Mpitsara 11:21 - Baiboly Katolika

Fa natolotr’i Iaveh Andriamanitr’i Israely, ho eo an-tanan’i Israely, i Sehôna mbamin’ny vahoakany rehetra, ka noreseny ireny, dia azon’i Israely ny tanin’ny Amôreana rehetra izay nonina tamin’izany faritany izany;

Baiboly Protestanta Malagasy 2011

Ary NY TOMPO, Andriamanitry ny Israely, nanolotra an’i Sihona sy ny vahoakany rehetra teo an-tanan’ny Israely ka namely azy ireo. Dia azon’ny Israely ny tanin’ny Amorita rehetra izay mponina tany amin’izany tany izany.

DIEM PROTESTANTA

Ary natolotry ny TOMPO Andriamanitr’i Israely teo an-tanan’ny Israelita i Sihôna sy ny tafiny ka resiny. Dia nalain’ny Israelita ny faritany rehetra nonenan’ny Amôrita,

Dikateny Iombonana Eto Madagasikara

Ary natolotry ny TOMPO Andriamanitr’i Israely teo an-tanan’ny Israelita i Sihôna sy ny tafiny ka resiny. Dia nalain’ny Israelita ny faritany rehetra nonenan’ny Amôrita,

Baiboly Protestanta Malagasy

Ary Jehovah, Andriamanitry ny Isiraely, nanolotra an’i Sihona sy ny vahoakany rehetra teo an-tànan’ny Isiraely, ka namely azy ireo; dia azon’ny Isiraely ny tanin’ny Amorita rehetra, mponina tany amin’izany tany izany.

Malagasy Bible

Ary Jehovah, Andriamanitry ny Isiraely, nanolotra an'i Sihona sy ny vahoakany rehetra teo an-tànan'ny Isiraely, ka namely azy ireo; dia azon'ny Isiraely ny tanin'ny Amorita rehetra, mponina tany amin'izany tany izany.

La Bible en Malgache

Ary NY TOMPO, Andriamanitry ny Israely, nanolotra an’i Sihona sy ny vahoakany rehetra teo an-tanan’ny Israely ka namely azy ireo. Dia azon’ny Israely ny tanin’ny Amorita rehetra izay mponina tany amin’izany tany izany.

Mpitsara 11:21 Rohy Ifampitohizana

2Tantara 13:16

Dia nandositra teo anoloan’i Jodà ny zanak’i Israely ary natolotr’Andriamanitra ho eo an-tanany.

2Tantara 13:5

Tsy tokony ho fantatrareo va fa nomen’i Iaveh Andriamanitr’i Israely, ho an’i Davida mandrakizay, ny fanjakana amin’i Israely, dia ho azy sy ny taranany, amin’ny fanekena tsy azo dikaina?

Eksodosy 23:31

Izao no hataoko faritaninao: hatramin’ny Ranomasina Mena ka hatramin’ny ranomasin’ny Filistinina, ary hatramin’ny efitra ka hatramin’ny ony, satria hatolotro eo an-tananao ny mponina amin’ny tany ka horoahinao hiala eo anoloanao.

Amosa 2:9

Teo anoloan’izy ireo anefa no nandringanako ny Amôreana izay avo be hoatra ny sedera, sy matanjaka hoatra ny oaka. Noravako avokoa ny voany teny ambony, sy ny fakany teo ambany.

Nomery 21:24

I Israely namely azy tamin’ny lelan-tsabatra, ka nahazo ny taniny hatrany Arnôna ka hatrany Jabaoka, hatreo amin’ny zanak’i Amôna, fa mafy ny faritry ny tanin’ny zanak’i Amôna.

Deoteronomia 2:32

Dia nivoaka i Sehôna mbamin’ny vahoakany rehetra, mba hiady amintsika tao Jasà;

Josoa 6:2

Ary hoy i Iaveh tamin’i Jôsoe: «Jereo, efa natolotro eo an-tananao i Jerikô, mbamin’ny mpanjakany sy ny olo-maheriny.

Mpitsara 11:20

I Sehôna anefa, tsy ampy fitokiana an’i Israely mba hamela azy hamaky ny taniny. Namory ny vahoakany rehetra i Sehôna, ka nitoby tao Jasà, dia niady tamin’i Israely.