Josoa 15:9 - Baiboly Katolika

Avy eo an-tampon’ny tendrombohitra dia nizotra ny faritry ny tany hatrany amin’ny lohan’ny ranon’i Neftoà, nihatra amin’ny tanàna ao an-tendrombohitra Efrôna; nandroso ny faritry ny tany mankany Baala, dia Kariata-Jearima izany.

Baiboly Protestanta Malagasy 2011

nizotra hatrany an-tampon’ny tendrombohitra, nihatra tamin’ny loharanon’i Neftoa, nahazo ny tanàna tao an-tendrombohitra Efrona, nizotra hatrany Baala na Kiriata-Jearima,

DIEM PROTESTANTA

avy eo mihodina ho any amin’ny loharano Neftôa, mihazo ireo tanàna any an-tendrombohitr’i Hefrôna, vao mihodina ho any Bahala izay antsoina koa hoe Kiriata-Jeharima;

Dikateny Iombonana Eto Madagasikara

avy eo mihodina ho any amin’ny loharano Neftôa, mihazo ireo tanàna any an-tendrombohitr’i Hefrôna, vao mihodina ho any Bahala izay antsoina koa hoe Kiriata-Jeharima;

Baiboly Protestanta Malagasy

dia nizotra hatramin’ny tampon’ny tendrombohitra ka nihatra tamin’ny loharano Neftoa, dia nahazo ny tanàna tao an-tendrombohitra Efrona, dia nizotra hatrany Bala (Kiriata-jearima izany),

Malagasy Bible

dia nizotra hatramin'ny tampon'ny tendrombohitra ka nihatra tamin'ny loharano Neftoa, dia nahazo ny tanàna tao an-tendrombohitra Efrona, dia nizotra hatrany Bala (Kiriata-jearima izany),

La Bible en Malgache

nizotra hatrany an-tampon’ny tendrombohitra, nihatra tamin’ny loharanon’i Neftoa, nahazo ny tanàna tao an-tendrombohitra Efrona, nizotra hatrany Baala na Kiriata-Jearima,

Josoa 15:9 Rohy Ifampitohizana

2Samoela 6:2

Dia nitsangana i Davida ka niainga izy narahin’ny vahoaka rehetra izay tafavory manodidina azy, ka nankany Baala-Jodà mba hampiakatra avy any ny Fiaran’Andriamanitra izay fiantsoana ilay Anarana, ny Anaran’i Iavehn’ny tafika, izay mipetraka eo ambonin’ny Kerobima.

1Tantara 13:6

Dia niakatra i Davida mbamin’i Israely rehetra, nankany Baalà, izany hoe i Kariatiarima izay any Jodà, mba hampiakatra avy any ny fiaran’Andriamanitra, ny fiaran’i Iaveh izay mipetraka eo ambonin’ny kerobima, izay fiantsoana ilay Anarana.

Josoa 15:29

i Baalà, i Jima, i Esema,

Josoa 15:60

I Kariat-Baala, dia i Kariat-Jearima izany ary i Arebà: tanàna roa sy ny zana-bohiny.

Josoa 18:15

Amin’ny lafiny atsimo, nanomboka eo amin’ny tendron’i Kariata-Jearima ny faritry ny tany, ary nandroso niankandrefana nipaka tamin’ny lohan’ny ranon’i Neftoà,

Josoa 9:17

Koa niainga ny zanak’i Israely dia tonga tany an-tanànan’izy ireo nony afaka hateloana; ny tanànany dia i Gabaôna, i Kafira, i Berôta ary i Kariatiarima.

Mpitsara 18:12

Niakatra ireo, dia nitoby tao Kariatiarima any Jodà, izany no niantsoana io tany io mandraka androany hoe: Makane-Dana, ka ao andrefan’i Kariatiarima no misy azy.

1Samoela 6:21

Dia nandefa iraka nankany amin’ny mponina any Kariatiarima izy ireo, hilaza hoe: «Naverin’ny Filistinina ny Fiaran’i Iaveh ka midìna ianareo hampiakatra azy ho any aminareo».