1Petera 2:21 - DIEM PROTESTANTA

Eny, izany no niantsoan’Andriamanitra anareo; fa i Kristy aza efa nijaly hamonjy anareo, ka namela fianarana ho anareo, mba hanarahanareo ny diany:

Baiboly Protestanta Malagasy 2011

Fa ho amin’izany no niantsoana anareo; fa Kristy aza nijaly hamonjy anareo ka namela fianarana ho anareo mba hanarahanareo ny diany;

Dikateny Iombonana Eto Madagasikara

Eny, izany no niantsoan’Andriamanitra anareo; fa i Kristy aza efa nijaly hamonjy anareo, ka namela fianarana ho anareo, mba hanarahanareo ny diany:

Baiboly Katolika

Sady izany koa no niantsoana anareo, satria i Kristy nijaly ho anareo koa, ka namela fianarana ho anareo, mba hanarahanareo ny diany:

Baiboly Protestanta Malagasy

Fa ho amin’izany no niantsoana anareo; fa Kristy aza efa nijaly hamonjy anareo ka namela fianarana ho anareo, mba hanarahanareo ny diany;

Malagasy Bible

Fa ho amin'izany no niantsoana anareo; fa Kristy aza efa nijaly hamonjy anareo ka namela fianarana ho anareo, mba hanarahanareo ny diany;

La Bible en Malgache

Fa ho amin’izany no niantsoana anareo; fa Kristy* aza nijaly hamonjy anareo ka namela fianarana ho anareo mba hanarahanareo ny diany;

1Petera 2:21 Rohy Ifampitohizana

Salamo 85:13

Ny TOMPO mihitsy no hanome ny zava-tsoa ka hahavokatra tokoa ny tanintsika;

Matio 10:38

Ary izay tsy mitondra ny hazofijaliany ka tsy miaraka amiko dia tsy mendrika Ahy.

Matio 11:29

Raiso ny fampianarako ary mianara amiko fa malemy fanahy sady tsy miavona am-po Aho; ary dia hahita fialan-tsasatra ao anatinareo ianareo.

Matio 16:24

Avy eo dia hoy i Jesoa tamin’ireo mpianany: –Raha misy te hiara-dia amiko, dia aoka izy handà ny tenany ka hitondra ny hazofijaliany ary hiaraka amiko.

Lioka 24:26

Moa tsy tokony ho niaritra izany ve ny Mesia, alohan’ny hidirany any amin’ny voninahiny?

Jaona 13:15

Eny, nomeko fianarana ianareo mba hanaovanareo toy ny nataoko taminareo.

Jaona 16:33

Izany no voalazako taminareo, dia mba hanananareo fiadanana amin’ny firaisana amiko. Eto amin’izao tontolo izao no ahitanareo fahoriana; nefa mahereza, fa Izaho efa naharesy izao tontolo izao!

Asan’ny Apostoly 14:22

Nampahery fo ny mpianatra i Paoly sy i Barnabà ary nampirisika azy ireo haharitra amin’ny finoana ka nanao taminy hoe: –Fahoriana be no tsy maintsy diavintsika mba hidirana ao amin’ny Fanjakàn’Andriamanitra!

Asan’ny Apostoly 17:3

nohazavainy sady nasehony taminy fa, araka ny Soratra Masina, dia tsy maintsy nijaly ny Mesia ary nitsangana velona avy tany amin’ny maty. Ka hoy i Paoly: –Izao Jesoa ambarako aminareo izao no ilay Mesia!

Asan’ny Apostoly 9:16

Hasehoko azy ny mafy rehetra tsy maintsy hiaretany ho voninahitro.

Romana 8:29

Satria izay nofidin’Andriamanitra mialoha dia voatendry rahateo koa hitovy endrika amin’ilay Zanany, mba hahatonga ny Zanany ho lahimatoa manan-jandry maro.

1Korintiana 11:1

Manafahy ahy ianareo, tahaka ny anafahako an’i Kristy!

Efesiana 5:2

Ny fitiavana no aoka hanenika ny fitondrantenanareo, tahaka ny nitiavan’i Kristy antsika sy nanolorany tena tamin’Andriamanitra toy ny fanatitra sy sorona manitra mamerovero ho fanasoavana antsika.

Filipiana 2:5

Aoka ho ao aminareo ilay toe-tsaina tao amin’i Kristy Jesoa:

1Tesaloniana 3:3

mba tsy hisy hihontsina ianareo amin’izao fahoriana mahazo antsika izao; satria ny tenanareo mahalala fa voatendrin’Andriamanitra hodiavintsika izany.

1Tesaloniana 4:2

Fantatrareo rahateo ireo fepetra avy amin’i Jesoa Tompo nomenay anareo;

2Timoty 3:12

Eny, izay te hiaina araka ny maha mpivavaka tafaray amin’i Kristy Jesoa dia hoenjehina.

Hebreo 2:10

Eny, Andriamanitra, Izay nahary ny zavatra rehetra sady anton’ny nahariana ny zavatra rehetra, dia te hitondra zanaka maro ho any amin’ny voninahitra; ka rariny raha nataon’Andriamanitra ho tanteraka tamin’ny alalan’ny fijaliana tokoa i Jesoa, ilay mpitari-dalana azy ireo ho amin’ny famonjena.

1Petera 1:20

I Kristy dia efa voatendrin’Andriamanitra rahateo talohan’ny nahariana izao tontolo izao, saingy tamin’izao andro farany izao vao naseho noho ny aminareo;

1Petera 2:24

ny tenan’i Kristy no nitondra ny fahotantsika teo ambony hazofijaliana, mba hitsaharantsika amin’ny fahotana ka hivelomantsika hanao ny marina; ary ny dian-kapoka taminy no nahasitrana anareo.

1Petera 3:18

Fa i Kristy koa dia efa maty indray mandeha monja ho fanalana ny ota: ny Marina no efa maty hamonjy ny tsy marina, mba hitondra antsika ho amin’Andriamanitra. Novonoina tao amin’ny nofo i Kristy, fa novelomina araka ny Fanahy Masina.

1Petera 3:9

Aza mamaly ratsy ny ratsy na mamaly ompa ny ompa; aleo kosa mirary soa, satria ianareo efa nantsoin’Andriamanitra hanana anjara amin’ny soa nampanantenainy.

1Petera 4:1

Noho i Kristy efa nijaly tao amin’ny nofo, dia raiso ho fiadianareo koa ny toe-tsaina nananany; satria izay olona nijaly tao amin’ny nofo dia nampitsaharina tamin’ny ota,

1Petera 4:13

Fa mifalia araka ny iombonanareo fijaliana amin’i Kristy, mba ho heni-kafaliana aman-karavoana koa ianareo amin’ny andro hisehoan’ny voninahiny.

1Jaona 2:6

Izay milaza fa mitoetra ao anatin’Andriamanitra izy, dia tsy maintsy miaina toa izay niainan’i Kristy koa.

1Jaona 3:16

Izao no ahafantarantsika ny fitiavana: i Jesoa Kristy dia nahafoy ny ainy hamonjeny antsika; ary isika koa dia mba tokony hahafoy ny aintsika hamonjena ny namana.

Apokalipsy 12:11

Ireo havantsika kosa dia naharesy ilay mpiampanga, ka ny ra nafoin’ny Zanakondry sy ny tenin’Andriamanitra nijoroan’izy ireo ho vavolombelona no nandreseny azy; ary tsy nankamamy ny ainy intsony ireo na dia ho faty aza.