1Samoela 1:6 - Baiboly Katolika

⁶ Sady mbola nankalozain’ity rafiny mafy izaitsizy koa izy, mba hampalahelo azy amin’ny nanaovan’i Iaveh azy momba.

Baiboly Protestanta Malagasy 2011

⁶ Tsy nitsahatra nanorisory an’i Hana ny rafiny mba hampalahelo azy mafy, noho ny nanaovan’ny TOMPO azy momba.

DIEM PROTESTANTA

⁶ Nitady hatrany izay hanorisorenana an’i Hanà anefa ny rafivaviny, ka nandrabiraby azy noho io nanaovan’ny TOMPO azy momba io.

Dikateny Iombonana Eto Madagasikara

⁶ Nitady hatrany izay hanorisorenana an’i Hanà anefa ny rafivaviny, ka nandrabiraby azy noho io nanaovan’ny TOMPO azy momba io.

Baiboly Protestanta Malagasy

⁶ Ary ny rafiny dia nanorisory azy mba hampalahelo azy mafy noho ny nanaovan’i Jehovah azy momba.

Malagasy Bible

⁶ Ary ny rafiny dia nanorisory azy mba hampalahelo azy mafy noho ny nanaovan'i Jehovah azy momba.

1Samoela 1:6 Rohy Ifampitohizana

Genesisy 30:1

Nony hitan-dRasela fa tsy mba niteraka tamin’i Jakôba izy, dia nialona ny rahavaviny izy sady nanao tamin’i Jakôba hoe: «Mba omeo zaza aho, fa raha tsy izany maty aho.»

2Samoela 6:23

Ary tsy nanan-janaka mandra-pahafatiny i Mikola zanaka vavin’i Saola.

Joba 24:21

Nandroba ny momba tsy niteraka izy, ary tsy nanisy soa ny mananotena.

Joba 6:14

Mendrika hiantran’ny sakaizany izay tra-pahoriana, na dia nandao ny fahatahorana ny Tsitoha aza izy.

Levitikosy 18:18

Aza maka ny rahavavin’ny vadinao ho rafiny, amin’ny fanokafana ny fitanjahany sy ny an’ny vadinao izay mbola velona.

Mpitsara 11:37

Ary hoy izy tamin-drainy: «Ity no mba soa ataovy amiko: Avelao malalaka aho, mandritra ny roa volana: dia handeha hidina ho any an-tendrombohitra, ary hitomany ny fahavirijiniako miaraka amin’ireo namako».

1Samoela 1:7

Ary toy izany no nataon’i Elkanà isan-taona isaky ny iakaran’i Anà any an-tranon’i Iaveh; fa nampijalin’i Fenenà toy izany ihany koa izy. Ary tamin’izany dia nitomany izy sy tsy nihinan-kanina.

1Samoela 2:1

Ary nivavaka i Anà ka nanao hoe: «Ny foko misomebin-kafaliana amin’i Iaveh, ny tandroko nasandratr’i Iaveh, ny vavako misokatra hamely ny fahavaloko; fa mifaly amin’ny famonjenao aho.