Nehemia 9:19 - Baiboly Katolika

noho ny haben’ny famindram-ponao, dia tsy nafoinao tany an’efitra izy, ka tsy niala teo akaikiny ny andry rahona fa nitari-dalana azy raha antoandro, na ny andry afo fa nanazava azy nony alina, amin’ny lalan-kalehany.

Baiboly Protestanta Malagasy 2011

kanefa noho ny haben’ny famindramponao dia tsy mba nahafoy azy tany an-tany efitra Ianao; ny andry rahona izay nitondra azy teny an-dalana dia tsy niala taminy raha antoandro, toy izany koa ny andry afo izay nampahazava azy nony alina dia hahitany izay lalana tokony halehany.

DIEM PROTESTANTA

kanefa noho Ianao be famindrampo, dia tsy nafoinao tany an-taniefitra izy: Ny andry rahona, izay nitari-dalana azy raha antoandro, dia tsy niala teo akaikiny na ny andry afo nony alina mba hanazava ny lalan-kalehany,

Dikateny Iombonana Eto Madagasikara

kanefa noho Ianao be famindrampo, dia tsy nafoinao tany an-taniefitra izy: Ny andry rahona, izay nitari-dalana azy raha antoandro, dia tsy niala teo akaikiny na ny andry afo nony alina mba hanazava ny lalan-kalehany,

Baiboly Protestanta Malagasy

kanefa noho ny haben’ny famindramponao dia tsy mba nahafoy azy tany an-efitra Hianao; ny andri-rahona, izay nitondra azy teny an-dàlana, dia tsy niala taminy raha antoandro, na ny andri-afo, izay nampahazava azy nony alina, hahitany izay làlana tokony halehany.

Malagasy Bible

kanefa noho ny haben'ny famindram-ponao dia tsy mba nahafoy azy tany an-efitra Hianao; ny andri-rahona, izay nitondra azy teny an-dalana, dia tsy niala taminy raha antoandro, na ny andri-afo, izay nampahazava azy nony alina, hahitany izay lalana tokony halehany.

La Bible en Malgache

kanefa noho ny haben’ny famindramponao dia tsy mba nahafoy azy tany an-tany efitra Ianao; ny andry rahona izay nitondra azy teny an-dalana dia tsy niala taminy raha antoandro, toy izany koa ny andry afo izay nampahazava azy nony alina dia hahitany izay lalana tokony halehany.

Nehemia 9:19 Rohy Ifampitohizana

Nehemia 9:12

Andry rahona no nitarihanao azy raha antoandro, ary andry afo nony alina, mba hanazava eo anatrehany ny lalan-kalehany.

Nehemia 9:27

Tamin’izay dia nafoinao izy, ho eo an-tanin’ireo mpampahory izay nampahory azy. Tamin’ny andron’ny fahoriany anefa nitaraina taminao izy, dia nihaino azy Ianao any an-danitra, ary nentin’ny famindram-ponao lehibe dia nanome mpamonjy izay nanafaka azy teo an-tanan’ireo mpampahory.

Nehemia 9:31

Noho ny haben’ny famindram-ponao anefa tsy naringanao izy, na nilaozanao, fa Andriamanitra miantra sy mamindra fo Ianao.

Salamo 106:45

Notsarovany, hitsimbinana azy, ny fanekeny; namindra fo taminy araka ny hatsaram-pony lehibe Izy;

Salamo 136:16

Izay nitondra ny vahoakany tany an’efitra, fa mandrakizay ny famindram-pony,

Eksodosy 40:36

Nandritra ny andro rehetra nandehanan’ny zanak’i Israely, dia niainga izy ireo raha niakatra niala teo ambonin’ny Fonenana ny rahona,

Eksodosy 40:38

Fa ny rahon’i Iaveh dia nijanona teo ambonin’ny Fonenana, raha antoandro ny andro, ary amin’ny alina dia nisy afo, hitan’ny taranak’i Israely rehetra, teo amin’ny rahona, mandritra ny andro rehetra nandehanany.

Isaia 44:21

Tsarovy izany zavatra izany, ry Jakôba, ry Israely ô, fa mpanompoko ianao! Izaho namorona anao mba ho mpanompoko ianao; tsy hanadino anao Aho, ry Israely!

Fitomaniana 3:22

Famindram-pon’i Iaveh no tsy nahalany ritra antsika, fa tsy lany ny famindram-pony.

Ezekiela 20:14

Nefa nanao ny ataoko Aho noho ny Anarako mba tsy ho voavetaveta izany eo imason’ireo firenena, izay nahita ny nitondrako azy nivoaka ny tany Ejipta.

Ezekiela 20:17

Nefa niantra tsy te-handringana azy ny masoko, ka dia tsy nolevoniko tany an’efitra izy ireo.

Ezekiela 20:22

Nefa naviliko ny tanako, nanao ny ataoko noho ny Anarako, mba tsy ho voavetaveta izany eo imason’ireo firenena, izay nahita ny nitondrako azy nivoaka.

Malakia 3:6

Noho Izaho Iaveh tsy miova, no tsy nahafongotra anareo, ry taranak’i Jakôba.

Nomery 14:14

Efa ren’izy ireo, fa Ianao Iaveh no eo afovoan’ity vahoaka ity, Ianao Iaveh no miseho mifanatrika ao; ary ny rahonao no mijanona eo amboniny. Ianao no mandeha eo alohany, amin’ny andry rahona, ny antoandro, ary amin’ny andry afo, ny alina.

Deoteronomia 8:2

Tsarovy ny lalàna rehetra izay nasain’i Iaveh Andriamanitrareo nandehananareo, tany an’efitra, nandritra ny efapolo taona izao, mba hampanetry tena anao, sy hitsapa ny tenanao, dia hahalalàna ny hevitrao ao am-ponao, na hitandrina ny didiny ianao, na tsia.

1Samoela 12:22

Fa tsy handao ny olony i Iaveh, noho ny Anarany lehibe, satria sitrak’i Iaveh ny nanao anareo ho olony.