Mpitsara 15:8 - Baiboly Katolika Dia nasiany mafy tokoa ireo, tsy nitondrany roa; dia nidina izy ary nitoetra tao amin’ilay zohy amin’ny vatolampin’i Etama. Baiboly Protestanta Malagasy 2011 Dia namely azy izy ka nanapotika azy tanteraka ary nahafaty be dia be; dia nidina izy ka nitoetra teo an-tsefatsefak’ilay harambato mitresaka any Etama. DIEM PROTESTANTA Koa namely azy i Samsôna ary nampitondra faisana azy tanteraka. Rehefa izany, dia lasa izy nonina teo an-tsefatsefak’ilay harambato tao Hetama. Dikateny Iombonana Eto Madagasikara Koa namely azy i Samsôna ary nampitondra faisana azy tanteraka. Rehefa izany, dia lasa izy nonina teo an-tsefatsefak’ilay harambato tao Hetama. Baiboly Protestanta Malagasy Dia namely azy izy ka nahatapaka ranjo sy fe ary nahafaty be dia be; dia nidina izy ka nitoetra teo an-tsefatsefak’ilay harambato mitresaka any Etama. Malagasy Bible Dia namely azy izy ka nahatapaka ranjo sy fe ary nahafaty be dia be; dia nidina izy ka nitoetra teo an-tsefatsefak'ilay harambato mitresaka any Etama. La Bible en Malgache Dia namely azy izy ka nanapotika azy tanteraka ary nahafaty be dia be; dia nidina izy ka nitoetra teo an-tsefatsefak’ilay harambato mitresaka any Etama. |
Fa ny tanan’i Iaveh hipetraka amin’ity tendrombohitra ity; ary i Moaba kosa, hohosihosena an-toerana, toy ny fihosihosy mololo ao an-dobon-jezika.
Nanosy irery teo amin’ny famiazam-boaloboka aho, fa tsy nisy na dia iray aza niaraka tamiko, ny avy amin’ny firenena. Dia nanosy azy ireo aho, nentin’ny hatezerako, ary nanitsakitsaka azy aho nentin’ny fahavinirako; nipitika tamin’ny akanjoko ny ranony, ka voalotoko avokoa ny fitafiako.
Nentin’ny hatezerako aho nanamontsana ny firenena; nataoko leon’ny fahavinirako izy ireo; ary nataoko nandriaka tamin’ny tany ny rany.
namono ny herin’ny afo, afaka tamin’ny lelan’ny sabatra, nositranina tamin’ny aretina, nampiseho herim-po tamin’ny ady, nampandositra ny miaramilan’ny fahavalo;
Ka hoy ny lehilahy tamin’i Jodà: «Ahoana no iakaranareo hamely anay?»Ary hoy ny navaliny: «Hamatotra an’i Samsôna no niakaranay mba hanaovanay aminy toraky ny nataony taminay.»
Nidina ny lehilahy telo arivo tamin’i Jodà nankany amin’ilay zohy amin’ny vatolampin’i Etama ka nanao tamin’i Samsôna hoe: «Tsy fantatrao va fa mpanapaka antsika ny Filistinina, ka ahoana no dia nanaovanao toy izao aminay?» Ary hoy ny navaliny azy ireo: «Toraky ny nataony tamiko ihany no nataoko taminy kosa.»
Hoy i Samsôna tamin’izy ireo: «Izany ve no ataonareo? Tsy maninona fa tsy hijanona kosa aho, raha tsy nahavaly faty anareo.»