1Samoela 22:4 - Baiboly Katolika

⁴ Dia nentiny ho eo anatrehan’ny mpanjakan’i Moaba izy ireo, ka nonina teo aminy, mandritra ny fotoana rehetra nipetrahan’i Davida tao amin’ny fitoerana mimanda.

Baiboly Protestanta Malagasy 2011

⁴ Dia noentina ho eo anatrehan’ny mpanjakan’i Moaba izy ireo ka nonina teo aminy nandritra ny andro rehetra nitoeran’i Davida tao amin’ny manda fiarovana.

DIEM PROTESTANTA

⁴ Dia nentin’i Davida teo anatrehan’ny mpanjakan’i Môaba izy ireo ka nipetraka tao aminy nandritra ny fotoana rehetra nialokalofan’i Davida tao amin’ny fiereny.

Dikateny Iombonana Eto Madagasikara

⁴ Dia nentin’i Davida teo anatrehan’ny mpanjakan’i Môaba izy ireo ka nipetraka tao aminy nandritra ny fotoana rehetra nialokalofan’i Davida tao amin’ny fiereny.

Baiboly Protestanta Malagasy

⁴ Ary dia nentiny ho eo anatrehan’ny mpanjakan’i Moaba izy ireo ka nonina teo aminy tamin’ny andro rehetra nitoeran’i Davida tao amin’ny batery fiarovana.

Malagasy Bible

⁴ Ary dia nentiny ho eo anatrehan'ny mpanjakan'i Moaba izy ireo ka nonina teo aminy tamin'ny andro rehetra nitoeran'i Davida tao amin'ny batery fiarovana.

La Bible en Malgache

⁴ Dia noentina ho eo anatrehan’ny mpanjakan’i Moaba izy ireo ka nonina teo aminy nandritra ny andro rehetra nitoeran’i Davida tao amin’ny manda fiarovana.

1Samoela 22:4 Rohy Ifampitohizana

2Samoela 24:11

Nony ampitso, rehefa nifoha i Davida, dia tonga tamin’i Gada, mpaminany, mpahitan’i Davida, ny tenin’i Iaveh nanao hoe:

2Samoela 8:2

Nandresy ny Moabita koa izy, ary nampandriny tamin’ny tany ireo, dia norefesiny tamin’ny kofehy, ka nandrefy indroan’ny kofehy izy, novonoiny ny eran’ny kofehy, novelominy ny eran’ny kofehy. Dia tonga mpanompon’i Davida ny Moabita, ka nanatitra hetra ho azy.

1Tantara 11:16

Tao amin’ny trano mimanda i Davida tamin’izay ary nisy antoko-miaramilan’ny Filistinina tany Betlehema.

1Tantara 12:16

Nisy nanatona an’i Davida tany amin’ny toerana mimanda kosa ny taranak’i Benjamina sy i Jodà.

1Tantara 21:9

Niteny tamin’i Gada, mpahitan’i Davida, i Iaveh, nanao hoe:

1Tantara 29:29

Ny asan’i Davida mpanjaka, na ny voalohany na ny farany, dia indro fa voasoratra ao amin’ny tantaran’i Samoela mpahita sy amin’ny tantaran’i Natàna mpaminany, ary amin’ny tantaran’i Gada mpahita, mbamin’ny zava-drehetra momba ny fanjakany, sy ny asa nataony tamin-kerim-po sy ny fiovaovan-toetra nahazo azy sy nahazo an’i Israely sy ny fanjakana rehetra an-tany hafa.

2Tantara 29:25

Nasainy nalahatra teo an-tranon’i Iaveh ny Levita, samy mitondra kipantsona sy valiha ary harpa, araka ny didin’i Davida sy i Gada mpahitan’ny mpanjaka, ary i Natàna mpaminany, fa didy avy amin’i Iaveh tamin’ny alalan’ny mpaminany, izany.

Nehemia 6:11

Fa hoy ny navaliko: «Lehilahy toa ahy izao ve ka handositra!... Ary ahoana moa no hidiran’ny olona tahaka ahy any amin’ny tempoly ka mbola ho velona ihany? Tsy hiditra aho.»

Salamo 11:1

Ho an’ny mpampianatra hira. Nataon’i Davida. I Iaveh no itokiako; ka ahoana no ilazanareo amin’ny fanahiko hoe: Mandosira any an-tendrombohitrareo toy ny vorona?

Matio 10:23

Raha enjehina amin’ny tanàna anankiray ianareo, dia mandosira any amin’ny hafa; fa lazaiko aminareo marina tokoa fa tsy hahatety ny tanànan’i Israely ianareo mandra-pahatongan’ny Zanak’olona.

1Samoela 22:3

Avy eo i Davida dia nankany Masfà any Moaba, ka nanao tamin’ny mpanjakan’i Moaba hoe: «Raha sitrakao, aoka homena malalaka hihataka aty aminao ny ray aman-dreniko, mandra-pahafantatro izay hanaovan’Andriamanitra ahy».

1Samoela 22:5

Hoy ny mpaminany Gada tamin’i Davida nanao hoe: «Aza mitoetra amin’ny fitoerana mimanda ianao, fa mandehana miverina any amin’ny tanin’i Jodà.» Dia lasa i Davida nankany amin’ny ala Hareta.