1Tantara 16:19 - DIEM PROTESTANTA Tamin’izay ianareo mbola mora isaina, mpifindra monina vitsy kely teo amin’ny tany; Baiboly Protestanta Malagasy 2011 Tamin’izay dia mbola olom-bitsy ianareo, eny, vitsy sady vahiny tao; Dikateny Iombonana Eto Madagasikara Tamin’izay ianareo mbola mora isaina, mpifindra monina vitsy kely teo amin’ny tany; Baiboly Katolika Fony mbola mora isaina ianareo, vitsy isa, sady vahiny tamin’ny tany, Baiboly Protestanta Malagasy Fony mbola olom-bitsy hianareo, Eny, vitsy sady vahiny tao, Malagasy Bible Fony mbola olom-bitsy ianareo, Eny, Vitsy sady vahiny tao, La Bible en Malgache Tamin’izay dia mbola olom-bitsy ianareo, eny, vitsy sady vahiny tao; |
Dia hoy i Jakôba tamin’i Simehôna sy i Levỳ: –Nampidi-doza ahy ianareo fa nahatonga ahy ho mangidy hoditra amin’ny mponina tompon-tany, dia ny Kanahanita sy ny Perizita. Hitambatra hamely ahy ireo, dia handresy ahy satria olom-bitsy no eto amiko; ka ho fongotra ny tenako sy ny fianakaviako.
nivezivezy nitety firenena ianareo ka niala tamin’ny fanjakana iray hankany amin’ny vahoaka hafa.
Tsy nisy faritra natolotr’Andriamanitra ho anjara lovan’i Abrahama teto na dia iray dia aza, saingy nampanantenain’Andriamanitra fa ity tany ity dia homeny azy ho fananany sy ho fananan’ny taranany handimby azy; ary mbola tsy nanan-janaka akory i Abrahama tamin’izany fotoana izany,
Tsy hoe ianareo maro noho ny firenena hafa rehetra no nampiraiki-po ny TOMPO taminareo sy nifidianany anareo, satria vitsy noho ny firenena hafa rehetra aza ianareo.
Tamim-pinoana no nahafatesan’ireo olona rehetra ireo. Tsy azony akory izay nampanantenain’Andriamanitra azy, kanefa notazanin’ireo sy noarahabainy avy lavitra; ary dia niaiky izy rehetra fa vahiny sy mpivahiny teto an-tany.