1Samoela 1:7 - Baiboly Katolika

⁷ Ary toy izany no nataon’i Elkanà isan-taona isaky ny iakaran’i Anà any an-tranon’i Iaveh; fa nampijalin’i Fenenà toy izany ihany koa izy. Ary tamin’izany dia nitomany izy sy tsy nihinan-kanina.

Baiboly Protestanta Malagasy 2011

⁷ Toy izany no fanaon’i Elkana isan-taona, rehefa niakatra ho any amin’ny tranon’NY TOMPO i Hana, ary toy izany koa no nanorisorenan’ny rafiny an’i Hana; koa nitomany izy sady tsy nety nihinan-kanina.

DIEM PROTESTANTA

⁷ Ary isan-taona dia izany foana no zava-mitranga rehefa mba tonga ao an-tranon’ny TOMPO i Hanà; nanao izay hampalahelo azy foana i Peninà, ka nitomany sy tsy nety nihinan-kanina izy.

Dikateny Iombonana Eto Madagasikara

⁷ Ary isan-taona dia izany foana no zava-mitranga rehefa mba tonga ao an-tranon’ny TOMPO i Hanà; nanao izay hampalahelo azy foana i Peninà, ka nitomany sy tsy nety nihinan-kanina izy.

Baiboly Protestanta Malagasy

⁷ Ary izany no fanaon’i Elkana isan-taona, raha niakatra ho any an-tranon’i Jehovah Hana, ary izany koa no nanorisoren’ny rafiny azy, koa nitomany izy sady tsy nety nihinan-kanina.

Malagasy Bible

⁷ Ary izany no fanaon'i Elkana isan-taona, raha niakatra ho any an-tranon'i Jehovah Hana, ary izany koa no nanorisoren'ny rafiny azy, koa nitomany izy sady tsy nety nihinan-kanina.

1Samoela 1:7 Rohy Ifampitohizana

Salamo 102:4

Fa levona toy ny lasan-ko setroka ny androko, ary mirehitra, toy ny doran’ny afo, ny taolako.

Salamo 102:5

Voajinja toy ny ahitra ny foko, ka malazo; hadinoko aza ny mihinan-kanina.

Jeremia 41:5

nisy olona valopolo lahy tonga avy any Sikema sy Silô ary Samaria, samy voaharatra ny volombavany, voatriatra ny fitafiany, voatetika ny tenany, nitondra fanatitra aman’emboka manitra, haterina ao an-tranon’i Iaveh.

1Samoela 1:6

Sady mbola nankalozain’ity rafiny mafy izaitsizy koa izy, mba hampalahelo azy amin’ny nanaovan’i Iaveh azy momba.

1Samoela 1:8

Hoy i Elkanà vadiny taminy: «Ry Anà ô, ahoana no itomanianao sy tsy ihinananao hanina? Ary nahoana no malahelo ny fonao? Tsy mihoatra noho ny zanaka folo lahy va aho, ho anao?»

1Samoela 2:1

Ary nivavaka i Anà ka nanao hoe: «Ny foko misomebin-kafaliana amin’i Iaveh, ny tandroko nasandratr’i Iaveh, ny vavako misokatra hamely ny fahavaloko; fa mifaly amin’ny famonjenao aho.

1Samoela 2:19

Nanaovan-dreniny akanjo kely izy, nentiny ho azy isan-taona, rehefa miara-miakatra amin’ny vadiny izy, hanatitra ny sorona fanao isan-taona.