôna.

2Samoela 17:25

I Amasà no notendren’i Absalôma ho filohan’ny tafika solon’i Jôaba. I Amasà dia zanaky ny lehilahy anankiray atao hoe Jetrà, Ismaelita, izay nandeha tamin’i Abigaila, zanaka vavin’i Naasa, rahavavin’i Sarvià, renin’i Jôaba.

1Tantara 12:20

Raha niverina tany Sikelega izy dia nisy olona avy amin’i Manase, nanatona azy: i Ednasa, i Jôzabada, i Jedihela, i Mikaela, i Jôzadaba, i Eliò ary i Sabataì, tomponarivo amin’i Manase ireny.

Zakaria 8:2

Izao no lazain’i Iavehn’ny tafika: «Saro-piaro dia saro-piaro an’i Siôna Aho, sady entim-pahatezerana mafy Aho noho ny aminy.»

Mpitsara 6:34

Fa notsindrian’ny Fanahin’i Iaveh i Jedeôna ka nitsoka trômpetra, dia nivory nanaraka azy ny Abieserita;

1Samoela 29:10

Koa mifohaza maraina koa ianao, mbamin’ireo mpanompon’ny tomponao, izay niaraka taminao, samia mifoha maraina ianareo, ka raha mazava ny andro dia mandehana».